Marrëveshja VMRO-DPMNE - BDI shmang njohjen e Kosovës

[Albanian]

Njohja e Kosovës si shtet fqinj i pavarur nuk është përfshirë në marrëveshjen për bashkëqeverisje midis VMRO-DPMNE dhe BDI.Në dokumentin e marrëveshjes të publikuar nga partia maqedonase VMRO-DPMNE nuk është përfshirë çështja e njohjes së pavarësisë së Kosovës, njofton agjencia e lajmeve INA.

Zyrtari i kësaj partie, Ilija Dimovski nuk ka komentuar çështjen e njohjes së pavarësisë së Kosovës nga Qeveria e re. Ndërkohë, BDI akoma nuk ka komentuar versionin e saj të marrëveshjes me VMRO-DPMNE.

Partia e drejtuar nga Ali Ahmeti gjatë fushatës si një nga prioritetet e qeverisjes ka përmendur njohjen e shpejtë të pavarësisë së Kosovës nga Maqedonia.

Njohja e Kosovës po vazhdon të debatohet në koluaret politike në Shkup.

Shefi i diplomacisë i Maqedonisë, Antonio Milloshoski, deklaroi se përcaktimi i kufirit me Kosovën nuk është çështje e lidhur me vendimin për njohjen e këtij vendi fqinj.

“Demarkacioni i kufirit nuk është i lidhur me vendimin për njohjen e Kosovës. Ne presim që procesi i shënimit të kufirit të vazhdojë me dinamikë të përshpejtuar”, deklaroi sot ministri i Jashtëm i Maqedonisë, Antonio Milloshoski.

Sipas tij, vendimi për njohjen e pavarësisë së Kosovës do të shqyrtohet në mënyrë plotësuese dhe se Qeveria e Maqedonisë do të vlerësojë se ka ardhur koha për këtë çështje./INA/


________________________________________________


Ja e vërteta e marrëveshjes për qeverisje mes Nikolla Gruevskit dhe Ali Ahmetit

Shkup, 05/07/2008: BDI-ja ka pranuar të hyjë në qeveri pa asnjë kusht, duke shitur kërkesat legjitime të shqiptare vetëm për të hyrë në pushtet. Kështu Bashkimi Demokratik për Integrim i ka dhënë aminim vetëm të hyjë në qeveri programit te VMRO-DPMNE-së “Rilindja në 100 hapa 2008-2012. Këtë e ka konfirmuar zyrtarisht, anëtari i kryesisë së VMRO-DPMNE-së, Ilija Dimovski. Ai beri të ditur se BDI plotësisht e mbështet programin e VMRO-DPMNE-së “Rilindja në 100 hapa 2008-2012”, ku përfshihet edhe çështja e emrit me Greqinë. Dimovski tha se BDI-ja është pajtuar të mos sillet ligj i ri për të rënët gjatë konfliktit të 2001. Po ashtu sipas Dimovskit BDI-ja ka pranuar që cështja e emrit me Greqinë të zgjidhet sipas VMRO-DPMNE-së. BDI ka pranuar që gjatë mandatit katër vjecar të mos diskutohet ndryshimi i Ligjit për përdorimin e simboleve, të mos diskutohet ligji për policinë. Të mos hapen cështje që mbajnë siglën etnike. Për cështjen e Kosovës BDI-ja është dakorduar që të mos vijë deri tek njohja e shpejte e pavarësisë. BDI-ja ka pranuar që bashkimi i komunës së Kërçovës me komuna tjera për rreth të shtyhet edhe katër vite të tjera, etj.

[Guri i madh]

a do te ndryshoj diqka per te mir ,po mendoj sa na perket neve ne pegjithsi e sidomos per njohjen e pavarsis se KOSOVES