Surroi: Qeveria e Kosovës e njëjtë me Qeverinë e përkohshme të Kosovës të vitit 99

[GjIlAnAsI_cSi]

Nëse njeriu do ta thjeshtësonte përshkrimin e “periudhës së Qeverisë së përkohshme të Kosovës” më 1999 do të mund të dilte një tablo e këtillë: periudha ku duhet prodhuar Thaçin si kryeministër, Rugovën si një humbës të izoluar në shtëpinë e vet, koha kur duhet “zapuar” shtëpia, banesa dhe lokale me parullën e shkruar “Mos prek,UÇK”, gjendja kur duhet marrë me kallashë KEK-un dhe ndërmarrjet e tjera publike e futur aty menaxhues me kredenciale të mjaftueshme revolucionare, gjendja ku nëse flitet për të pabërat e revolucionarëve të rinj këtë duhet bërë me zë të ulët, gjendja ku së pari minoritetet e më vonë edhe shqiptarët i ha terri.
Efekti politik i Qeverisë së përkohshme ishte shumë më i rëndë se ky përshkrim i thjeshtësuar. Bashkësia ndërkombëtare nuk kishte partner kyç e të përbashkuar kosovar, i cili do të printe, të tregonte rrugën e ndërtimit të Kosovës demokratike, për ç’gjë do të ndihmohej nga bashkësia ndërkombëtare. Në mungesë të një qendre të vendosjes kosovare, drejtimet i kanë përcaktuar me vite të tëra përfaqësues të bashkësisë ndërkombëtare, edhe ata jo shumë herë të unifikuar. Ilustrimi i dukshëm ishte Kushtetuta, kur bashkësia ndërkombëtare vërejti se nuk ka iniciativë vendore, filloi të shkruante vetë një dokument restriktiv juridik, të cilin e quajti Kornizë kushtetuese, dhe për këtë mori legjitimitetin e kosovarëve.
Efekti mendor, kolektiv, i pranisë disamuajshe të një organizate gjysmë-klandestine të quajtur Qeveri e përkohshme, ishte se në Kosovë nuk ka qeverisje, përkatësisht se kemi një transformim të guerilasve në rroba civile, dhe vazhdimi i luftës së tyre për pushtet me mjete të tjera, në shumicë jodemokratike.
Efekti strukturor për vendin ishte shkatërrues: mungesa e prijësit vendor për shtetndërtim, veprimi gueril, gjysmë klandestin, me rroba e rrethana të reja e ka lënë Kosovën me një gjyqësor pothuajse tërësisht të paralizuar dhe joefikas, struktura të dobëta e të partizuara në administratën shtetërore dhe një kulturë demokratike që toleron nivelin më të ulët politik-parlamentar në Evropë.

[GjIlAnAsI_cSi]

Sindroma e Qeverisjes së përkohshme është rikthyer, ndonëse me fasadë më të butë, së bashku me ish-kryeministrin e saj, kryeministrin e tanishëm të vendit. Kosova qeveriset nëpërmjet një strukture në dukje të parë formale dhe demokratike, e prodhuar nga zgjedhjet e vitit 2007. Kjo qeverisje është aty në masë të madhe si formë. Karshi kësaj qeverisjeje janë vendimmarrja ndërkombëtare, e sanksionuar (dhe në masë të madhe e papërdorur) nga pakoja Ahtisaari si dhe dy struktura paralele. Ajo serbe, e kontrolluar nga Beogradi dhe ajo shqiptare, e kontrolluar prej një grupi të Partisë në pushtet.
Modeli i kontrollit të ndërmarrjeve publike e i “zapimit” ka avancuar, është sofistikuar, por në thelb ka mbetur i njëjtë: është përpjekja për të eliminuar sensin e konkurrencës demokratike, qoftë në politikë, qoftë në ekonomi, nëpërmjet formave jodemokratike.
Për këtë, mjaftojnë vetëm ilustrimet e vitit 2009 të Raportit të progresit.
Puna disavjeçare në kontrollin e Televizionit publik për partinë në pushtet ka qenë përpjekje për të monopolizuar “versionin zyrtar”. E njëjta gjë, thotë analiza, është bërë me Parlamentin, të cilin po përpiqet ta kontrollojë Qeveria. Kjo përpjekje është shpaguar politikisht në zgjedhje dhe pas tyre, por është sanksionuar në Raportin e progresit.
Në fushën e ekonomisë, ambiciet e partisë në pushtet nuk janë kufizuar në një përshkallëzim disavjeçar. Partia në pushtet e ka ndryshuar natyrën e shpërndarjes të parasë publike, duke e rritur në një shkallë të pa precedencë dhënien e tenderëve njëburimorë, që do të thotë shpalljen e fituesit të tenderëve pa përfillur fare konkurrencën. Prej 56 milionë eurosh, sa bëhej në vitin paraprak, kjo formë e dhënies së tenderëve njëburimorë hipi në 166 milionë euro. Kjo do të thotë se qeveritarët u dhanë 110 milionë euro tenderë më shumë, pa kurrfarë konkurrence, atyre që dëshiruan, me kriter joekonomik.

