SHBA-ja në Kosovë do mbetet

[Fshatari]

Më revolton diktati i njëfarë organizate të panjohur për Kosovën (që e quan vetëvetën Këshill i Evropës) që kërkon me ngulm "inspektimin e menjëhershëm"(shum për ngut e paska) të bazës ushtarake amerikane më të madhe në Evropë : Bondsteel, në afërsi të Ferizajt.
Organizata në fjalë nuk ka të drejtë të formulojë kërkesa të tilla në emrin e shtetit të Kosovës : Kosova nuk është antare e asaj organizate. Kjo e fundit nuk mund t'i imponojë Kosovës se kë mund të ketë aleat.
Kosova ka zgjedhur aleatin e vetë në vitin 1999, ka pranuar që SHBA-ja të ndërtojë një bazë të madhe ushtarake në qendër të Kosovës si faktor paqeje për gjithë Evropën.
Këshilli i Evropës duhet të formulojë kërkesë zyrtare pranë autoriteteve të Kosovës për të kaluar kufirin e këtij shteti mu ashtu siç vepron ky këshill në vendin e vetë : Cili shqiptar mund të kalojë kufirin në shtetet evropjane pa pasaportë e pa vizë ?! Asnjëri.
Kush beson vallë se organizatës të ashtuquajtur këshill i Evropes po i dhimbshëkanë të burgosurit inekzistent "islamist" në Kosovë! Kush beson se kjo organizatë është e prirur nga humanizmi i tepruar dhe dëshiron të "njoftohet" me gjendjen e të burgosurve fantomatik !
Organizata e ndyrë mund të inspektojë në vendin e vetë ku kushtet e të burgosurve janë vërtet katastrofike ! Kosova nuk ka nevojë hiç për këtë organizatë. Sikur të kishte ndonjë konsideratë për Kosovën organizata në fjalë do e pranonte si antare të plotë në gjirin e saj. Por këtë nuk e ka bërë kurr prandaj SHBA-ja do jetë e pranishme për 5 shekuj në Kosovë deshi apo s'deshi Evropa e mplakur!

Këtu më posht diktati i plotë i kësaj organizate që për vetën time nuk e njihja më parë :

"STRASBURG :
Këshilli i Evropës ka kërkuar sot nga NATO-ja të lejojë inspektorët që të kenë qasje të menjëhershme në qendrat e paraburgimit në Kosovë.
Këshilli i Evropës prej vitesh po kërkon nga NATO-ja që të lejohet të inspektojë burgun në kampin Bondstill, e vetmja qendër paraburgimi ku ky institucion nuk ka pasur mundësi vëzhgimi.
Aleanca Veriatlantike nga ana e saj ka thënë se nuk ka asnjë të ndaluar në këtë kamp.
Kërkesa për të pasur qasje në kampin Bondstill vjen në një kohë kur Këshilli i Evropës po heton infromacionet për ekzistencën e burgjeve sekrete të CIA-s në territorin evropian".

PS: unë votoj kundër qasjes të atyre inspektorve të "policisë" në një bazë ushtarake ! Kosova është territor evropjan. Ajo nuk është pronë private e Evropës. Tragjedi nëse evropa s'e ka kuptuar këtë fakt ! Alzajmeri si duket po ia shkatërron për çdo ditë trurin edhe ashtu të vockël perëndimorit prepotent!

Pa kurfarë konsiderate, fshatari