ABORTI – holokausti modern?(sipas Biblës)

[4peace]

...






Përshëndetje të nderuar

Megjithëse kemi një temë të hapur lidhje me abortin te nënforumi „Diskutime shoqërore“, meqë ky ka ngjyrim religjioz (sipas Biblës), vendosa ta postoj këtu. Jam i mendimit se ia vlen të lexohet nga shumë arsye. Më kryesorja është gjuha e fakteve.

Ju falënderoj paraprakisht për vëmendjen dhe ju dëshiroj lexim të këndshëm!






ABORTI – holokausti modern?


Ç’do të thotë me të vërtetë debati mbi abortin?





Në 40 vitet e kaluara ka dalë në skënë tema mbi abortin duke shkatuar mosmarrëveshje mbarëbotërore. Njerëzit qëndronin kundrej të tjerëve me mendime të ndryshme, vende të tëra janë grindur mes vete kurse kishat u bënë kundër institucioneve shtetërore. Përkrahësit fanatikë të abortit, të cilët (vetë)quhen „pro-choice“ (pro lirisë për të zgjedhur), demonstrojnë e argumentojnë me zell e plot pasion kundrej kundërshtarëve po aq të zellshëm e të zjarrtë, të cilët (vetë)quhen „pro-life“ (pro jetës). Konfrontimet ndërmjet këtyre dy pikëpamjeve zhvillohen shpesh në mënyrë emocionale e helmuese, ku , nganjëherë, përfundojnë edhe me përdorim force duke pasur edhe raste vdekjeje! Frontet janë bërë aq të qarta. Një vëzhgues ka komentuar: „Shumë pak tema si kjo kanë shkaktuar ndarje të shoqërisë si kjo“ (The Ethiks of Abortion [Etika e Abortit], Baird & Rosenbaum, faqe 7).





Për ta kuptuar këtë debat përplot emocione do të na ndihmonte kur ta dijmë se për çfarë arsye ka shkaktuar aq shumë mosmarrëveshje tema mbi abortin dhe për ta qartësuar se për çka është fjala në fund të fundit. Edhe më me rëndësi është pyetja: Ku e çon pranimi i abortit shoqërinë tonë?






Për çfarë arsye është bërë aborti temë mosmarrëveshjesh në shumë vende (shtete) të botës së sotme? Në shumë vende, me shekuj të tërë, aborti ka qenë i përbuzur apo i ndaluar në shumë vende të planetit tonë. Mirëpo, në gjysmën e dytë të shekullit njëzet, aborti jo vetëmse është toleruar por edhe është përkrahur! Me zvogëlimin e ndikimit të vlerave judeo-krishtere që për rrjedhojë ka hedhjen poshtë të moralit biblik, njerëzimi u drejtua kah sjelljet e hapura seksuale dhe „e drejta për reprodukim“ u shndërrua në britmë lufte si nga ana e femrave, të cilat nuk donin ta pranonin më tutje ndarjen tradicionale të roleve specifike për gjinitë, ashtu edhe të meshkujve shpirtgjërë në kuptimin seksual, të cilët donin të bënin qejfe pa i përfillur dot pasojat që dalin nga kjo. Në të njëjtën kohë, nga shqetësimi për mbipopullimin global, regjimet e ndryshme filluan edhe t’i bashkëfinansojnë abortimet si mjet të „kontrollimit të lindjeve“ apo, sikurse në Kinë, madje edhe ta kërkojnë këtë (me ligj).







Në SHBA, çarjet që kanë të bëjnë me temën e abortit ishin më të thella se në të shumtën e vendeve tjera, meqenëse edhe më tutje shumë njerëz mbahen fort për standardet biblike të moralit. Debati mbi abortin në Europë nuk është aq i nxehtë sikur këtu, meqenëse atje diku kah 10% të njerëzve janë shkues të rregullt të kishave, krahasuar me gati 50% në SHBA.




vazhdon...




***

[4peace]

...



