Erdoan:Turqia nuk hesht nëse Izraeli sulmon Libanin ose Gazën

[Lapsi]

Erdoan:Turqia nuk hesht nëse Izraeli sulmon Libanin ose Gazën


Bejrut – Kryeministri turk, Rexhep Tajip Erdoan, deklaroi sot nga Bejruti se “Turqia nuk do të qëndrojë e heshtur në rast të një sulmi izraelit kundër Libanit ose Rripit të Gazës”.
“Mendon Izraeli se mund të hyjë në Liban me avionët luftarakë dhe tanket më modernë, të vrasë gra dhe fëmijë, të shkatërrojë shkolla dhe spitale, e të presë që ne të qëndrojmë në heshtje?”, deklaroi Erdoan në ditën e fundit të vizitës së tij në Liban.

“Mendon Izraeli se mund të përdorë armët më moderne, municione me fosfor dhe bomba kasetore për të vrarë fëmijë në Gazë dhe të presë që ne të qëndrojmë në heshtje? Ne nuk do të jemi të heshtur dhe do të mbrojmë drejtësinë me të gjitha mjetet që kemi në dispozicion”, shtoi Erdoan.

Gjatë vizitës së tij në Liban, Erdoan u takua me zyrtarët më të lartë të shtetit dhe vizitoi jugun dhe veriun e vendit në kuadër të inaugurimit të investimeve turke./Start/Fatjon Prroni/