Kur (nuk)nxiton Qeveria (Kryetari)!?

[Drinni]

Sejdiu është takuar me shefin e Zyrës Britanike në Prishtinë, David Blunt, me kryeadministratorin, Joakim Ryker, ambasadorin e Indisë në Beogard, Ajay Swarup, kryetarin e PSHDK-së, akademik Mark Krasniqi dhe drejtorin e Muzeut të Kosovës, Arbër Hadri.

Presidenti Sejdiu dhe shefi i Zyrës Britanike në Prishtinë, David Blunt, kanë biseduar për proceset politike në vend dhe përpjekjet e përbashkëta për t'i çuar përpara ato. Në këtë takim, z. Blunt e ka uruar presidentit Sejdiu zgjedhjen kryetar i LDK-së dhe e ka siguruar atë se Zyra e Britanisë së Madhe do të vazhdojë të mbështesë forcimin e institucioneve demokratike në Kosovë.
Edhe në takimin e z. Sejdiut me kryeadministratorin Ryker është biseduar për situatën aktuale politike në Kosovë dhe përpjekjet e UNMIK-ut dhe të institucioneve të Kosovës për realizimin e detyrave që shtrohen para stafit ndërkombëtar dhe atij vendës në këtë fazë të rëndësishme për të ardhmen e Kosovës. Po ashtu, presidenti Sejdiu ka takuar edhe Ajay Swarup, ambasador i Indisë në Beogard. Presidenti e falënderoi ambasadorin Swarup për angazhimin e Indisë në Kosovë, sidomos në periudhën e pasluftës.
Ambasadori indian z.Swarup ka thënë se kjo ishte vizita e parë e tij në Prishtinë dhe se kishte përshtypje shumë të mira. "Ju përgëzoj ju dhe të gjithë kolegët tuaj për punën e madhe që keni bërë. Ne do të vazhdojmë ta mbështesim Kosovën në të gjitha mënyrat që mundemi. Besojmë se të gjitha çështjet duhet të zgjidhen me mjete paqësore, sepse paqja dhe stabiliteti janë gjithashtu të rëndësishme për zhvillimin ekonomik. Ne jemi të gatshëm të kontribuojmë për progresin ekonomik të vendit tuaj. Megjithatë, mosdefinimi i statusit paraqet pengesë për zhvillimin ekonomik", ka vlerësuar z. Swarup.
Kryetari i Partisë Shqiptare Demokristiane të Kosovës, akademik Mark Krasniqi, me bashkëpunëtorë, i ka uruar presidentit Sejdiu, zgjedhjen kryetar i Lidhjes Demokratike të Kosovës. Në kuadër të takimeve të sotme, Presidenti Sejdiu ka pritur edhe Arbër Hadrin, drejtor i Muzeut të Kosovës.\21.12.06\

[Drinni]

Hulumtimi ka treguar se statusi politik i Kosovës nuk është më proukupimi kryesor i qytetarëve…

UNDP-ja ka publikuar raportin e ri, sipas të cilit, shkalla e besimit dhe e kënaqshmërisë së qytetarëve me punën e institucioneve ka shënuar rënie të theksuar në periudhën shtator -dhjetor të vitit 2006. Ky hulumtim ka vënë dukje uljen e vazhdueshme të besueshmërisë që nga marsi i vitit 2005. Në këtë hulumtim është vërejtur vetëm një rritje e shkallës së kënaqësisë me punën e Përfaqësuesit Special të Sekretarit të Përgjithshëm, ndërkohë që është shënuar rënie e madhe e besueshmërisë ndaj punës së Parlamentit të Kosovës.
Organizata e Kombeve të Bashkuara për Zhvillim Ndërkombëtar thotë se këto rezultate do të jenë të dobishme për institucionet e Kosovës.
Martin Sildrenwards, nga UNDP, thotë: "Qëllimi është që informatat e mbledhura nga sistemi i paralajmërimit të hershëm të jenë të dobishme për udhëheqësit e Kosovës dhe Bashkësinë Ndërkombëtare që ti kuptojnë më mirë perceptimet e qytetarëve dhe këto sfida të rëndësishme t'i trajtojnë në mënyrë që të shkojnë drejt përparimit".
Raporti gjithashtu tregon se njerëzit besojnë që Qeverisë së Kosovës i është ngritur shkalla e përgjegjësisë për situatën politike, përderisa UNMIK-u besohet se ka më pak përgjegjësi.
Ndërsa, kur bëhet fjalë për situatën ekonomike, njerëzit besojnë se Institucionet vendëse janë përgjegjësit kryesorë në krahasim me UNMIK-un.
UNDP thotë se Kompania që është marrë me këto hulumtime ka intervistuar rreth 1280 njerëz të cilët kanë shfaqur prokupimet e tyre.
Çështja e statusit të Kosovës nuk është më në vendin e parë. Lista e problemeve nis nga papunësia, ndërsa varfëria vazhdon të mbetet problemi i tretë më i madh.
UNDP-ja në bashkëpunim me USAID-in nga rezultatet e hulumtimit të opinionit publik kanë vërjetur se ekziston shkallë e lartë e pesimizmit politik dhe atij ekonomik.
Sipas rezultateve të UNDP-së është gjithnjë e më shumë në rritje shkalla e pesimizmit politik dhe ekonomik të qytetarëve.
Hulumtimi tregon se njerëzit po ndjehen më të sigurtë në krahasim me shtatorin e vitit të kaluar. Ndërsa nga qershori i vitit 2006 është shënuar rënie e përkrahjes së qytetarëve ndaj lëvizjes "Vetëvendosje".
Hulumtimi është bërë në dhjetor, një muaj pasi lëvizja "VETEVENDOSJE" ka mbajtur protestën e tyre të dhunshme. Rezultatet tregojnë se shumë më pak njerëz janë duke e përkrahur VETEVENDOS-jen pas kësaj proteste.
Ndërkaq, Qeveria e Kosovës vlerëson se raporti i paralajmërimit të hershëm i UNDP-së dhe USAID-it është bërë në një kohë delikate, mu në kohën kur është publikuar shtyrja e statusit të Kosovës. Sipas zëdhënëses së kryeministrit, Ulpiana Lama, kjo ka ndikuar edhe në përgjigjet e respondentëve.
Edhe Skënder Durmishi, këshilltar i kryeparlamentarit, Kolë Berisha, thotë se vlerësimet e dala në këtë raport që kanë të bëjnë me Kuvendin nuk qëndrojnë. Ai tha se ish sekretari i OKB-së, Kofi Anan në dy raportet e tij të fundit ka bërë vlerësime afirmative për punën e Legjislativit, ndërsa institucionet e tjera ndërkombëtare kanë dërguar vlerësime të larta.
Zëdhënesja e kryeministrit, Ulpiana Lama, tha se me zgjidhjen e statusit do të krijohen mundësitë edhe për zhvillimin ekonomik si dhe krijimin e vendeve të reja të punës, shqetësim primar i qytetarëve, i cili është paraqitur edhe në hulumtimin e bërë nga UNDP-ja dhe USAID-i.\25.01.07\




Kryeministri Çeku thotë se është pjesërisht i zhgënjyer me Rezolutën e Këshillit të Evropës ...




Çeku: Nuk ka shqetësime për eskalim të situatës, çdo gjë është nën kontroll ...






RadioTelevizioni21 RTV21 www.rtv21.tv