Të dhëna e probleme globale






Në SHBA aktivistët e „pro-life“ ndjehen të motivuar nga përmasat e problematikës së abortit por, problemi është shumë më i madh në krahasim me shtrirjet botërore. Që nga vendimi i Gjykatës së Lartë të SHBA-ve më 1973, me rastin e procesit Roe kundër Wade, me ç’rast u bë legalizimi i abortit, për çdo vit janë kryer afro 1,5 milion aborte – me këtë janë shuar afro 40 milion jetëra të reja që nga atëherë! Në Britaninë e Madhe janë mbytur më shumë se gjashtë milion foshnje prej vitit 1967, vit ky kur janë legalizuar abortet. Në ish Bashkimin Sovjetik dhe shtetet e Bllokut të Lindjes numri më i madh i shtatzanive ka përfunduar me abort. Në Kinë, ku janë legalizuar abortet më 1957, që atëherë janë bërë më shumë se 100 milion aborte. Më 1979 Kina e bëri obligim me ligj „një-fëmijë-politikën“ dhe, përmes trysnisë masive i ka kufizuar numrin më të madh të prindërve me rastin e fëmisë së dytë. Me zhvillimin e teknologjisë ultratingull (Ultraschall, me ndihmën e së cilës mund të njihej gjinia e fëmiut në bark të nënës) u krijuae fenomeni i zgjedhjes së gjinisë përmes abortit, me ç’rast prindërit e kufizuar në një fëmijë vajzën e palindur e mbysin, me qëllim që ta kenë një djalë. Ndaj dhe s’mund të habitemi kur ndonjë vëzhgues të ketë konstatuar që gjenerata e sotme e kinezëve të qytetit ka shumë më tepër meshkuj se sa femra!
In vielen Ländern – besonders in Afrika und Lateinamerika – werden Abtreibungen routinemäßig unter so gefährlichen Bedingungen durchgeführt, dass die werdenden Mütter einem hohen Risiko von Komplikationen und Leiden ausgesetzt sind, bis hin zum Tod.
Në shumë shtete, veçanërisht në Afrikë dhe Amerikën Latine, abortet bëhen në atë mënyrë e kushte të rrezikshme, ashtuqë nënat e ardhshme iu nënshtrohen rreziqeve të mëdha prej komplikimeve e vuajtjeve që, shpeshherë, përfundojnë edhe me vdekje.






Shikuar në aspektin botëror vlerësohet se për çdo vit kryhen 40 deri 50 milion aborte (krahaso „The Abortion Debatte“ [Debati mbi abortin], Kulczycki, faqe 5). Kjo don të thotë se afro një çerek shtatzanishë mbarojnë me abort, me anë të helmimit, copëtimit apo thithjes së fetusit i cili pastaj hudhet në pleh!






Gjat Luftës së Dytë Botërore, në të ashtuquajturin HOLOKAUST, vlerësohet që nacistët e Adolf Hitlerit të kenë mbytur afro gjashtë milion çifutë. Pas përfundimit të luftës përgjegjësit e këtij akti barbar të tmerrit u vendosën para gjyqit duke u dënuar për krim kundër njerëzimit. Opinioni botëror i ngritur përnga morali asaj kohe ishte dakord që të tillët të vareshin. Kurse sot vdesin miliona foshnjesh të palindura në vit, shumë prej tyre mu në ato vende të cilat e kanë organizuar dhe udhëhequr procesin e Nürnbergut.






Prandaj dhe nuk është për t’u habitur që sot e kësaj dite shumë njerëz përhapjen e abortit e quajnë holokausti modern. Vrasja masive e foshnjeve të palindura, e cila në popujt tanë modern është bërë e akceptueshme si me ligj ashtu edhe nga shoqëria, tanimë e ka tejkaluar shumëfish numrin e viktimave të shkaktuara nga nacional-socialistët gjermanë, të Rusisë nën diktaturën e Stalinit, të Kinës nën udhëheqjen e Maos, të Kamboxhës nën udhëheqjen e Pol Potit… e megjithatë, shumë pak njerëz janë të shokuar apo të indinjuar për këtë! Çka është edhe më e keqe, ata që flasin kundër abortit, në të shumtën e rasteve cilësohen si fanatikë konservativ religjioz.





vazhdon...





***

[4peace]

...



