U Harrua Flamuri i DARDANISE?

[Arb]

Festa (pa) flamur

Pse kësaj here nuk u përdor Flamuri i Dardanisë për festën e 28 Nëntorit?

A thua kaq shpejt u harrua Flamuri i Dardanisë Antike i propozuar nga presidenti i Kosovës Dr.Ibrahim Rugova? Pse asnjë qeveritar komunal apo ndonjë përfaqësues i Institucioneve të Kosovës nuk e nxori në përdorim, së paku simbolikisht Flamurin e Presidentit Rugova? Pse Grupi Parlamentar i LDK-së nuk po e procedon në Kuvendin e Kosovës kërkesën për zyrtarizimin e simboleve të Shtetit të Kosovës të cilat u propozuan nga Presidenti Rugova?

Shkruan Bajrush MORINA

Edhe këtë vit u shënua Festa e 28 nëtorit, Dita e Flamurit në Shqipëri dhe në Kosovë. Edhe këtë vit pati përurime dhe manifestime kulturore anembanë trojeve etnike shqiptare. Këtë vit Skënderbeu erdhi edhe në Shkup, ndërkaq një lapidar i Adem Jasharit, komandantit legjendar të UÇK-së u përurua edhe në Tiranë.

Duke mos i mbitheksuar “dallimet” politike të këtyre përurimeve me vlera dhe karakter kombëtar (në Shkup ishin të pranishëm vetëm përfaqësuesit e BDI-së e jo edhe të PDSH-së, ndërkaq në Tiranë ishin të pranishëm vetëm zyrtarët e PDK-së e jo edhe të Qeverisë së Kosovës apo të partive të tjera politike të Kosovës) mund të thuhet se 28 Nëntori i këtij viti u përshkua edhe me ankthin e pritjes për zgjidhjen e statusit përfundimtar të Kosovës dhe u shënua edhe me protesta të lëvizjes “Vetëvendosja”.

Por, Festa e 28 Nëntorit e këtij viti pati edhe një “zbehje” jo vetëm vizuele. Fare pak ose aspak nuk u vërejt valëvitja e Flamurit të Dardanisë Antike i propozuar nga presidenti i Kosovës dr.Ibrahim Rugova. Në të vërtetë, sipas njoftimeve nga terreni, vetëm disa nxënës të qytetit të Pejës e morën guximin dhe defiluan nëpër qytet me flamuj të Presidentit Rugova. U takon merita, respekti, guximi dhe falënderimi i posaçëm për këta nxënës dhe për ata që udhëheqës komunalë apo partiakë të komunës së Pejës të cilët organizuan dhe shpërndanë flamujt e Dardanisë më rastin e festës së 28 Nëntorit.

Kjo festë e këtij viti “ua nxori bojën” shumë udhëheqësve komunalë dhe të Institucioneve të larta të Kosovës, sidomos atyre që janë nga radhët e LDK-së. Siç dihet, viteve të mëhershme, jo vetëm në tubimet partiake por edhe me rastin e Festave kombëtare, krahas Flamurit Kombëtar, nxirrej edhe Flamuri i Dardanisë, i propozuar nga presidenti Rugova. Në të vërtetë, duhet pranuar se ka patur edhe “rezistenca formale” ndaj këtij flamuri, madje edhe “djegie publike” të Flamurit të Dardanisë Antike nga disa individë dhe shoqatave të ndryshme që thirren si pasardhës të luftës së UÇK-së, por efekti i valëvitjes së këtij flamuri ishte më i madh sesa ai i “djegies”.

Këtë vit nuk u vërejt një përpjekje e tillë për të nxjerrë në valëvitje Flamurin e Dardanisë. Ndërkaq këtë vit, mu për arsye të mungesës fizike të presidentit Rugova do të duhej të shpalosej Flamuri i propozuar nga ai, Flamuri i Dardanisë Antike.

Por, kjo nuk ndodhi, ndërkaq përgjegjësinë morale, politike e mbase edhe institucionale për këtë “fshehje publike” të Flamurit të Dardanisë së propozuar nga dr.Ibrahim Rugova, e bafshin me shëndet të gjithë ata pushtetarë lokalë apo qendror të cilët kanë ardhë në pushtet falë emrit, veprës dhe votës së presidentit Rugova dhe të cilët edhe sot e kësaj dite e kanë “gojën plot” me emrin e dr. Ibrahim Rugovës, ndërkaq nuk ua mban as edhe një ditë që të nxjerrin publikisht simbolet e presidentit Rugova.

Por, kjo “harresë” ndaj simboleve të presidentit Rugova nuk u vërejt vetëm me rastin e festës së 28 Nëntorit. Ka kohë, për të thënë disa muaj që simbolet e propozuara nga Presidenti Rugova janë lënë anash. Jo të gjithë kryetarët e komunave të Kosovës, jo të gjithë ministrat e Qeverisë së Kosovës, jo të gjithë zyrtarët e lartë të Institucioneve të Kosovës që vijnë nga radhët e LDK-së i mbajnë në zyrat e tyre Flamurin e Dardanisë, Vulën e Presidentit të Kosovës apo fotografinë e presidentit Ibrahim Rugova.

