SHBA nuk do të veprojnë në mënyrë të njëanshme në Kosovë!

[sunshine]

SHBA nuk do të veprojnë në mënyrë të njëanshme në Kosovë, paralajmëron Daniel Fried


Sipas një raporti të Associated Press, ndihmës sekretari amerikan i shtetit, Daniel Fried, ka deklaruar se Uashingtoni nuk do të bëjë asnjë lëvizje të njëanshme rreth njohjes së pavarësisë së Kosovës. Ai konfirmoi se takimi i fundit i Moskës ka dështuar në synimin që të tejkalojë dallimet amerikano-ruse rreth të ardhmes së Kosovës, por ka shtuar se Uashingtoni do të vazhdojë të shtyjë rezolutën brenda Këshillit të Sugurimit të OKB-së.
"Ne nuk shohim asnjë avantazh në ndërmarrjen e aksioneve jashtë KS të OKB. Ne shohim vetëm disavantazhe në aksione të tilla. Rezoluta e Këshillit të Sigurimit është më e përshtatshmja për këtë çështje ", ka thënë Fried gjatë një qëndrimi në shtabin e NATO-s në Bruksel.
Fried njëherësh ka paralajmëruar se do të ishin të rrezikshme lëvizjet në drejtim të shpalljes së pavarësisë pa bekimin e OKB-së.
"Sidoqoftë, me gjasë, bëhet fjalë për situatën kur pavarësia do të ndodhë, në njërën apo tjetrën mënyrë. Por, ajo do të jetë një pavarësi e mbikëqyrur, pra e kontrolluar, dhe, si e tillë, më e mirë për të gjithë", ka thënë Fried.
Ai shtoi se alternativa është ”më kaotike, më e përgjakshme dhe me turbulltë për të gjithë”.
Fried ka thënë se zyrtarët e SHBA-ve do të vazhdojnë të punojnë më BE-në për të bërë presion ndaj Rusisë për rezolutën e Këshillit të Sigurimit të Kombeve të Bashkuara.
------------------------------------------------------------------------------------

Për çudi, deklaratat e tilla nuk shkruhen këtu nga Arb, Fshatari apo Dilaveri!
Athua pse?- Se ky është realiteti! Kjo është çka mendohet dhe gatuhet nga "miqtë" tanë për ne! Nuk ka nevojë të fragmentojmë vetëm ato pjesë që ne na pëlqejnë, por ta lexojmë e dëgjojmë të vërtetën e plotë! Fundja, ai që i bë qejf vetës, nuk do sheh dritë kurrë!!!