Mënyra mjegulluese e të vështruarit






E po si arritëm deri te ajo pikë ku njerëzit modernë, të arsimuar – me trashëgimi sistemi vlerash të krishtera, në të cilin aborti shihet si gjë ilegale e amorale - tani e akceptojnë apo madje edhe e kërkojnë që aborti të njihet si e drejtë kushtetutare? Përgjigjen mund ta gjejmë në argumentet, të cilat i përdorin përkrahësit e abortit dhe ata që pamjen e temës së mirëfilltë e mjegullojnë ashtuqë vendosin themelin e mosmarrëveshjeve. Po t’i vështronim me vëmendje më të madhe këta argumente do të hetojmë se janë të cekëta, megjithëse cilësohen si „intelektuale“ e „përparimtare“. Me këtë rast injorohen me qëllim faktet themelore nga biologjia!







Përkrahësit e abortit rëndom pohojnë se embrioni i zhvilluar në fazat e hershme të shtatzanisë nuk është jetë e njëmendtë njerëzore. Më tepër është (sipas tyre) „topth endjeje“ që duket më shumë si fulterëz se sa si njeri. Por faktikisht grumbullimi i diferencuar i qelizave zhvillohet në atë mënyrë që nga kjo s’bëhet kurrë ndonjë fulterëz, sikurse edhe as pemë apo majmun! Për 10 deri 12 javë ky individ i vogël do të ketë tipare të dallueshme njeriu ku do të mund ta dallojmë fytyrën, pastaj krahët, duart dhe gishtat, këmbët, gishtat e këmbëve…Duket sikur të buzëqeshë, është në gjendje ta thithë gishtin e madh të dorës e madje reagon edhe ndaj zërave! Kjo është një qenie e vogël njerëzore. Ndaj, vetëmpse nuk duket si njeri në javët e parat ë zhvillimit, kjo s’don të thotë se është ndonjë krijesë „nën njerëzore“!






Përkrahësit e abortit e mbulojnë me plot dëshirë kur vie në pyetje se kur fillon jeta. Ata argumentojnë se jeta fillon atëherë kur mund të ndjehen lëvizje (në bark), kur bëhet frymëmarrja e parë apo kur fetusi të jet i aftë për jetë në mënyrë të pavarur. Me këtë duan të arsyetohen se aborti në të vërtetë nuk mund të krahasohet kurrsesi me marrjen e jetës njerëzore kur bëhet para këtyre shkallëve të sipërpërmendura të zhvillimit. Megjithatë, është fakt (i pamohueshëm) biologjik se jeta fillon që nga momenti i mbarësimit. Që nga ky moment, në embrionin që është në zhvillim e sipër, çdo qelizë veç e veç posedon me numrin e plotë të kromozomeve dhe posedon me gjithë materialin gjenetik që ky embrion e dallon nga prindërit e vet. Disa pohojnë se fetusi s’është gjë tjetër pos një organ (i rëndomtë…?!) – pjesë e trupit të nënës, sikur që është edhe zorra qorre – dhe se kjo është çështje e nënës ku ajo duhet të vendosë se a duhet ta ruajë epo mënjanojë atë organ. Por që nga momenti i mbarësimit fetusi ka ndërtim tjetër gjenetik nga çdo organ i barkut të një nëne. Përfundimi i kësaj jete me anë të abortit domethënë t’ia marrësh jetën një individi gjenetik të pashoq. Nga pikëpamja biologjike nuk ekziston asnjë mundësi për ta vënë kufirin prej ku fillon jeta në cilindo vend tjetër post e mbarësimi. Fetusi lëvizë në barkun e nënës qysh javë më heret para se këtë të është ne gjendje ta ndjejë edhe e ëma vet. Dhe, mu ashtu sikur fetusi nuk mund të mbijetojë jashtë trupit të nënës së vet, edhe si foshnje (pas lindjes) nuk mund të mbijetojë vetvetiu (pa ndihmën e nënës)! Edhe foshnjes i duhen disa vite për të qenë i ushqyer, i përkujdesur e mirëmbajtur deri sa të aftësohet për të mbijetuar vetvetiu.




vazhdon...






***

[4peace]

...




Përkrahësit e abortit kanë argumentuar se abortet legale zvogëlojnë numrin e abuzimeve ndaj fëmijëve, meqë do të zbresë numri i shtatzanive „të padëshiruara“ dhe se në këtë mënyrë çdo fëmijë i lindur do të jetë edhe i mirëseardhur dhe i dash(t)ur. Mirëpo, për fat të keq, me legalizimin e aborteve është shtuar edhe abuzimi (seksual) ndaj fëmijëve.