Efektet e veprimit të këtillë jodemokratik të partisë në pushtet nuk janë vështirë të shihen në ardhmëri. Kontrolli mbi Televizionin publik (apo krijimi i televizioneve proqeveritare) është tashmë një realitet disavjeçar ndotës i skenës mediatike kosovare. Hapi i ardhshëm është krijimi i një sistemi klientilist, ku mediet të garojnë për favore ekonomike të Qeverisë, apo, në të kundërtën të frikësohen për sigurinë e vet.
Në rrafshin ekonomik, veprimi i këtillë jodemokratik i partisë në pushtet ka rrezik të ndërrojë natyrën e ndërtimit të sistemit ekonomik. Nëse e marrim vitin e kaluar, dhe shohim se ka pasur rënie prej 10,8 për qind në investimet në sektorin privat, ndërsa një rritje prej 194 për qind në atë publik, në sipërfaqe del një shpërpjesëtim i jashtëzakonshëm që demonstron ndryshimin e logjikës së rritjes ekonomike. Në vend të orientimit drejt afarizmit në ndërmarrjet e vogla dhe të mesme private (pse jo edhe të mëdha, kur të ketë kapital), motori kryesor ekonomik po bëhet shpenzimi publik i Qeverisë. Gati çdo e katërta euro e bruto prodhimit vendor (22 për qind për të qenë të saktë) shpenzohet në prokurim nga ana e Qeverisë. Kur dimë se prokurimi po bëhet në masë të madhe pa konkurrencë, atëherë kemi të bëjmë me një fenomen krejtësisht jodemokratik në ndërtimin e sistemit tonë ekonomik, përpjekjen për monopolizimin, kësaj here partiak, të jetës sonë ekonomike.
Ka ndryshuar vetëm forma: para 10 vjetësh përdorej kallashi për të mbledhur para; tash kallashin e ka zëvendësuar tenderi.

Nëse Qeveria e përkohshme, me disa muaj veprimi, arriti të ndihmonte në përcaktimin e një rruge negative disavjeçare për Kosovën, Qeveria e tanishme, me sindromën e asaj të përkohshme, ka gjasa që të përcaktojë humbjen e këtij dhjetëvjetëshi dhe të datës së aderimit në Bashkim Evropian. Më 1999 Qeveria e përkohshme, me veprimet dhe mosveprimet e veta arriti të pengonte obligimin që kishte Kosova për të ndërtuar institucione funksionale që pastaj do ta merrnin mbi supe pavarësinë e vendit. Në vend të tre vjetëve, sa kishim paraparë në Rambouillet, Kosovës iu nevojitën nëntë vjet për të mbërritur në pavarësi, madje falë simpatisë anuse të forcave kryesore perëndimore e jo funksionimit të strukturave qeverisëse. Më 2009, Qeveria e Kosovës ka mundësi që të arrijë të pengojë obligimin e Kosovës që të ndërtojë institucione funksionale dhe demokratike që janë të gatshme të integrohen në BE.

[LOJETARI]

Nuk e di , nese ka nevoje te komentohet nje shkrm i tille, apo eshte me mire vetem ta lexojme e te na vije turp per Qeverine e Kosoves .E para nuk eshte fare e lehte sepse shihet kjart se autori nuk lene shume vend per koment .Ai e pershkruan gjendjen institucionale ashtu , saqe njeriun e logjikshem e kapin ethe te ftohta nga tere kjo mizori qe ka arrit te krijoi kjo Qeveri .Ndersa e dyta me duket se eshte e pashmangshme .(mua me vjen turp)
Megjithate e shoh si nevoje te jap mendimin tim per Veton Surroin .Eshte mekat per popullin e Kosoves qe ai nuk eshte me luftarak .Kjo eshte me te vertete per keqardhje qe ne njeri i kalibrit te tille nuk ka ambicje me te medha per te bere me shume per vendin e vet .Atij i mungon patriotizmi klasik ,ai u dorezua dhe e perjashtoi veten ne kohen kur me se shumti do te munde te jepte kontributin e tij .Kjo po e deshmon se nuk mjafton te jesh vetem i ditur , por njeriut (politikanit) i duhet edhe pak me shume se kjo , per te bere dicka per vendin e tij .

[Fshatari]

Gjuha shqipe, si shume gjuhe tjera indoevropjane, perdor numrin njejes dhe shumes: si duket, artikullshkruesi e injoron kete realitet te rendesishem gjuhesor sepse perdor vazhdimisht sintagmen "partia ne pushtet". Qe nga shpallja e pavaresise dhe krijimit te shtetit te Kosoves, ne pushtet i kemi dy parti (eshte fakt se Ora u zhduk sa ora): PDK-ja dhe LDK-ja. Madje dy kreret e ekzekutivit shtetror kosovar iu perkasin pikerisht ketyre dy partive(me te medhat ne vend): kryetari i vendit, Fatmir Sejdiu, LDK; Hashim Thaçi, kryeminister, PDK.
Edhe qeveria, siç e di shume mire (mbase nuk e di ai jarani i ores ditore; Kosoves nuk i mungojne injorantet me te shemtuar qe mund t'imagjinosh...)perbehet nga ministra te ketyre dy forcave politike ne vend.

