Lista Bajate

[aLbaChiCk]

Publikohen emrat e shtetasve të Kosovës që i kërkon Policia e Serbisë përmes Interpolit. Në këtë listë prej 157 personash përfshihen emrat nga kryeministri i Kosovës e deri tek ata të cilët kanë dhjetë vjet që nuk jetojnë

Nga Jeton Musliu më 22.07.2009 në ora 9:34


Duket se lista me emrat e 157 shtetasve të Kosovës, që vazhdon t’i kërkojë Policia e Serbisë me akuza për krime lufte, ka vite që nuk është përtërirë.

Ndër emrat e personave në listë të dërguar Interpolit ka prej tyre që kanë vdekur vite më parë, por ka nga ata që ende konsiderohen të zhdukur.

Po ashtu, lista përmban edhe emra të personave të cilët janë në funksione shumë të larta shtetërore, si dhe të tjerë që kanë kaluar përmes drejtësisë së Tribunalit të Hagës apo drejtësisë vendore.

Arrestimi i të vdekurve!
Në këtë listë të gjatë me emra që kërkohen nga Ministria e Punëve të Brendshme të Serbisë është një numër i konsiderueshëm personash të cilët kanë vdekur.

Kjo tregon se Policia e Serbisë nuk ka kërkuar asnjëherë të dhëna nga autoritetet e UNMIK. ut, të cilët kanë qenë përgjegjëse për bashkëpunim me ta, që këta emra të fshihen.

Kështu i 58 në këtë listë është emri i Naim Kadriut nga Podujeva, i cili ka vdekur vite më parë në një aksident komunikacioni. Ai ka qenë i burgosur nga drejtësia e UNMIK. ut së bashku me disa ish pjesëtarë të UCK. së, të njohur si “Grupi i Llapit”.

Personi tjetër i cili ndodhet si i 106 në listë, është Ekrem Rexha. Ky person nga Prizreni ka qenë i njohur gjatë luftës si komandant "Drini", por i cili është vrarë menjëherë pas luftës në qendër të këtij qyteti nga persona të panjohur që kurrë nuk janë arrestuar.

Një person tjetër që kërkohet në këtë listë, por i cili ka vite që nuk jeton më, është edhe Tahir Zemaj. Ky person nga komuna e Pejës është vrarë vite më parë në një pritë të organizuar së bashku me djalin tij dhe një kushëri.

Arrestimi i të arrestuarve!

Në të njëjtën kohë, në këtë listë ka edhe emra të personave të cilët kanë kaluar nëpër duart e drejtësisë ndërkombëtare.

Në këtë rast ka persona që kanë kaluar edhe nëpër peshoren e Tribunalit të Hagës dhe asaj të UNMIK. ut në Kosovë.
Pavarësisht kësaj, emrat e tyre ende figurojnë si shumë të kërkuar nga Interpoli, me kërkesë të MPB së Serbisë.

Fatmir Limaj është personi i 79 që kërkohet nga Interpoli. I njohur si “Çeliku”, ministri aktual i Transportit dhe Postë. telekomunikacionit, ka kaluar përmes filtrit të drejtësisë së Hagës, duke dalë i pafajshëm.

Në të njëjtën mënyrë, edhe ish kryeministri Ramush Haradinaj ndodhet në listën e Interpolit si i 133, edhe pse është liruar nga Tribunali i Hagës si i pafajshëm.

Përveç tyre ka edhe emra të personave të cilët kanë mbajtur vite të tëra burg të shqiptuara nga drejtësia ndërkombëtare në Kosovë, por që vazhdojnë të mbeten në këtë listë.

Njëri prej tyre është Daut Haradinaj, i cili në këtë listë është i 132 me radhë, ndërkohë që ka edhe shumë persona të tjerë ndaj të cilëve ende është duke vazhduar procesi gjyqësor.

Në këtë rast është Rrustem Mustafa i njohur me nofkën “Remi”, i cili në këtë listë kërkohet si i 94 me radhë.

Arrestimi i politikanëve

Në këtë listë ka emra të personave që vazhdimisht lëvizin brenda apo jashtë vendit, por që nuk janë arrestuar asnjëherë.

Sipas këtyre emrave të publikuar nga mediet në Maqedoni, thuhet se Interpoli, duke u bazuar kërkesën e Policisë së Serbisë, ka në listë për të arrestuar Hashim Thaçin, të njohur me pseudonimin “Gjarpri”.

Ndër personalitet e larta shtetërore të vendit që kërkohen janë edhe kryetari aktual i Kuvendit të Kosovës, Jakup Krasniqi.

Këtu figuron edhe Naim Maloku, për të cilin në mënyrë të veçantë sqarohet se "ka marrë pjesë aktive në largimin e serbëve nga Kosova".

I vetmi nga politikanët e njohur të Kosovës që deri më tash ka pasur probleme me Interpolin për shkak të fletë. arrestit serb është ish kryeministri Agim Ceku.

MPB e Serbisë përmes Interpolit kërkon arrestimin edhe të Rifat Jasharit, vëllait të komandantit legjendar Adem Jashari si dhe Bashkim Jasharit, djalit të heroit Hamzë Jashari.

Në këtë listë ka edhe shumë emra të cilët sot janë kryetarë komunash apo biznesmenë të njohur siç është rasti me Ekrem Llukën, pronarin e kompanisë “Dukagjini”.





Policia dhe Interpoli

Policia e Kosovës ende nuk është pjesë e Interpolit, ngase nuk është bërë i mundur shfuqizimi i Rezolutës 1244 të Këshillit të Sigurimit të OKB. së.

Kosovën në aspektin e policisë e ka përfaqësuar Policia e UNMIK. ut, ndërkohë që tash me ardhjen e misionit të EULEX. it kjo është përgjegjësi e kësaj policie.

Institucionet e Kosovës, siç është rasti i Ministrisë së Drejtësisë, kanë bërë të mundur në disa raste që persona të arrestuar jashtë vendit në bazë të flet. arrestit serb, të ekstradohen në Kosovë.

Njëri prej këtyre rasteve është ai i Naser Shatrit i lindur në Istog. Shatri ishte arrestuar në Austri, por me intervenim të institucioneve, ekstradimi i tij nuk është bërë drejt Beogradit, po drejt Prishtinës.