Durres: Vriten kater police, e dy qytetare

[pirro]

Durrës: Vriten katër policë, e dy qytetarë

Nga Express më 07.08.2009 në ora 15:16
(Update) Njeriu i shumëkërkuar nga policia, Dritan Dajti, ka vrarë katër policë, gjate një aksioni policor për arrestimin e tij në afërsi të plazhit "Iliria" në Durrës

Sipas informacioneve të fundit me këtë rast është vrarë edhe shoqëruesi i Dajtit dhe një civil, pushues në plazh.

Ngjarja ka ndodhur rreth orës 14: 20 minuta, njoftojnë mediat shqiptare. Dritan Dajti strehohej në afërsi të këtij plazhi së bashku me një prej miqve të tij më të ngushtë.

“I Forti i Rrugës së Kavajës" është arrestuar nga policia dhe është dërguar i plagosur në spital. Mbi të rëndojnë një mori akuzash, vrasje dhe rrëmbime.

Dajti ishte arratisur disa vjet më parë nga gjykata e Tiranës. Burime nga polica thanë se gjatë thirrjes për t'u dorëzuar Dajti ka qëlluar me armë skuadrën e policisë.

Policët rrethuan Dajtin dhe tentuan ta kapnin. Të shtënat me armë kanë ndodhur në një zonë shumë të frekuentuar në plazhin e Durrësit, tek zona e njohur si Pista “Iliria”, ku policia tentoi të arrestojë të shumëkërkuarin prej 6 vitesh nga policia.

Policia kishte dyshime se Dajti fshihej në Shqipëri dhe jo jashtë vendit, derisa ka lokalizuar zonën ku ndodhej realisht. Por, pasi është rrethuar nga policia, Dajti ka qëlluar në drejtim të efektivëve të cilët i janë përgjigjur me zjarr. Më pas është arrestuar nga policia dhe në gjendje të plagosur është dërguar në spitalin e Durrësit, ku dhe ndodhet në këto momente.

Besohet se policia është munduar të kryejë operacionin pa shumë bujë për shkak të zonës tejet të populluar me pushues. Kjo mund të ketë qenë shkaku i reagimit jo të menjëhershëm të forcave të policisë.

Top Channel ka raportuar edhe për gjashtë të plagosur, por zyrtarisht informacioni nuk është konfirmuar.

Forca të shumta policore, si edhe ato Renea kanë dalë në vend të ngjarjes. Edhe drejtori i Përgjithshëm, Ahmet Prenci, ka dalë në vendin e ngjarjes duke marrë drejtimin e hetimeve policore.

Emrat e të vrarëve

Zbardhen emrat e katër policëve të vrarë gjatë aksionit për arrestimin e të shumëkërkuarit, Dritan Dajti. 4 viktimat që bënin pjesë në njësinë speciale janë: Saimir Duckollari, Kastriot Feska, Fatos Xhani e Altin Dizdari. Në ngjarjen e ndodhur ditën e sotme në Durrës humbi jetën edhe Ledion Mara, civil.

Arratisja e Dritan Dajtit

Dritan Dajti u arratis nga Gjykata e Tiranës më 17. 11. 2003 , teksa ishte duke u përgatitur salla për fillimin e procesit gjyqësor ne ngarkim te tij. Dajti akuzohej për vrasjen e biznesmenit Agim Beqaj, vrarë më 17 shkurt 1999. Vrasja e pronarit të “Besa Konstruktion” ka ndodhur pranë “Zogut te Zi”, krim për të cilin u dënua njëherë dhe po rigjykohej serish Dajti. Ndërkohë që, si të mos mjaftonte kjo akuzë, sipas policisë dhe prokurorisë, në formë hakmarrjeje, Dajti kishte porositur një pako-bombë, e cila u gjet nga djali i Beqajt, më 20 mars të vitit 2003. Disa muaj më pas, policia vuri në pranga Skënder Kullën, mik i Dajtit, i cili dyshohej të kishte vendosur bombën e maskuar si pako dhe kishte kërcënuar në telefon familjen Beqaj. Dajti është dënuar dhe me 9 vjet burg nga Gjykata e Tiranes, për arratisjen e tij. Deri më sot, Dajti ishte një nder personat më të kërkuar të policisë dhe drejtësisë shqiptare. Ai kërkohej edhe nga Interpoli. (Agjencitë)

[pirro]

Kjo eshte ngjarja me e rende per policine e shtetit shqiptar qe kam ndegjuar .... dhe njehkosisht shume jo profesionale per drejtorine e policise se shtetit.

Ngushllime familjarve te viktimave.

[jonuzi]

... e tmerrshme... une bashkendjej dhimbje ne kete tragjedi te madhe...

[Shpati]

Policia Shqiptare ka vepruar jo profesionalisht e si pasoj esht shkaktuar nje tragjedi e madhe.

