Arrestohet pasi vjen nga egjipti VEHABISTI i dyshuar për vrasjen e Sali Tivarit

[Dilaver]

TIRANE

gerti xhaja
[email protected]


Shoqërohet dhe arrestohet fill pas kthimit nga Egjipti i dyshuari për ekzekutimin e ish-sekretarit të përgjithshëm të Komunitetit Musliman, Salih Tivari. Hetuesit kanë shfrytëzuar një urdhër arresti të lëshuar më parë ndaj durrsakut Artan Kristo, për një vrasje me thikë të kryer në fund të vitit 2002, për ta prangosur atë dhe për ta dërguar në ambientet e drejtorisë së policisë Tiranë. Pas hyrjes në dhomat e izolimit, në drekën e djeshme, Kristo duhet të përgjigjet tashmë edhe për dyshimet e ngritura ndaj tij për vrasjen e Tivarit. I akuzuari deklaroi dje për Gazetën në prani të avokates së tij, se “Ndjehej i qetë dhe se priste akuzat që do të ngriheshin ndaj tij për të treguar pafajësinë”.

Arratia
Menjëherë pas vrasjes, agjentët kishin vendosur me rreth të kuq emrin e Artan Kristos si të dyshuar. Kjo pasi policia ka siguruar dy dëshmi që flisnin për konflikte të mëparshme të Tivarit dhe Kristos, pasi ky i fundit njihej si njëri prej përfaqësuesve të rrymës së konservatorëve në fenë muslimane, e përqafuar nga të rinjtë që kanë studiuar në vendet arabe. Të nesërmen e vrasjes, në 14 janar 2003, drejtori i policisë së Tiranës në atë kohë Ilirian Zylyftari, kishte kërkuar shoqërimin e Kristos, por ky i fundit kishte lënë Shqipërinë dhe ishte larguar drejt Sirisë.
Mësohet se Kristo ka qëndruar deri në pranverën e vitit 2005 në Siri, moment në të cilin është hedhur në Egjipt së bashku me dy gratë e tij. Artan Kristo kishte ndryshuar emrin e tij që nga koha që ishte larguar nga Shqipëria dhe në vendet ku ka jetuar quhej Abu Abdullah. Së bashku me Kriston janë shoqëruar në masa të rrepta sigurie për në ambientet e izolimit të Drejtorisë së Policisë së Tiranës, edhe 5 besimtarë të tjerë muslimanë durrsak. Sipas burimeve të policisë, ata janë shoqëruar për shkak se kanë qenë në shoqërinë e tij. Ndërkohë në ambientet e policisë, janë thirrur edhe funskionarë të Komunitetit Musliman në periudhën e vrasjes, për të rifreskuar dëshmitë e tyre dhe për t’i ballafaquar me Kriston.
Veprimet hetimore janë kryer në heshtje të plotë dhe deri në orët e vona të mbrëmjes së djeshme nuk bëheshin të ditura masat që do të merreshin. Prokurori i çështjes Saimir Hysi ka qenë i pranishëm deri në orët e vona në Drejtorinë e Policisë në Tiranë. Burime të rezervuara pranë grupit të hetimit, u shprehën për Gazetën se kthimi i Kristos ka rihapur edhe një herë hetimet e vrasjes së bujshme.

Shoqërimet
Kristo kishte vetëm 5 ditë që ishte kthyer nga arratia fillimisht në Siri e më pas në Egjypt, kur është shoqëruar nga policia. Agjentë të policisë kriminale të Durrësit kishin siguruar informacionin e kthimit të dyshuarit enigmatik dhe kanë sinjalizuar në zyrën e antiterrorit. Sipas burimeve dëshmia e Kristos mendohet të jetë e rëndësishme për ecurinë e hetimeve pasi ai nuk është marrë asnjëherë në pyetje lidhur me veprimet e tij mëngjesin kur ndodhi krimi. Rreth orës 14.00 të ditës së djeshme, Kristo së bashku me 5 besimtarë të tjerë muslimanë i shoqëruar me masa të rrepta sigurie ka mbërritur në ambientet e izolimit të Drejtorisë së Policisë së Tiranës. Të shoqëruarit janë mbajtur të ambiente të veçuara dhe kanë kaluar disa orë pyetjesh nga hetuesit.

[Reana]

Ketij krimineli, shpresoj Sistemi Juridik ne Shqiperi, ti jape denimin MAKSIMAL, per vepren e kryer.

[Kalt]

Nuk eshte problemi vetem te denimi i ketij personi, por problemi eshte te rrezikshmeria qe ka ai dhe bashkemendimtaret e tij per bashkejetesen ne trojet shqiptare. Lufta me e madhe duhet bere me ata qe i nxitin dhe financojne njerez te tille.
Megjithate per hir te lirise se besimit, shteti shqiptar do te duhet te respektoje zgjedhjen e gjithesecilit, por nga ana tjeter duhet te zbatoje me rreptesine me te madhe ligjin ndaj te gjithe atyre qe do te guxonin te vepronin ne kundershtim me ligjet dhe traditen shqiptare (jo vetem vehabistet por edhe anetaret e besimeve te tjera).
Ka duar te fshehta qe perdorin kesi njerezish per te tronditur ate qe i mban te lidhur shqiptaret - ndjenjen kombetare.
Ndjenja kombetare nuk duhet venitur kurre, as nuk duhet toleruar askush qe perhap ide te kunderta me kete ndjenje.
Shqiptaret nese duan te ekzistojne si komb dhe te mos kthehen ne nje mbeturine historike apo objekt arkeologjie i se ardhmes duhet te ruajne dhe te mbrojne me cdo mjet ndjenjen kombetare.
Me cdo cmim duhet respektuar kombi dhe ndjenja kombetare!

[Guri i madh]

mendoj se tani ka ardh koha qe kto krijesa jo njerzore jo te burgosen po duhet te zhduken nga faqja e dheut