Argumenti se abortet duhet të legalizohen, me qëllim parandalimi nga rastet e përdhunimeve, incesteve dhe defekteve të dukshme gjenetike, shpërfill faktin se këto arsye janë pjesë shumë e vogël që i përkasin të gjitha abortimeve të bëra sot (krahaso tabelën e mëposhtme). Shumë abortime ndodhin te të rinjtë që janë aktiv në seks nga motive të pastra personale (nga kënaqësia seksuale) e më së shpeshti nga motive egoiste (Kulczyski, faqe 1). Abortet me kërkesë – “Mbytja nga (shkaku) rehatia“ – kërkohen më së shpeshti me qëllim që t’i iket përgjegjësisë apo sekëlldisë.




Mbytja nga rehatia (tabela)

Arsyet për se janë bërë abortimet:

Një foshnje do të ma ndryshonte jetën (ashtu siç nuk do të kisha dashur?)...............76%

Nuk mund t’ia lejoj vetes një foshnjë (s’kam kohë, të holla, nge…) ....................68%


Dua t’i shmangem të qenit edukuese e vetme (pa prindin tjetër) si nënë.............................51%



S’jam e gatshme për një përgjegjësi të tillë (me humb rinia?)...........................31%



Nuk dua të marrë vesh askush për shtatzaninë time...............................31%



Nuk jam mjaft e pjekur për të pasur fëmijë ................................................ 30%



Fetusi ka problem shëndetësor................................ 7%



Kam qenë viktimë e përdhunimit…................ 1%





(Burimi: Family Planning Perspectives, korrik/gusht 1988,faqe 169-170)





Juristi i njohur Robert Bork ka theksuar se vendimi i Gjyqit të Lartë të SHBA-ve për rastin „Roe kundër Wade“, me ç’rast edhe janë legalizuar abortet, nga feministet (lëvizja feministe) është shikuar si „ Zhvillim jashtëzakonisht i madh në arritjet e barazisë së femrave“. Në këtë e sipër nuk kishte të bëjë me të qenit njeri në fetus por para së gjithash me lirinë e femrave/grave“ (Bork, faqe 183). Argumentet e përkrahësve të abortit përqendrohen me plot dëshirë në të drejtat e grave/femrave,përveç të atyre femrave që ende janë në barkun e nënës!







***

[Psikologu]

Ku sipas Bibles , ne cilen faqe , thenje dhe kapitull.
Na shkruaj me teper se bota Islame si e trajton gruan , akoma si bishe qe edhe e bene synet apo.
I thone rob apo roberesh, lexo me mire copy pastet e tua.

[4peace]

Postimi origjinal është bërë nga Psikologu

Ku sipas Bibles , ne cilen faqe , thenje dhe kapitull.
Na shkruaj me teper se bota Islame si e trajton gruan , akoma si bishe qe edhe e bene synet apo.
I thone rob apo roberesh, lexo me mire copy pastet e tua.

Shkrim jashte teme!


KALO!




***

[4peace]

...





Perspektivat historike



Njerëzit që e ndihmojnë mundësinë për abort mendojnë shumë rrallë në mësimet nga historia. Në Greqi dhe Romën pagane të antikës foshnjat e padëshiruara liheshin jashtë në shi e stuhi me qëllim që të vdisnin. Abortet ishin gjithandej të zakonshme e të akceptueshme dhe për këtë ekzistonin metoda të shumta. Platoni e Aristoteli e përkrahnin abortin me qëllim që ta përkufizonin madhësinë (numrin e anëtarëve) e familjes. Megjithëse ligji romak e forconte familjen (i kushtonte rol të madh) nuk ishte kundër aborteve. Gjat rënies së Romës u paraqitën edhe më shumë krime, edhe më shumë shfrenueshmëri seksuale – me këtë edhe më shumë abortime. Me këtë u sfiduan konceptimet e vlerave pagane dhe, në këtë mënyrë, lindi ajo që disa e quanin „lufta e parë e abortit“ (krahaso Christianity Today/Krishterimi sot, 6. tetor 1989). Ky antagonizëm ndërmjet konceptit të vlerave të krishtera e pagane (i cili bëhet i qartë jo vetëm në bibël por edhe tek të parët [etërit] e kishës) ka ndikuar në qëndrimin e kundërshtarëve të abortit të civilizimit perëndimor me shekuj të tërë.







