Ragip Zekolli kerkon azil ne Belgjike

[Bjeshka1]

• Ragip Zekolli, u ka deklaruar dje autoriteteve në Bruksel se është kërcënuar për vdekje dhe se nuk do të kthehet më në vendin e tij.

BRUKSEL – Një deputet kosovar dhe zyrtar i qeverisë së Kosovës, ka kërkuar dje strehim politik në Belgjikë. Ragip Zekolli, anëtar i parlamentit kosovar, por edhe sekretar i Ministrisë së Arsimit, u ka deklaruar dje autoriteteve në Bruksel se është kërcënuar për vdekje dhe se nuk do të kthehet më në vendin e tij. Ai së bashku me gruan dhe vajzën, mbërriti në Belgjikë më 12 shtator, ku ka qëndruar deri tani. Ai denoncoi korrupsionin në institucionet qeverisëse në Prishtinë si dhe në shoqërinë kosovare, dhe deklaroi se ishte e pamundur për të të kthehej në Prishtinë, pasi kërcënohej për vdekje nga persona, emrat e të cilëve ai nuk i ka bërë të ditura. Autoritetet në Prishtinë nuk kanë bërë asnjë koment në lidhje me këtë çështje, dhe nuk kanë dhënë informata të mëtejshme në lidhje me Zekollin.