Shamia dhe liria

[Lapsi]

Shamia dhe liria


autor Agustin Palokaj


Kosova u shfaq në ekranet televizive evropiane për shkak të një ngjarjeje me koreografi dhe kostumografi çfarë asnjëherë më parë nuk kanë regjistruar kamerat në shtetin më të ri të botës. Por ajo protestë nuk u dallua as nga ato të ngjashmet që janë organizuar në Hagë, Londër, Paris e gjetiu në Evropë. Dallimi i vetëm është se në Prishtinë protestonin qytetarë që janë evropianë autoktonë, ndërsa në kryeqytetet e tjera të Evropës protestonin kryesisht qytetarë nga komuniteti i emigrantëve nga Lindja e Mesme. Për ta bartja e shamisë, që ata e konsiderojnë si element të identitetit të tyre fetar dhe të drejtë të tyre, përfshirë edhe bartjen e saj në objekte shkollore, nuk bën të ndalohet, sepse kjo ndalesë është diskriminuese. Për kundërshtarët në Evropë pikërisht detyrimi i grave të besimit islam, qoftë nga burrat e tyre apo nga ndonjë sistem, është diskriminues, sepse në atë mënyrë i diskriminon ato nga shumica e femrave të tjera në rrethin ku jetojnë. Sikur në secilin debat gjenden argumentet për dhe kundër. Por, ka debat, dhe ky debat në Evropë, është në rritje. Belgjika është vendi i parë që ka ndaluar bartjen e burkas jo vetëm në vendet publike, por edhe në rrugë. Por në të njëjtën kohë Belgjika është vendi i parë në BE, ku në një Parlament është një deputete që bart shami në mbledhjet e tij. Madje ajo në vendin e saj të origjinës, në Turqi, nuk do ta kishte këtë të drejtë. Në Holandë një parti me një platformë antiislamike ka fituar shumë vota dhe pritet eventualisht të jetë pjesë edhe e qeverisë së ardhshme të këtij vendi. Udhëheqësi i kësaj partie, Wilders, madje ka ardhur me një ide aq banale, saqë të caktohet një taksë prej 1000 eurosh në vit për secilën grua që dëshiron të bartë shami në Holandë. Kjo parti holandeze ka deputetë edhe në Parlamentin Evropian. E ata nuk lënë asnjë seancë kur diskutohet për Ballkanin, që të mos thonë se „nuk bën të hiqen vizat për vendet myslimane, si Kosova, Bosnja dhe Shqipëria". Për fat ata janë një pakicë dhe mendimet e tyre nuk i ndanë shumica as në parlamente, as në mesin e qytetarëve.
Sido që të jetë, në Evropë ka debat dhe debat duhet të ketë edhe në Kosovë. Por debati duhet të bëhet në mënyrë tolerante e jo siç bëhet në komentet e lexuesve nëpër mediat e Kosovës e në internet. Në të gjitha ueb faqet në gjuhën shqipe, ku është dhënë lajmi për protestën në Prishtinë, ky lajm ka qenë bindshëm më i lexuari dhe më i komentuari. Edhe nga vetë mediat është vërejtur një lloj „vetëcensure" për raportimin nga kjo ngjarje. Një gazetë e Kosovës në uebfaqen e vet e ka dhënë lajmin e agjencisë Reuters, edhe pse ngjarja ishte zhvilluar para hundëve të tyre. Shumica e madhe e komenteve të lexuesve kanë qenë fyese për pjesëmarrësit në këtë protestë, për koreografinë dhe sidomos kostumografinë e tyre dhe kjo nuk është mirë, sepse ata kanë të drejtën për të protestuar dhe për të menduar ndryshe. Madje, një numër i madh i komentuesve sugjeronin që këta njerëz të dërgohen në Afganistan apo në Iran. Në Iran liria kërkohet përmes të drejtës që të mos mbahet shamia. Vajzat e reja nga Irani u vranë në protestat e fundit duke kërkuar liri, duke kërkuar që edhe ato të mund të vishen si moshataret e tyre në pjesët tjera të botës. Ishte shumë e prekshme pamja kur një vajzë e re në Iran kishte hequr shaminë dhe ishte fotografuar pa të në një shesh të Teheranit. Heqja e shamisë për të ishte rrezikim i jetës për të fituar lirinë. Në Prishtinë, të premten e kaluar, vajza të reja kërkonin lirinë e tyre për të mbajtur shaminë. Por këto krahasime nuk duhet të bëhen temë e debatit, sepse Kosova është në Evropë dhe është vend demokratik. Fundi i fundit, pa marrë parasysh se a pajtohet dikush me ata apo jo, është e drejtë e tyre të protestojnë dhe të shfaqin mendimin e tyre. Edhe ata janë "Young Europeans" sikur edhe të rinjtë që shfaqen në Euronews në reklamat e paguara nga Qeveria e Kosovës.
Në Kosovë duhet të zhvillohet një debat i hapur në shoqëri rreth të drejtës apo jo të mbajtjes së simboleve fetare, nëse dikush si të tillë e konsideron edhe shaminë. Duhet të ketë debat rreth identitetit të Kosovës, atij shtetëror, shoqëror e kulturologjik. Rreth kësaj duhet të prononcohen edhe partitë politike. Kur për asgjë tjetër nuk protestohet në numër më të madh sesa për të drejtën e bartjes së shamive në shkolla, kur kjo ngjarje nxit interesim më të madh të qytetarëve se çfarëdo tjetër që po ndodh në Kosovë, atëherë ndaj këtij fenomeni nuk duhet të heshtin as strukturat politike, të cilat janë mësuar që me heshtje të mos rrezikojnë humbjen e votave.
Lajmi tjetër nga Kosova që dominon në faqet e internetit sapo të shkruash në google apo ndonjë kërkues tjetër fjalën „Kosovo", ishte arrestimi dhe lirimi i një kosovari me dyshim për terrorizëm në Shtetet e Bashkuara të Amerikës.
Ky lajm është shumë më shqetësues sesa lajmi për protesta rreth shamive. Pa marrë parasysh se a është personi në fjalë vërtet fajtor apo jo, shumë shërbime të vendeve mike të Kosovës u kanë dhënë njoftime qeverive të tyre se edhe në Kosovë është në rritje ekstremizmi fetar. Rreth kësaj nuk duhet të ketë debat, sepse nuk është fjala për liri apo mendim ndryshe, siç është rasti me shamitë. Ndaj ekstremizmave nuk duhet të ketë tolerancë në Kosovë. Kosova sapo e ka fituar lirinë me mjaft mund dhe askujt nuk mund t'i jepet e drejta ta keqpërdorë atë liri dhe ta shndërrojë Kosovën në një shtet të dështuar, ku duke shfrytëzuar edhe varfërinë, mund të krijohen edhe qeliza të organizatave terroriste.