Një „luftë e abortit“ tjetër ka shpërthyer në vitet 1850 kur aborti kishte fituar sërish popullaritet në gjithë Shtetet e Bashkuara pasiqë ishin ndryshuar vlerat me anë të revolucionit industrial. Megjithatë, mjekët i përkrahnin ligjet e ashpra të asaj kohe ku mundësia për abort nga persona të pa kualifikuar ishte e kufizuar, meqë në këtë mënyrë kishin më pak konkurrencë në punën e tyre.







Në vitet 1930-ta ishin dekretuar ligje në Gjermaninë naciste, përmes të cilëve ishte bërë legale mbytja e njerëzve të vjetër dhe të sëmurë. Ky parim është zgjëruar më vonë dhe është shfrytëzuar si justifikim për mbytjen e judenjëve, ciganëve dhe pjesëtarëve tjerë „të pa mirëseardhur“ të shoqërisë. Vetëm për njerëzit, gjenet e të cilëve shiheshin si të dëshirueshëm për shoqërinë, ishte përkufizuar mundësia për abort në Gjermaninë naciste.






„Luftërat e abortit“ kulminacionin e tyre e arritën tek kah mesi i shekullit 20. Në vitet e 1960-ta e 1970-ta SHBA-të dhe Britania e Madhe pasuan shembullin e Kinës dhe Bashkimit Sovjetik duke i legalizuar abortet. Në shumë nacione të botës të njohura e pranuara si „krishtere“, sistemet e vjetra me shekuj të vlerave u zëvendësuan me koncepte vlerash pagane të jetës njerëzore.







Para pesëdhjetë vitesh njerëzit ishin tmerruar kur kishin marrë vesh që mjekët nacistë kishin bërë ekperimente „shkencore“ në njerëzit e gjallë dhe pjesët e trupit të tyre i kishin përdorur për çështje komerciale. Ndërsa sot duket se nuk i pengon askujt kur pjesët e nxjerra nga fetusi i abortit përdoren madje edhe për prodhimin e kremave për fytyrë! Ja si ka ndryshuar shoqëria jonë! Që prej atëherë kur janë legalizuar abortet dhe ndihme për vdekje (eutanazia), sipas vlerësimeve të shumta, afro 8% nga të gjithë fëmijët e vegjël që vdesin për çdo vit në këtë vend mbyten nga (vet) mjekët! Me këtë rast, një vëzhgues i kësaj çështjeje ka komentuar se „holandezëve iu kanë dashur 30 vite që me praktikat e tyre medicinale ta arrijnë atë pikë, me ç’rast bënin një lloj eutanazie, për të cilën ishin dënuar me varje shumë mjekë gjermanë pas Procesit të Nürnbergut.“






***

[4peace]

...





Dimensioni biblik





Dimensioni historik i debatit mbi abortin është esëllues. Mirëpo, si qëndron puna me moralin? A është aborti gjë e drejtë apo e gabuar? Ç’thot Bibla lidhje me këtë?






Pali ka shkruajtur:“ Por në qoftë se dikush nuk kujdeset për të vetët (familjen e vet), dhe më tepër për ata të shtëpisë, ai e ka mohuar besimin dhe është më i keq se një jobesimtar.“(1 Timoteut 7). A mund të pohojë dikush se një i krishterë do të mund të (për)kujdesej për familjen e vet duke mbytur (përmes abortit)? Ta përkujtojmë: Njëra nga dhjetë Urdhëresat e ndalon qartë vrasjen (Ekzodi 20, 13). Me fjalë tjera, çdo kontrollë e lindjes që çon drejt abortit është gabim.