Madje, jo të gjitha Kuvendet zgjedhore të LDK-së në aktive dhe nëndegë janë mbajtur nën intonimin e Himnit të Presidentit Rugova dhe nën Flamurin e Dardanisë. Këtë “harresë” të tyre ata e “arsyetojnë” me modestinë e tepruar apo me “çështje teknike” duke mos e pranuar se në radhë të parë u ka munguar guximi politik që në këtë apo atë tubim zgjedhor të LDK-së nuk e kanë marrë me vete Himnin e Presidentit Rugova të incizuar në disketë apo nuk e kanë marrë me vete Flamurin e Dardanisë Antike.

Duke e parë këtë gjendje, apriori shtrohen këto pyetje: pse kaq shpejt u harrua Flamuri i Dardanisë Antike i propozuar nga presidenti i Kosovës Dr.Ibrahim Rugova? Pse asnjë qeveritar komunal apo ndonjë përfaqësues i Institucioneve të Kosovës nuk e nxori në përdorim, së paku simbolikisht Flamurin e Presidentit Rugova? Pse Grupi Parlamentar i LDK-së nuk po e procedon në Kuvendin e Kosovës kërkesën për zyrtarizimin e simboleve të Shtetit të Kosovës të cilat u propozuan nga Presidenti Rugova?

Këtyre pyetjeve do të duhej t’u përgjigjeshin më mirë ata që kanë përfituar personalisht (shkurt e shqip: që kanë marrë poste institucionale) nën intonimin e Himnit “Kur ka ra kushtrimi në Kosovë” dhe nën Flamurin e Dardanisë Antike. Ata duhet të përgjigjen dhe të bëjnë diçka më shumë në këtë drejtim sot, sa nuk është bërë vonë nesër!

[dardan100]

[quote=Arb]Festa (pa) flamur

Pse kësaj here nuk u përdor Flamuri i Dardanisë për festën e 28 Nëntorit?





Jo, i nderuari ARB, flamuri i Dardanise, i te madhit Ibrahim Rugova; ikona dhe krenaria jone kombetare, nuk eshte harruar, sepse ai eshte tashme ne shtepite dhe ne zemrat e te gjithe kosovareve te vertete. Edhe nese ai nuk perfillet sot nga NENPUNESIT (politikanet) tane, ai do te perfaqeson shtetin tone te pavarur ne arenen nderkombetare. NENPUNESIT tane sillet reth e rrotul kesaj qeshtjes se flamurit duke dhene leksione morali e patriotizmi te rrejshem , duke e dite fort mire se ne fund te procesit negociator, ne duhet ti kemi simbolet tona shteterore, dhe se ato do te jene mu ato qe na i la ne trashegimi burri i urte dhe vizionar i Dardanise sone! Sepse vetem ai kishte largpamesi politike dhe shteformuese, kurse SHERBETORET tane, te vetmin mjet me efekt qe kane ne dore eshte obstrukcionizmi!
Kosova ia ka per borxh Birit te saj te perbetuar, i cili per kete toke te lare me gjak, dha jo vetem familjaret e tij te ngushte (babain dhe gjyshin te masakruar nga bishat sllavo-barbare), por e vetmohoj tere qenjen e tij prej intelektuali paqe dhe liridashes. Dhe ai e bere kete per NE, qe ne sot te jetojme te lire dhe te synojme te kemi kapitullin tone te shume-merituar ne gjeopolitiken boterore.
Ekziston nje ndryshim i madh mes Rugoves dhe patrioteve te rrejshem, sepse i pari veç se e ka kapitullin e tij te ndriçuar ne historine e njerezimit, kurse keta te fundit do ta kene vendin e tyre te merituar ne faqet e zeza te historise!

[Guri i madh]

para nji jave pash disa mendeme se cili flamur do ta ket kosova ne OKB ishin edhe dy apo tri propozime bile njeri ishte que jerum e kish dizajnue nji flamur me do yje ,thoshte se ky flamur e perfaqson multi etnicitetin e kosoves .

po kur ti ndegjojsh do si qyky Ismajl latifi qe thojn se nuk ka forc qe na largon nga flamuri kombtar se vetem ky flamur duhet ta perfaqsoj kosoven .



aty vrehet se kta pseudo patriota nuk kan deshir qe kosova ta fitoj pamvarsin pa dyshim se flamuri i liderit shpirtnor mbar shqiptar do te realizohet

[the godfather]

flamuri i Rugoves ik bre cfar nuk e duam ate flamur,nuk i perngjan flamurit shqipetare.
Edhe nese flamuri i Kosoves do jete i bukur por prap flamur i zemres eshte "FLAMURI KOBETAR",nuk ekziston tjeter flamur.
Rugova mos tja lkuni "eshtrat" se as homazh sjom kon me bo tek trupi i tij,arsya ska nevoj "korrupcioni" i djalit te tij Ukes apo ish-mafiozit nr 1.
Tek Rugova me ka pelqyre vetem nje gje nderrimi i emrit te Kosoves ne DARDANIA e perkrahi plotesisht,ndersa per flamur duhet se paku te vendos populli,sepse ne status nuk po mundim te Vetvendosim bile se paku ne flamur te vendosim.