E liria i ka parimet e veta dhe kufijtë e saj, sepse liria e dikujt nuk mund ta kufizojë lirinë e të tjerëve. Debati duhet të bëhet para se të miratohen ligjet. Nëse bëhet ligji, atëherë ai duhet të respektohet. Nëse me një ligj nuk pajtohet shumica, atëherë ai ligj duhet të shfuqizohet. Këto janë rregullat e demokracisë dhe Kosova do të jetë shtet demokratik. Është vështirë të merret një qëndrim i qartë rreth asaj se a duhet ndaluar apo lejuar bartjen e shamive nëpër institucionet publike. Edhe në vendet e tjera në Evropë, janë në hall rreth kësaj. Ja se edhe debati i „lirisë dhe i shamisë" e bën Kosovën pjesë të Evropës po ashtu.

[Izraeliti]

Me pelqeu shume artikulli nga Augustin Palokaj. Faleminderit Lapsi qe e solle ketu. Mendoj se e ka me vend per te gjitha ato qe flet. Jam i pajtimit se duhet te respektohet edhe mendimi ndryshe, dhe se qeveria e Kosoves te mirret edhe me kete pune. Mendoj se ne emer te lirise individuale duhet te lejohet bartja e shamise edhe neper shkolla.

Sidemos me bene pershtypje keta rreshta:

Për ta bartja e shamisë, që ata e konsiderojnë si element të identitetit të tyre fetar dhe të drejtë të tyre, përfshirë edhe bartjen e saj në objekte shkollore, nuk bën të ndalohet, sepse kjo ndalesë është diskriminuese. Për kundërshtarët në Evropë pikërisht detyrimi i grave të besimit islam, qoftë nga burrat e tyre apo nga ndonjë sistem, është diskriminues, sepse në atë mënyrë i diskriminon ato nga shumica e femrave të tjera në rrethin ku jetojnë.

