Domosdoshmeria e njohjes me fet dhe besimet e tjera

Scooby-Doo · 25-03-09, 21:20

Dijetari i mirënjohur sirian Sheikh Hussam-Zeddin u ka bërë thirrje dijetarëve muslimanë që t’i thellojnë njohuritë e tyre rreth Krishterimit dhe feve të tjera. Mesazhi erdhi si përgjigje ndaj çështjes së ngritur kohëve të fundit mbi nevojën dhe domosdoshmërinë e njohjes së religjioneve të tjera. Në konferencën e organizuar nga muslimanët dhe të krishterët në Universitetin Kombëtar të Singaporit - NUS - (National University of Singapore) është i pranishëm edhe dijetari dhe rektori i Universitetit Al-Fat’h të Sirisë, i cili është duke mbajtur një sërë ligjëratash në disa institucione të Republikës së Singaporit.
Duke folur në gjuhën arabe para 100 profesorëve dhe mësimdhënësve të medresesë El-Xhuneid (Madrasatu El-Juneid El-Islamijeh), ai tha: “Një ndër obligimet parësore për dijetarët muslimanë është mësimi dhe njohja me religjionet e tjera.” Ai përveç të tjerash shtoi: “Prania e shumë religjioneve është një nga planet e të Madhërishmit dhe me gjithë mospajtimet dhe ndasitë teologjike që ekzistojnë mes fesë islame dhe religjioneve të tjera, kjo nuk lë të kuptohet se nuk mund të jetohet në paqe.” Duke pasur parasysh se në Kuran gjenden një mori ajetesh që thërrasin për luftë dhe ndarje me pasuesit e besimeve të tjera, i pyetur në lidhje me këtë Sheikh Hussam Zeiddin u përgjigj: “Ajetet e tilla kuranore kanë zbritur gjatë kohës së luftërave dhe ndodhive të asaj kohe dhe si rrjedhojë ajetet me përmbajtje të kësaj natyre nuk duhen zbatuar në këtë kohë, në të cilën dominon paqja dhe harmonia mes popujve.” Gjatë këtyre ligjëratave, temë diskutimi ishte edhe kriza shkencore apo intelektuale me të cilën janë duke u ballafaquar muslimanët kohëve të fundit. Në lidhje me këtë, Sheikh Hussam Zeiddin u bëri thirrje muslimanëve që t’u kthehen çështjeve islame dhe të rimendojnë rreth ripërtëritjes së tyre, proces ky i njohur tek dijetarët si përtëritje apo texhdid.
Në fund të mesazhit, ai shtoi se bindjet e forta religjioze, pa dallim feje, nuk do të thotë t’i japim fund harmonisë dhe unitetit shoqëror.

**GURI SYLAJ** · 26-03-09, 04:26

Nje ligjerate qe te detyron te mendosh thelle edhe pse do te hase ne kundershtime te ashpera .... e sidomos ketu nga antare te Fprumit!

**GURI SYLAJ** · 31-03-09, 22:12

Do te ishte mire te na e spjegoni pak dallimin ne mes Besimit ne njeren ane dhe Fese apo Re-Ligj -onit ne anenen tjeter .Veq ru se po hini kun llugave!!

~~Dani11~~ · 01-04-09, 08:07

Pershendetje Guri Sylaj
une per veten time e konsideroi qe Religjioni perfaqeson fene e vertet dhe te pa kontestueshme, ndersa besimi eshte diqka qe lene te deshirohet.Besimi ne njerez,ne jashtetokesor,ne dreq, ne figura ,ne kafsh, ne politikan, etj etj...

**GURI SYLAJ** · 01-04-09, 08:27

Mire , po pse thua se eshte Feja e vertete Islami -me siguri se i BESON !!Apo????

Re-Ligj-i -jon !!

Por te thuash se shtetet tjera nuk kan ligje eshte pak e gabuar pavarsisht a ju beson ti aryre ligjeve a jo!!
Definimin qe e keni bere me heret ,e qe me tedrejte e paskan hjeke ,eshte krejtesisht i gabuar!Mohimi i Tevratit ,Zeburit ,Inxhilit nuk eshte ne nderin e nje Muslimani ! Ti mund te mos pajtohesh me pjese te caktuara por t'i mohosh eshte jo e mire!

~~Dani11~~ · 01-04-09, 08:48

Une flase per veten time se si e kuptoi une fjalen religjion dhe fjalen besim, nuk i mohova librat e shenjet,Tevratin dhe Biblen, per Kuranin ska diskutim.Ne librat e pare dihet boterisht qe nderhyri njeriu, hoqi dhe shtoi shkrime dhe une nuk e dije cilave shkrime ju besoin me shume,sepse nuk dihet qka u hoq dhe qka u morr aty.Prandaj ketu fjala besim,besoj eshte me vend, sepse lene hapsire dyshimi, ndersa fjala religjion eshte diqka e vertetuar dhe e pa kontestushme.Ky eshte mendimi im personal.