Moisiu ua kishte tërhequr vërejtjen izraelitëve që të mos i ushtrojnë praktikat e liga të fqinjëve të vet kananitë – mes të cilave ishte edhe vrasja e fëmijëve të vegjël. Ai qortoi: „Kur do të hysh në vendin që Zoti, Perëndia yt, po të jep, nuk do të mësosh të shkosh pas veprave të neveritshme të këtyre kombeve. Të mos gjendet midis teje ndonjë që e kalon birin ose bijën e vet nëpër zjarr, as ndonjë që praktikon shortarinë, bën parashikime, interpreton shenjat dhe merret me magji, as ai që përdor yshtje, as mediume që konsultojnë frymat, as magjistarë, as ai që ndjell të vdekurit, sepse të gjithë ata që merren me këtë punë neveriten nga Zoti; dhe për shkak të kësaj neverie, Zoti është duke i përzënë para teje. Ti do të jesh i përkryer para Zotit, Perëndisë tënd; sepse kombet, që ti do të dëbosh, i kanë dëgjuar shortarët dhe magjistarët; kurse ty, Zoti, Perëndia yt, nuk të ka lejuar të veprosh kështu. Ti nuk do të veprosh kështu me Zotin, me Perëndinë tënd, sepse ata me perënditë e tyre kanë bërë tërë ato gjëra të neveritshme për Zotin dhe që ai i urren; kanë djegur madje në zjarr bijtë dhe bijat e tyre për nder të perëndive të tyre“. (Ligji i përtrirë 18, 9-14); 12, 31)






Mbreti David ka përshkruar se izraelitët e kishin hidhëruar Zotin. Athua,për çfarë arsye?“ ua flijuan demonëve bijtë dhe bijat e tyre, dhe derdhën gjak të pafajshëm, gjakun e bijve të tyre dhe të bijave të tyre, që u flijuan për idhujtë e Kanaanit; dhe vendi u ndot nga gjaku i derdhur. Kështu ata u ndotën me veprat e tyre dhe u kurvëruan me aktet e tyre. Dhe zemërimi i Zotit u ndez kundër popullit të tij, dhe ai ndjeu një neveri për trashëgiminë e tij. I la në dorë të kombeve, dhe u sunduan nga ata që i urrenin. Armiqtë e tyre i shtypën dhe ata iu nënshtruan pushtetit të tyre. Ai i çliroi shumë herë, por ata vazhduan të ngrenë krye dhe të zhyten në paudhësinë e tyre. Megjithatë ai i kushtoi kujdes ankthit të tyre, kur dëgjoi britmat e tyre”… Psalmet, 37-44). Profeti Ezekiel shkroi fjalët akuzuese të Zotit kur populli e kishte harruar Atë. Zoti akuzonte, “që ti të therje bijtë e mi (izraelitët) dhe t`ua ofroje atyre (idhujve)duke i kaluar nëpër zjarr” (Ezekieli 16, 21). “… kanë gjak mbi duart e tyre, kanë kryer shkelje kurore me idhujt e tyre, madje i kanë kaluar nëpër zjarr që të gllabërohen, bijtë e tyre që më kishin lindur. (Ezekiel 23, 37)





***

[Stuhia]

4peace, ty si duket po te tepron koha qe po mirresh me budallakina te tilla.

Shko njeher mesohu si te jesh Shqiptar e pastaj eja dhe spjego citate biblike apo kuranore.
I ke qite punet ne dyzen si duket, e veq keto gjera qe nuk tregojne asgje te kan mbetur pa i drejtuar. :lol:

Stuhia.

[halla e madhe]

4pease_Po me vjen shume keq per kohen qe paske humbur,te gjitha keto tekste te kopjuara...me mire te na kishe tregua per jeten e botes se trete,atje ku njerzia vuajn uri,atje ku planifikimi i familjes ende asht teme TABU

[4peace]

Postimi origjinal është bërë nga Stuhia

4peace, ty si duket po te tepron koha qe po mirresh me budallakina te tilla.

Shko njeher mesohu si te jesh Shqiptar e pastaj eja dhe spjego citate biblike apo kuranore.
I ke qite punet ne dyzen si duket, e veq keto gjera qe nuk tregojne asgje te kan mbetur pa i drejtuar. :lol:

Stuhia.

halla e madhe shkruajti

4pease_Po me vjen shume keq per kohen qe paske humbur,te gjitha keto tekste te kopjuara...me mire te na kishe tregua per jeten e botes se trete,atje ku njerzia vuajn uri,atje ku planifikimi i familjes ende asht teme TABU

Me keqardhje mund t'ju them se jeni...

...jashtë temës




KALONI!(sa ma mirë)




***