[Guri i madh]

po po ne emer te liris e demokracis paraqiten me parolla lahi lahi il allah

kso lirie e domokracie kerkohet ne shkollat shqipe ,qe ne kto shkolla shqipe te mbizotroj gjuha arabe

[Arb]

Edhe nje here, e themi te gjithe se bashku:

JO, shamiave magjupe ne Shkollen Shqipe!

[Zeqiri]

o augustin palokaj te kofshin fale krejt shamijat merri dhe baje vet e sa per shkolla pajtohna me zotnin Arb - jo shamiave magjupe ne shkollen shqipe - shume me vend e ka than zotnia Arb

[shfletuesi_]

Postimi origjinal është bërë nga Arb

Edhe nje here, e themi te gjithe se bashku:

JO, shamiave magjupe ne Shkollen Shqipe!

Por behuni me te drejt... edhe Stop cullakhanes se kthizave ne klase dhe ne ambientet ku zhvillohet mesimi. :)

Tash leht eshte te dallosh te miren dhe te keqen per ate qe ka sy te shohin edhe per ata qe kan vesh ta degjojn.

Ti po ngjet syze dielli qe ti mbrosh jo vetem te mbrosh por edhe per qejf ngjet kaqket,kapele,sheshir askush s'te thot gje. Kur nje femer ngjet nje shami ne koke po u behet pengese pse !?.

[GURI SYLAJ]

Postimi origjinal është bërë nga shfletuesi_

Por behuni me te drejt... edhe Stop cullakhanes se kthizave ne klase dhe ne ambientet ku zhvillohet mesimi. :)

Tash leht eshte te dallosh te miren dhe te keqen per ate qe ka sy te shohin edhe per ata qe kan vesh ta degjojn.

Ti po ngjet syze dielli qe ti mbrosh jo vetem te mbrosh por edhe per qejf ngjet kaqket,kapele,sheshir askush s'te thot gje. Kur nje femer ngjet nje shami ne koke po u behet pengese pse !?.

I nderumi Shfletuesi !
Pikrisht ketu qendron problemi .
A eshte shamia mode apo detyrim!
Nese trajtohet baras me syzet e diellit atehere degradohet deri ne fund .
Nese eshte obligim atehere ky obligim bart me vete edhe obligimet tjera e per te cilat po heshtin edhe besimtaret me te "devotshem"-Shamija (hixhabi) pa obligimet tjera percjellese eshte nje hiq!!
Nese shkolla eshte institucion ku detyre primare ka pergaditjen e te ardhmes atehere aty duhet te veproj ligji i shtetit ne te cilen ndodhet ajo shkolle.
..e ligjin e bejne te zgjedhurit e ati shteti ,deputetet.
Te tjeret mund te pajtohen por mund edhe te mos pajtohen por ligji duhet te rrespsektohet.
E kam fjalen ku ka shtet edhe ku ka ligj!

P.S
Keto gjera i din edhe Augustini por neve e kemi si TABJAT ate thenjen e popullit "Ngreh e mos kput" . Kjo te qon drejt e ne shllunge te leshit lidhe per furke.
Ose duhet me e tjerre ose duhet me e kpute.
Me heme ,heme nuk ka!!

[AlbaSoft]

Postimi origjinal është bërë nga Arb

Edhe nje here, e themi te gjithe se bashku:

JO, shamiave magjupe ne Shkollen Shqipe!

Ti ke probleme serioze.

[Zeqiri]

ashtu sic pothot Arb - jo shamiave magjupe ne shkollen shqipe -

[YanYan]

Postimi origjinal është bërë nga Arb

Edhe nje here, e themi te gjithe se bashku:

JO, shamiave magjupe ne Shkollen Shqipe!

Sa pershtypje po me ben...

Si mund ta thuash nje gje kur Shen Meria, e para, neper foto e skulptura ne kishe eshte me shami ne koke. Pse ky diskriminim?