[MemphiSx]

Me fitoren e Nexhat Dacit si Kryetar i LDK-se ky FLamur i Propozuar nga Presidenti Rugova pas Vitit te Ri do te zyrtarizohet si Flamur Shtetror i Shtetit me te ri ne Ballkan dhe Evrope Kosoves.
Qfaredi qe te jet menyra e zyrtarizimit te ketij Flamuri jam shum i sigurte se ky Flamur do te fitoje perkrahjen edhe nga Populli por edhe ne Kuvendin e Kosoves,pra edhe permes Referendumit por edhe ne Parlamentin e Kosoves do te gezoje shumicen qe eshte e nevojshme.

Ju pershendes.

[pirro]

--------------------------------------------------------------------------------

Pershendetje.

Flamurin e Dardanise(te Rugoves) nuk mund ta pranojn vetem injorantet e ketij vendi,seppse ai eshte flamur qe i perfaqson vlerat e ketij kombi.Ai flamur e ka bekimin e ketij populli.
__________________
ka me u ba mire!!

[E_Zjarrta]

Postimi origjinal është bërë nga the godfather

flamuri i Rugoves ik bre cfar nuk e duam ate flamur,nuk i perngjan flamurit shqipetare.
Edhe nese flamuri i Kosoves do jete i bukur por prap flamur i zemres eshte "FLAMURI KOBETAR",nuk ekziston tjeter flamur.
Rugova mos tja lkuni "eshtrat" se as homazh sjom kon me bo tek trupi i tij,arsya ska nevoj "korrupcioni" i djalit te tij Ukes apo ish-mafiozit nr 1.
Tek Rugova me ka pelqyre vetem nje gje nderrimi i emrit te Kosoves ne DARDANIA e perkrahi plotesisht,ndersa per flamur duhet se paku te vendos populli,sepse ne status nuk po mundim te Vetvendosim bile se paku ne flamur te vendosim.

Kisha nje pyetje per ju zotrote a e dini ju se ç është flamuri Kombëtarë e cfarë është ai Shtetërorë

tung nga e Zjarrta

[Arb]

Debatet e vonuara për simbolet shtetërore të Kosovës

Prishtinë, 5 dhjetor - Ndërsa zgjidhja e statusit të Kosovës po afrohet, me shpresë se së shpejti përfundimisht Kosova do të bëhet shtet i pavarur, mirëpo akti më i lartë i saj juridik - kushtetuta, si dhe simbolet shtetërore ende nuk janë gati, madje janë vonuar si tepër.

Kohëve të fundit janë intensifikuar diskutimet në këto tema, por më shumë në nivel të debateve mediatike sesa institucionale. Madje këto tema fare nuk janë shtruar në ndonjë institucion kompetent, konkretisht në parlament, aty edhe ku e kanë vendin.

Por, në anën tjetër, lideri i Ora-s, Veton Surroi ditëve të fundit ka paralajmëruar se Ekipi i Unitetit, anëtar i së cilës është edhe ai, "duhet të mandatojë kushtetutën, simbolet dhe përcaktimin e datës së zgjedhjeve". Ky pohim i Surroit le të kuptohet se po anashkalohet parlamenti e trupat e tij dhe se Ekipi i Unitetit po vëhet mbi institucionet, ndonëse dihet fare qartë që ky grup është mandatuar nga Kuvendi vetëm për negociatat rreth statusit të Kosovës dhe nuk ka mandat tjetër. Madje sipas Surroit, gjatë kësaj jave EU do të diskutojë për simbolet shtetërore në një takim gjatë kësaj jave. Në nivel partish këto çështje janë diskutuar pothuajse fare pak.

Në LDK prej kohësh zyrtarët e saj kanë pohuar që flamuri është i gatshëm për Kosovën e pavarur - ai që tashmë njihet si Flamuri i Dardanisë, të cilin Presidenti Ibrahim Rugova ka disa vite që e ka prezantuar në opinion. Rreth flamurit ka pasur edhe ndonjë nismë private, ndërkohë që partia Ora ka iniciuar pranë Kuvendit shpalljen e një konkursi ndërkombëtar për simbolet shtetëore.

QIK-u

[sunshine]

Postimi origjinal është bërë nga E_Zjarrta

Kisha nje pyetje per ju zotrote a e dini ju se ç është flamuri Kombëtarë e cfarë është ai Shtetërorë

tung nga e Zjarrta

Unë kisha një pyetje për ju zonjushë, a e dini ju se kush i ka zbuluar këto dallime me flamur kombëtar dhe atë shtetëror? Ideologu i ndjerë Rugova apo kush?
Sa i përket asaj se çfarë flamuri do ketë Kosova (nëse pavarsohet natyrisht!!!), duhet vendosë populli e jo një parti!