Pra, jo "partia ne pushtet" po partite ne pushtet sepse behet fjale per dy parti politike. Me dyshin fillin shumesi.

PS: Rektori i Universitetit te Kosoves, Muje Rugova, ke vendosur qe, duke filluar nga ky vit akademik, gjuha shqipe do te jete lende obligative ne te gjitha deget(fakultetet) e ketij universiteti) me aresyen se shume te diplomuar te ketij universiteti nuk e zotrojne si duhet gjuhen shqipe.
Mesimi i gjuhes shqipe do jete shume i dobishem per pseudogazetaret e Kohes Ditore.

[LOJETARI]

Jo , Fshatari, une nuk besoj qe eshte ky gabim gramatikor ,madje ti e din fare mire se te pakt jane ata nga "elita politike " qe i kane perfunduar studimet universitare e qe e zoterojne shqipen si Veton Surroi .Ky komenti yt s´ka vlere , thjesht nuk the kurgje .

[Guri i madh]

po kjo qeveri esht e perber nga ata qe plaqkiten fondin vendlindja thrret kta jan ata ish udbashat qe serrbia e ka qit ne diaspor per te shpiunuar mergaten shqiptare , bile jan te perfshir edhe ne vrasjet e shqiptaRVE NE DIASPOR


SI PARA LUFTE PO EDHE PAS LUFTES PO EDHE PAS STATUSIT KTA JAN ATA TE NJEJTIT

[Kercovari]

Postimi origjinal është bërë nga Guri i madh

po kjo qeveri esht e perber nga ata qe plaqkiten fondin vendlindja thrret kta jan ata ish udbashat qe serrbia e ka qit ne diaspor per te shpiunuar mergaten shqiptare , bile jan te perfshir edhe ne vrasjet e shqiptaRVE NE DIASPOR


SI PARA LUFTE PO EDHE PAS LUFTES PO EDHE PAS STATUSIT KTA JAN ATA TE NJEJTIT

O kafir arnaut..beje nje grimce dallimi se edhe pasardhsit e Dr.Rugoves participojne ne ate qeveri LPK-istomanija,nuk me behet qefi te i shoh bashke po ishte menyra dhe amaneti i Dr.Rogoves qe per shtetin duhet dhe te flijosh dicka...

[ardijan shahini]

Postimi origjinal është bërë nga Fshatari

Gjuha shqipe, si shume gjuhe tjera indoevropjane, perdor numrin njejes dhe shumes: si duket, artikullshkruesi e injoron kete realitet te rendesishem gjuhesor sepse perdor vazhdimisht sintagmen "partia ne pushtet". Qe nga shpallja e pavaresise dhe krijimit te shtetit te Kosoves, ne pushtet i kemi dy parti (eshte fakt se Ora u zhduk sa ora): PDK-ja dhe LDK-ja. Madje dy kreret e ekzekutivit shtetror kosovar iu perkasin pikerisht ketyre dy partive(me te medhat ne vend): kryetari i vendit, Fatmir Sejdiu, LDK; Hashim Thaçi, kryeminister, PDK.
Edhe qeveria, siç e di shume mire (mbase nuk e di ai jarani i ores ditore; Kosoves nuk i mungojne injorantet me te shemtuar qe mund t'imagjinosh...)perbehet nga ministra te ketyre dy forcave politike ne vend.

Pra, jo "partia ne pushtet" po partite ne pushtet sepse behet fjale per dy parti politike. Me dyshin fillin shumesi.

PS: Rektori i Universitetit te Kosoves, Muje Rugova, ke vendosur qe, duke filluar nga ky vit akademik, gjuha shqipe do te jete lende obligative ne te gjitha deget(fakultetet) e ketij universiteti) me aresyen se shume te diplomuar te ketij universiteti nuk e zotrojne si duhet gjuhen shqipe.
Mesimi i gjuhes shqipe do jete shume i dobishem per pseudogazetaret e Kohes Ditore.

TI ME DUKET PO DUSH ME LA M.....ME SH........ ME KTO GABIME GRAMATIKORE EDHE FORT MIR E DIN SE QESHTU OSHT SI SHQIPERIA NE VITET E ENVERIT POR TY EDHE SHUM TE TJEREVE NJA 15% TE POPULLIT QEKY SHKRIM PO JU PREK ATY KU NUK DONI

[GURI SYLAJ]

Nje shkrim per lakmi por me nje te mete te madhe!
E para, vjen shume von dhe e dyta vjen nga nje mjeles i me hrshem i TENDEREVE !
Kur autori i keti shkrimi MILTE keta qe mjelin sot merrnin mesim se si milet TENDERI !!!