Un jam kundra imponimit te venies se shamise, e cila jo pak here ndodh nga familja/opinioni ne nje moshe ku vajza mund te jete e mitur/adoleshente e akoma se din mire peshen e mbulimit. Por, nje grua qe llogjikon dhe zgjedh me u mbulu, ska asgje te keqe. Eshte zgjedhje qe as nuk i jep me shume e as nuk i heq liri.

[Lapsi]

Shamija dhe imazhi



Sot në Kosovë diskutohet për shumë tema. Shoqëria kosovare përballohet me probleme të shumta që shfaqen në mënyra të ndryshme. Propaganda politike e bënë të veten. Vëmendja fokusohet tek shamija. Problemi qëndron tek botkuptimi materialist që mundohet ta kufizoj besimin. Si rezultat i keqkuptimit të funksionimit të sistemit laik është prishur balanca në mes individeve dhe te drejtave të tyre dhe mbrenda qeverisë për krijimin e imazhit ndërkombëtar. Dhe këtu nuk duhet të ndalemi, përbuzja që i bëhet një vajze përshkak të besimit të saj tregon rrugën e nisur për humbjen e imazhit në arenën ndërkombëtare.
Ç’është e vërteta, propaganda është armiku më i madh i imazhit. Sot, politika e Kosovës duhet që të jetë më aktive në diplomaci për të krijuar imazh ndërkombëtare jo me këtë rrugë të nisur. Kur flasim për propagandën e cila nuk e tregon fytyrën e vërtetë, duhet menduar edhe për rrezikun, ngase dihet se propaganda është veprim i sistemeve të mbyllura, pjellë e regjimeve diktatoriale, kurse Kosova është shtet demokratik. Çfarë kërkohet nga institucionet e Kosovës që të realizohen interesat e popullit? Vallë drejtësia duhet të jetë peng e një drejtori apo ministri?
Sfida e parë e Kosovës është njohja e vetes. Kosova ka histori dhe identitet kombëtar. Realiteti nuk mund të injorohet, Islami zë vend në jetën e shoqërisë (mbi 90% i takojnë besimit Islam). Nuk di pse turpërohen për këtë fakt ku dihet se shqiptarët botës i kanë dhënë leksione se si jetohet në paqe dhe harmoni si me veten ashtu edhe me të tjerët. Mandje, çështja e besimit i takon individit dhe nuk është çeshtje gjuhe se si do ta shprehim më bukur, as luks me të cilin njeriu kënaqet, e nuk është dekor që e zbukuron, nuk është profesion me të cilin jetohet. Besoj se askujt nuk i lë përshtypje përkatësia fetare e drejtorit, ai mund të jetoj me sistemin e besimit hindu, të bëje të shenjtë lopën. Kjo është çështje e besimit të tij. Mirëpo, ajo që na lë përshtypje, kuptohet për keq, është joserioziteti i tij dhe mënyra e veprimit që çon në dezintegrim. Më shumë se të thotë drejtori, “ nxënësi im“, ka rëndësi të shprehen nxënësit për te duke e quajtur „drejtori jonë“. E si do të quhet drejtori që merrë veprime ku shkilen te drejtat e njeriut, kur nxënësit i ndalohet hyrja në shkollë? Gjer më tani, me despotizëm, me veprime mizore, me mashtrimin e masave askush nuk ka dalë fitimtar. Çdo politikë e tillë e njëanshme, dezintegruese apo intolerante konfesionale prodhon probleme të mbrendshme. E thënë në mënyrë të thjeshtë mund të konkludojm se respektimi i të drejtave dhe lirive individuale dhe kolektive paraqet sfidën e rradhës me të cilën ballafaqohet shoqëria Kosovare. Ate që e quajm qeveri bazohet në dy parime: drejtësi dhe qetësi. Çfarë nëse mungojn këto dy parime, qeveri a do ti ngjaje një mulliri që nuk nxjerre miell por vetëm bënë zhurmë duke bluar në erë. Mospërfillja e të drejtës së shkolloimit të një vajze me shami në kokë nga ministria e arsimit sinjalizon për kokëfortësi institucionale duke i çliruar nga detyrimi edhe interesat, vlerat dhe bindjet... për të hapur rrugë edhe për mospërfilljen e institucioneve të shtetit nga individët. Ne sot jemi të shqetësuar nga paraqitja e kundërshtimeve të mëdha, fjalët drejtësi, liri e të ngjajshme e kanë humbur vlerën. Ata janë bë mashtruese nga fakti se janë fjalë të maskuara... Gjithçka bëhet në emër të të drejtave dhe lirive, kurse nga ana tjetër na paraqiten vijat ndarëse që dëmtojn imazhin e Kosovës. Imazhi nuk krijohet me qëndrime jotolerante. Karakteri laik i politikës nuk e kupton formën e mbylljes së objekteve fetare, nënçmimin e besimtarëve, mbjelljen e urrejtjes dhe pasigurisë. Shqiptarët e kanë të integruar pluralizmin fetar. Pikërisht, për këtë, shqiptarët kanë krijuar imazh pozitiv për funskionimin e bashkëjetesës fetare dhe laicitetit të politikës, kanë krijuar vlera si model progresiv jo vetëm për vete por edhe për të tjerët. Andaj, shamija nuk e prish imazhin e shtetit, por ato që nuk i dijnë rregullat e demokracise. Ky problem është institucional që shkel kushtetutën e shtetit. Në një nivel të lartë promovohet një prirje e politikës që ia humbë shkëlqimin Kosovës, dëmtojn seriozisht reputacionin e saj në arenën ndërkombëtare, tregon paaftësinë e Kosovës pët të respektuar të drejtat e njeriut.
Kongresmeni Amerikan, Paul Findley, në librin e tij “Mjaft me heshtje” na jep një shembull interesant: Një i krishterë, që është drejtor i një shkolle publike në Teksas, dha një shembull të vlefshëm në fillim të vitit 2000 kur urdhëroi një vajzë muslimane të mbante shami në ndeshje futbolli. Dy minuta para fillimit të ndeshjes, arbitri paralajmëroi trajnerin e skuadrës së shkollës së mesme “Sem Huston” se vajza me shami duhet ose të largoje shamin ose të largohet nga fusha... Pasi mori vesh për paralajmërimin, drejtori Riki Kemp, kërkoi që vajza të lejohej të luante me shami. Arbitri nuk pranoi, “Shamia është kundër rregullores dhe rregullorja duhet respektuar”. Drejtori, anëtar i Kishës së Krishtit, nguli këmbë. “Rregullat e futbollit nuk mund të shkelin ligjin federal. Amandamenti i Parë i Kushtetutës dhe ligji publik kundër diskriminimit fetar i jep vajzës të drejtën që të respektoj rregullat fetare”. Kur Kempi kërcënoi se do ta ngrinte çështjen në gjyqin federal, arbitri u tërhoq dhe lejoi vajzën të luante pa hequr shaminë”.