[GURI SYLAJ]

Jo ,policia shqiptare ka vepruar brenda mundesive te saj por Shteti Shqiptar, e jo vetem ai ,kan vepruar, tash e shume vjet ,ne nje drejtim qe eshte dite se vije deri ktu.Hiq me mire nuk eshte as Shteti i Kosoves .
Pse??
Sepse krimi dhe krimineli jan pjesa me e sigurt e shoqerise dhe jan te lidhet direkt me kupolen politike ,ekonomike e ....te shtetit dhe ndihen si te pa prekshem .
Dhe nise nga ketu, ai(krimi) tash e sa vite ka qen nene mbrojtjen e dikujt nga shteti per arsye qe ndoshta do te dihen me von .Dritani nuk eshte i vetmi .Ka shume Dritana qe sillen "lirshem"rrugeve te Durresit ,Tiranes ,Vlores ,Prishtines ,Pejes, Prizrenit .Lirshem neper Trojet Shqiptare .Krimin dhe kriminelin i kemi ushqy gjat dhe tash eshte veshtire te ndalen !
Por edhe kur te ndalen ata do te ndalen duke marr me vete forca te rendit ,te pafajshem e edhe ndonje mik te tyre.E mira do te ishte qe te marrin me vete edhe mbrojtesit ,urdherdhenesit dhe jataket qe njehere e pergjithmone te kursehemi nga tragjedi si kjo e fundit ne Durres!!!

[4peace]

*

Une e lexova rastesisht (dje) kete koment qe deshmon se policia nuk ka gabuar porse ashtu kishte qene fati (i keq) i tyre.

Ja komenti:
Jam nga Tirana. Kam informacion te plote per ngjarjen. Ne aksion kane marre pjese 12 efektive te Repartit te Operacioneve Speciale (ROS ) prane Ministrise se Brendshme (Jo RENEA - RENEA eshte strukture krejt tjeter). Keta efektive kane zbuluar vendndodhjen e tij. Dritan Dajti ka qene vete i treti ne nje makine Volkswagen tip Touareg. Sipas te gjitha gjasave Dajtin e kane informuar se po pergjohej sepse me makinen e tij i eshte afruar njeres makine ku gjendeshin 4 policet e rene dhe ka ndaluar. Sapo 4 agjentet vetem sa i jane afruar makines se tij ata jane qelluar menjehere nga Dajti dhe kunati i tij 23 vjecar. Ne moment kane reaguar 8 efektivat e tjere duke vrare ne vend kunatin e tij dhe duke e plagosur rende Dajtin por sic thuhet edhe ne kete rast, 8 agjentet e tjere jane treguar shume gjakftohte duke mos e qelluar ate ne organet jetesore per asrye hetimi. Personi i 3-te qe ka qene shoferi eshte dorezuar pa kushte. ROS-i eshte shume ndryshe nga RENEA, dhe ka nje dualizem mes tyre.

***

[Tomori]

Sa lote krokodili derdhen politikanet shqiptare sot?


Ja Injorantin Ali Ahmeti..

Kryetari i BDI-së në Maqedoni, Ali Ahmeti, me anë të një telegrami, ka ngushëlluar familjet e katër policëve të vrarë Xhani, Dizdari, Duçkollari, Feska, si dhe kryeministrin shqiptar Berisha për rënien në krye të detyrës së katër anëtarëve të Policisë së Shtetit.
“Me dhimbje të thellë e pikëllim në zemër e morëm lajmin e trishtueshëm të vrasjes së katër oficerëve të policisë së shtetit shqiptar.

[Guri i madh]

ngushtllime per familjart e viktimave qe kan rae deshmor gjat mbrojtjes se kushtetutes rendit e ligjit



e kur favorizohen kriminelt kushton jeta te shumta te atyre qe e mbrojn ligjin



edhe qeveria e kosoves po e favorizon ENVER SEKIRAQEN po ma von ka me na kushtue shtrenjt

[Tomori]

/**/ Rrezikshmëria e Dritan Dajtit, operacioni dhe dekonspirimi i policisë

E Shtune, 08 Gusht 2009 18:40 EKSKLUZIVE


Dritan Dajti

Tiranë, 9 gusht NOA - Masakra e Durrësit, duket se nuk do të ketë në qendër të hetimeve vetëm Dritan Dajtin dhe miqtë e tij të cilët gjatë aksionit të policisë për kapjen e tyre ditën e djeshme vranë katër punonjës policie. Por pikërisht edhe ky aksion pritet të zbardhet nga Prokuroria e Krimeve të Rënda.
Por pavarësisht se grupi hetimor ka dijeni se Dritan Dajti ishte i rrezikshëm dhe operacioni për kapjen e tij ishte i vështirë për tu realizuar paq, hetuesit po përpiqet të gjejnë përgjigjen e një tjetër pyetje që lidhet me operacionin e policisë
Operacioni u dekonspirua apo efektivët e njësisë operacionale vepruan gabim?
Kjo është pyetja në cilën janë përqendruar hetuesit të gjejnë përgjigje të cilët do ta kenë pas verifikimeve.
Burime nga grupi hetimor thanë se pritet të zbardhet mënyra e organizimit të operacionit për kapjen e super të kërkuarit, pse u vendos të zhvillohej në mes të ditës në një zonë të populluar dhe kush ishin firmëtarët e këtij aksioni.
Policët të cilët morën pjesë në këtë operacion të paktën katër prej të cilëve mbetën të vrarë nuk kishin veshur jelek antiplumb ndërkohë që kishin dijeni se ata po shkonin të kapnin një person të me rrezikshmëri të lartë.
Por përpos anës procedurale të operacionit, hetuesit dyshojnë se policët mund të jenë dekonspiruar nisur nga fakti që Dajti me shokë po largohej i armatosur.

