Përleshje mes Policis së Kosovës dhe Xhandarmeris serbe

[GjIlAnAsI_cSi]

Pas përplasjes së djeshme midis xhandarmërisë dhe policisë së Kosovës në zonën kufitare Kosovë – Serbi, në fshatin Karaçevë të Kamenicës, sot çdo gjë ishte qetë. Banorët janë të frikësuar dhe paralajmërojnë radikalizëm veprimesh nëse nuk zgjidhet çështja e kontekstit territorial.

3 mijë e 200 banorët e kësaj ane ende jetojnë më ndjenjën e luftës dhe frikën se një ditë do t’i humbin pronat e tyre. Ata thonë se çdo ditë në rrugët e tyre patrullon xhandarmëria serbe, e cila sipas banorëve ata janë të vendosur në territorin e Kosovës.

Frika e banorëve është rritur, kur dje disa orë Policia e Kosovës është munduar të zmbrapste patrullën e xhandarmërisë serbe, e cila kishte kaluar nëpër fshatin Karaçavë e cila njihet si zonë e kontestuar. Ndërkohë që sot çdo gjë duket e qetë. Por, Policisë së Kosovës i është ndaluar patrullimin në këtë zonë.

Sipas Marrëveshjes së Kumanovës, nënshkruar më 10 qershor 1999, zona e kontestuar i takon Serbisë, por në hartat dhe shënimet kadastrale të Kamenicës kjo pjesë e territorit është në përbërje të Kosovës. Kjo gjë i ka irrituar dukshëm banorët e kësaj ane, të cilët madje ndjehen të anashkaluar nga institucionet e vendit.

Të mërkurën e ardhshme banorët do të protestojnë te vendi i quajtur Te uji i çeshmes, duke kërkuar nga institucionet kosovare që të mos lejojnë që territori i Kosovës të kontrollohet nga forcat serbe.