Polonia

[Fokus]

Polonia edhe zyrtarisht njohu pavarësinë e Kosovës




Ministri i Jashtëm i Polonisë, Radek Sikorski, ka bërë të ditur se qeveria e këtij vendi ka miratuar njohjen e pavarësisë së Kosovës. Ministri Sikorski e ka bërë të ditur këtë lajm pas takimit të rregullt javor të qeverisë, të martën, njofton International.

Sikorski dhe kryeministri i Polonisë, Donald Tusk, qysh para disa ditësh patën deklaruar se Polonia do ta njohë pavarësinë e Kosovës, mirëpo tash ky vendim është marrë edhe zyrtarisht.

Kosova njihet edhe nga Belgjika

Njohja e Republikës së Kosovës nga Polonia, vjen vetëm një ditë pas njohjes zyrtare që i është bërë asaj nga Belgjika.

Mbreti belg Alberti II të hënë ka nënshkruar dekretin mbretëror mbi njohjen e pavarësisë së Kosovës. Kështu ka puhuar një zëdhënës i Punëve të Jashtme belge. Teksti si i tillë ka marrë dritën e gjelbër nga qeveria belge që nga java e kaluar.

Ky nënshkrim përmbyll procedurën e brendshme për njohjen e pavarësisë së Kosovës, e cila megjithatë bëhet zyrtare pas dërgimit të një letre Prishtinës zyrtare nga Ministri i Punëve të Jashtme që konfirmo vendimin e Belgjikës.

Ditë më parë Kosovën e ka njohur edhe Peruja.

Mesazhi.com