Nga ky shembull kuptova se ato që se pranojnë fenë, sillen pa respekt edhe ndaj koncepteve të larta si nderi, kombi dhe atdheu, por ate që nuk arrijë të kuptoj ështe a respektohet Kushtetuta në Kosovë dhe çfarë vlere ka???




Agim Jakupi- Shkup

[GURI SYLAJ]

Ne rend te pare Besimi nuk eshte dicka qe rregullohet me Kushtetute.
Asnje kushtetute e botes nuk mund te me detyroj qe une te besoj apo te mos besoj.Kjo eshte ceshtje vetem e imja dhe e askujt tjeter!
Ceshtja qe po ngritet ketu dhe menyra se si dikush mundohet mee mbrojte eshte cesharake por jo edhe me qellim qesharak.
Qellimi eshte shume serioz.
A ka me qesharake se kur mirret shembulli i vajzes qe u leju te luante futboll me shami dhe ketu sillet si dicka shume pozitive, duke harru se loja e fotbollit ne shkrimet Islame nuk preferohet (te mos them ndalohet )e sidomos per femrat ne moshen kur duhet te bajn shami!!!
Por nuk u tregu se kush krejt ishte ne ate loje????
Si te veprohet ne oren tjeter te sportit kur per teme eshte noti!???
E tera po duket se eshte :
Hajt qoni pluhur me shami qe te mos shihen "elefandet" me hajni!!
....
Veq sa te hiqen vizat se krejt kemi me shku atje ku kushtetuta e lejon shamine...mundesisht ne SH.B.A !!

