Rrëfimi

[Denim]

Lutje para rrëfimit


O Zot, të falënderoj për të gjitha të mirat që mi ke bërë, por sidomos që më ke krijuar, se ma ke falur fenë e shenjtë dhe se më ke shpërblyer me Gjakun e Jezu Krishtit të mëshirshëm.
Të lutem m’i fal të gjitha mëkatet e mia dhe më jep një shpirt pendimi të vërtetë.
Shpirti i Shenjt që shenjtëron zemrat, ma shndërrit mendjen t’i kujtoj të gjitha mëkatet e mia dhe më dhashtë hir të pendohem për to. Amen.


Rrëfimi


Rrëfimi është dhuratë e Shëlbuesit i cili i’a kthen njeriut qetësin e shpirtit me hirin shenjtërues, që kemi humbur me mëkate të rënda ose mortare.

Rrëfimi është moment i takimit me Zotin dhe të afërmin.

Rrëfimi është moment kthimi dhe pranimi nga Zoti dhe bashkësia.

Rrëfimi është moment pajtimi me Zotin dhe me të afërmin.

Për të bërë rrëfim të mirë duhet të prëgatitemi me një përshpirtëri të madhe e të sinqertë.

Jezusi ka ardhur në botë për të na pajtuar me Zotin dhe me të afërmin, duke vdekur në kryq dhe duke u Ringjallur.



Punët e nevojshme për t’u rrëfyer mirë janë pesë:


1. Kujto të gjitha mëkatet që i ke bërë.
2. Pendohu për të gjitha mëkatet që i ke bërë.
3. Jepia fjalën Zotit se nuk do të mëkatosh më.
4. Kallxo rrëfyesit të gjitha mëkatet pa rrena.
5. Bëje pendesën që ta jep rrëfyesi.


Kur mendojmë për mëkatet, vërejmë se e kemi fyer Zotin dhe e kemi shkelur dashurinë e Tij, kjo gjë na sjell dhimbje, na vjen keq – pra duhet të pendohemi për mëkate e ja japim Zotit fjalën që me ndihmen e Tij nuk do ti bëjmë më.

Këtë mund ta shprehim duke lutur puna e pendimit apo po i rrëfehem. Pastaj shkojmë te meshtari dhe bëjmërrëfimin: Rrëfimi im i mbramë ka qenë para... prej rrëfimit të mbramë i kam bërë këto mëkate....

Meshtari të udhëzon se si do të përmirësohesh dhe ta jep pendesën që do ta bësh pas rrëfimit.

Meshtari në emër të Zotit, na zgjidh prej mëkateve me këto fjalë: Unë po të zgjidhi prej mëkateve të tua nëemër të Atit e të Birit e të Shpirtit Shenjtë – Amen.

Kështu ti je pajtuar me Zotin dhe të afërmin.


Elementi kryesor është pendimi, pa të cilën nuk mund të kemi faljen e mëkateve, nuk ka pendim të vërtetë pa premtim se do të përmirësohemi dhe do të largohemi nga e keqja, mëkati.
Pendesa është shenjë e dukshme se dëshirojmë me mundimet e Krishtit ti japim lavdi Atit tonë.


Lutja pas rrëfimit


O Zot, të falënderoj për këtë të mirë kaq të madhe që më ke bërë duke mi falur mëkatet e mia.
Më jep, po të lutem, hiret e nevojshme të qëndroj në dashurinë tënde dhe mos të bie më kurrë në mëkate të rënda.

Rrëfehu shpesh nëse dëshiron që të kalosh një jetë të qetë, me një pendim të vërtetë dhe me një premtim të fortë.