Ledion Mara

Dikush mund të ketë tradhtuar policët duke i rrëfyer Dajtit se po i afroheshin prangat çka dyshohet të ketë detyruar Dritan Dajtit të mbrohet me armë në momentin e fundit.
Megjithatë këto janë vetëm dyshime të cilat mbeten për tu verifikuar nga grupi hetimor i formuar nga Prokuroria për Krimet e Rënda.

Hetuesit kanë rindërtuar mekanizmin e krimit të 5 fishtë që ndodhi dje në plazhin e Durrësit.
Sipas materialeve të mbledhur ka qenë Dajti i cili ka qëlluar i pari mbi policinë duke lënë një nga një, katër policët të vrarë ndërsa efektivat e njësisë operacionale kanë diktuar me vonese se Dajti dhe miku i tij i dyshuar Ledion Mara po qëllonin me armë, duke detyruar policinë të zbrazë armët e saj.
Ajo që në fakt duhet të ishte një pritë nga policia për Dajtin duket se është është kthyer në të kundërtën e planit.
Këtu nisin dhe dyshimet duke bërë që hetuesit të mendojnë se kanë të bëjnë me një dekonspirim pasi Dajti jo vetëm që nuk është kapur në befasi është siç pretendonin oficerët e operacionit por ata kanë kapur policinë në befasi.
Megjithatë hetuesit shtojnë se gjithçka do të analizohet me detaje të imtësishme.


Deri më tani prokurorët janë marrë me “çështjen Dajti’ ku pas masakrës arrestuan atë, bashkëpunëtorin e tij dhe sot në mëngjes një shok tjetër të tij, ndërsa pritet të nisin punën me “çështjen operacioni” i cili do të zbardhe përgatitjen që kishin kryer policët për të realizuar superoparcionin, informacionet që ata kishin marrë për lëvizjet e Dajtit si dhe udhërrëfyesin e tyre gjatë këtij aksioni i cili ende pa nisur përfundoi me 4 policë të vrarë.
Policia zyrtarisht deklaroi dje se Dajti kishte qëlluar i pari me armë në drejtim të policisë, ndërsa pritet që të merret edhe versioni i të arrestuarit nga Prokuroria e Krimeve të Rënda.
k.k/NOA

[uck_aksh]

Postimi origjinal është bërë nga Guri i madh

ngushtllime per familjart e viktimave qe kan rae deshmor gjat mbrojtjes se kushtetutes rendit e ligjit



e kur favorizohen kriminelt kushton jeta te shumta te atyre qe e mbrojn ligjin



edhe qeveria e kosoves po e favorizon ENVER SEKIRAQEN po ma von ka me na kushtue shtrenjt

ahahahahahahahahahahahahahahaha mos more Guri mos thuaj ashtu se Enveri ka qen jaran me ish presidentin dhe Adelinen mos se Enveri esht i flakt mbas te ndjerit Preswident mu sikur ARB-Memphisx-panta rehi e shum te tjer Enverit me ja sha ish Presidentin luften e nis me at person
Enveri idol e ka Presidentin Rugova

[hasanmehmeti]

Ngushllimet me te sinqerta per familjaret. Per te ardhe keq nje rast kaq i shemtuar.

[Pupi]

Ngushllime Familjarve, Miqëve, Farefisit.
Ngushllime edhe POLICIS Shqiptare.
Policija Shqiptare duhet ta dijë që neve Kosovarët ndiejm në thellësi këtë akt makabër e të pashpirt të atijë që vuri dorë mbi forcat e rendit, të atijë rendi që askushë më tepër se ne vetë Shqiptarët që e kemi nevojë.
Dëshmorëve që ranë në këtë rast LAVDI u çoft, ata ranë për neve, që neve të jetojm në paqë e rehati.

[Shpati]

Postimi origjinal është bërë nga Pupi

Ngushllime Familjarve, Miqëve, Farefisit.
Ngushllime edhe POLICIS Shqiptare.
Policija Shqiptare duhet ta dijë që neve Kosovarët ndiejm në thellësi këtë akt makabër e të pashpirt të atijë që vuri dorë mbi forcat e rendit, të atijë rendi që askushë më tepër se ne vetë Shqiptarët që e kemi nevojë.
Dëshmorëve që ranë në këtë rast LAVDI u çoft, ata ranë për neve, që neve të jetojm në paqë e rehati.

Qka esht edhe me keq keta Polic kan kryer nje Aksion te rrezikshem, ku kan rrezikuar edhe Qytetar te pafajshem.