[Fshatari]

"Lajmi tjetër nga Kosova që dominon në faqet e internetit sapo të shkruash në google apo ndonjë kërkues tjetër fjalën „Kosovo", ishte arrestimi dhe lirimi i një kosovari me dyshim për terrorizëm në Shtetet e Bashkuara të Amerikës.
Ky lajm është shumë më shqetësues sesa lajmi për protesta rreth shamive. Pa marrë parasysh se a është personi në fjalë vërtet fajtor apo jo, shumë shërbime të vendeve mike të Kosovës u kanë dhënë njoftime qeverive të tyre se edhe në Kosovë është në rritje ekstremizmi fetar".

-me dyshim për terrorizëm;
-ekstremizmi fetar.
Pse ky "gazetar" nuk ia shton kesja liste edhe shqetesimet tjera qe qarkullojne gjithandej ne Internet:
-Miku i milloshit, kçira, kerkon me ngulm çfarosjen e shqiptarve;
-beogradi dhe organizata tjera t'evropes s'poshter kerkojne vazhdimisht anketa per "trafikimin e organeve te serbve" nga UÇK-ja;
Ne Internet, poashtu, gjithe diten e djeshme, ne balline, teme e pare me shkronja te medha, ka qendrue titulli i v.surroit ne gazeten e vete te sponsorizuar nga birni(serb):"Be-ja kerkon negociata te reja mes Prishtines dhe beogradit"(ne realitet Be-ja nuk kerkon te tilla negociata) po per kete genjeshter te ketij matrapazi serbia paguan disa dhjetra euro si reklame e genjeshtres serbe.
Po sa akte terroriste ndodhen ne Republiken e Kosoves ne keto 11 vitet e fundit kunder "shteteve mike" qe kolonizojne shtetin tane ? Asnjë.
Po u dyshuaka per "ekstremizëm fetar"! Për trafikim me qenie njerzore(prostituta, pufa, drogë...).Natyrisht, "dyshohet se..."! Autoritetet e vendit iu pergjigjen me nje fjali te shkurter raporteve te huaja lidhur me keto dukuri:As strukturat e Shtetit, as eulexi nuk kane raportuar per asnje rast te trafiqerve te tilla ne shtetin tone te fuqishem.
Po "korrupcioni" ?
Me kete te fundit po merren nja dy persona shume te dyshimte: i pari, serbofil e shka i hapt; i dyti, ai i "drejtesise" qe po sajon lista te gjata e te zeza per 2 milion shqiptarë, renditet i pari ne listen e zeze te drejtesise se vendit te vete si juristi me i korruptuar i vendit. Eshte shume neveristese kur bandite e kriminele shtiren e veprojne si njerez te zakonshem e te ndershem qe duan te vendosin "rendin e ligjin" ne oden tuaj. Eshte i neveritshem edhe fakti qe disa pseudogazetare(qe ne zhargonet popullore thirren si zagare)u kushtojne aq hapsire e vemendje deklarimeve te ketyre ndytesirave te kohes moderne.
Eshte per keqardhje qe edhe disa forumiste e zgjasin kaq shume muhabetin lidhur me keto "dromca" te parendesishme e te trilluara nga qarqe te caktuara te disa "shteteve mike te shqiptarvet".
Ne fillim te shekulli 20-te, propaganda serbe kishte vajtur aq larg sa t'i "bind" disa vende evropiane se "shqiptari eshte qenie e egër; madje ka edhe bisht"! Njeri me bisht ma!
Edhe sot e kesaj dite, imazhi i shqiptarit nuk ka ndryshuar shume:Interneti na ka shumefishuar numrin e bishtave qe bishat e shkinise po na ngjesin disa here ne dite, gazetaret tane te mjere i reklamojne me shkronja te medha ne kolumnet virtuale te gazetthave te tyre te gjora.E kemi ba shkaun "vella", e vellaun anmik me vetedeshire...!
Sa naiv qe jemi! Mjere per ne.

[Antika]

Shamia dhe liria?!!

Homazh për Ëngjëllushen Islamike të Lirisë

Miliona njerëz në botë një vit më parë u tmerruan nga një vdekje horror, brutale në Iran , të bukuroshes islamike Neda.
Në të gjitha kanalet televizive u dha fytyra ëngjëllore e Nedës mbuluar me gjak, vrarë nga fondamentalistët e Iranit.
Neda kjo bukuroshe myslymane, që paraqitet në foto, herë e veshur në traditen e familjes së saj, herë me veshjen e Perëndimit, të jep përshtypjen e një vajze të emancipuar, ku brenda shpirtit të saj ka civilizimin qytetar, tolerancen fetare, dhe ëndrrën për Liri.
Nga Shtëpia e Bardhë Presidenti Obama tha: “Zemra ime u trondit shumë, kur pashë vajzën që po jepte shpirt në duart e babait të saj”!
Ai vazhdoi me tej: “And I think that anybody who sees it knows that there’s something fundamentally unjust about that.”
Duke parë këtë vidio horror, nuk ka zemër nëne të mos dridhet dhe të rrënqethet kur shikon vajzën 26 vjeçare, që goditet nga dora kriminale e Snajperit, dhe pastaj gjaku valë i mbulon fytyrën Nedës së Iranit.
Rrëketë e gjakut rodhën në shesh të Teheranit.
E shqyen sheshin ujqërit, duke i ngjyer buzët me gjak, por në këtë betejë për jetë a vdekje u zbulua fytyra më e bukur e universit, Liria!
Neda kjo gonxhe e Islamit, mbiu në gjithë zemrat e botës, ajo hodhi rrënjë, që nuk do të thahen kurrë.
Sytë e saj lëshuan rreze me shpejtësine e dritës, dritë që do të ndriçojë tunele të errëta në këtë botë të çakërdisur…! Ajo u shfaq si një hyjneshë që donte të puthte Lirinë, Lirinë që vazhdon të jetë nën kthetrat e dikaturës.
Fytyra e saj me shpirt të bardhë si dëborë, në momentet e fundit, u ndihmua nga dashnorët e tjerë të Lirisë…
Aja dha shpirt në frymën e tyre, në krahët e atit të saj. Ishin lidhje me fijet e zemrave te pastra, që luftonin me djajtë e Lirisë.
Ajo dha shpirt në fytyrat meit nga dhimbja e shokëve të saj, me ëndrra për një jetë më të mirë…
Shpirti i saj fluturoi lart në qiell, nën zhurmën e plumbave të snajperëve, qitësve, karabinerëve kriminelë, ndërsa sytë e heronjve të Lirisë në botë, dhe të Mëmëdheut tim, lëngëzonin për të ringjallur shpresën…!
Dielli pas lotëve të gjakut në Teheran, dukej sikur shpiku një stinë tjetër nga fundi i një planeti të ftohtë, nga bota lakmuese, stinën me gjelbërim të përhershëm…Paqen…!
Shpirti i Nedës mbështolli botën e mardhur me mijëra flakadanë, dhe puthi ëmbël shpirtrat e tjerë në gjithë rruzullin, deri dhe martiren e fundit të Lirisë, princeshën myslimane të Pakistanit, Benazir Bhutton.
Me bukurinë e saj si yll mëngjesi, ajo tashmë shtegëton e lirë, nëpër ëndrra.
Neda një emër kuptimplotë, që do të thote zë, është si një kanarinë që këndon këngën e Lirisë, ndërsa kori i universit bëhet shoqëruesi i zërit të saj, një zë që s’do të shuhet kurrë.
Neda mbeti si një lulëkuqe e bukur në fushën e betejës, ndoshta, ndoshta së shpejti do të frymëzojë një Van Gog tjetër për të dhënë një fushë me lulëkuqe, mundet një Van Gog shqiptar, që të pikturojë një fushë me lule bozhur Kosove, ku të jepen mijëra mirazhe.
Ajo u largua nga kjo botë, me krahë të hapur ëndrrash, për të përqafuar hapësira lirie, që shpesh mbulohen nga re të zeza djajsh.
Ajo vazhdoi udhën e qiellit, për të pirë sisë vetëm në gjirin me qumësht të bardhë, në sisën hyjnore të Lirisë!
Amen!

[roadrunner]

ky lajm i Nedes me pat trondit. Eshte edhe nje tjeter lajm ne Gjermani, qysh e vrajn ne gjyq at turqeliken, gjate seances :(