Poezi për fëmijë

[vjeshta]

Lepuroshi



Deshi lepuroshi
t'bënte një mrekulli:
të vishej me tesha
po sikur njëri.


Veshi pantollona,
këpucë e jelek,
n'Zvicër porositi
sahat më qostek.


Mirë,porse të ngratit
i shkoi puna huq,
sepse veshët e gjatë
s'ndenjën në kapuq.


Rexhep Hoxha

[vjeshta]

Pemët në Verë



Mollës -së hollës
iu ka tharë fyti,
për një gotë ujë
Dielli e mbyti.


Dardhës -së bardhës
iu ka tharë dora
nga vapë e verës
lëngon e gjora.


Kumbulla -sumbulla
s'mund t'i thotë kuj:
si t'shkojë të lumi
të pi pakëz ujë.


I pari -kopshtari
zgjohet që më natë,
pemëve të etura
u jep limonatë...


Vehbi Kikaj

[ShEjToNkA]

HARABELI I URITUR


Harabeli:

Ciu-ciu

Ka rënë borë

Cucë e mirë

Ke bukë në dorë?


Cuca:

Unë të dua

Harabel

Kam ca bukë

Kam ca mel


Harabeli:

Ciu-ciu

Cucë e mirë

Falemnderit

Dritë e dëlirë!

[vjeshta]

Për një shkronjë



Për një d,
që ti s'e vë
fjala derë
bëhet erë
dhe shtepia
ngel pa derë.


Për një m
që ti s'e vë,
fjala mik
bëhet ik.

Q'bën kështu,
more Besnik,
a i thuhet
mikut ik?

[rastesishT]

Kesh i vogel
e u rrita
Ne preher të nanës
U merzita.
Nuk dijta me shkru
As me lexu
Prandaj në shkollë
Vendosa me shku.
Edhe shoqet shumë ti du.
:D

Në pasqyre

E mora pasqyrën
Po e mbaj në dorë
qe ta shof fytyrën
a kam ndonjë njolëë
dikush me bertiti
lesho pasqyrën në tokë
se me mire e shef veten
me shokë.

[rastesishT]

Një qudi me 3 sy

Ç është ai sy i kuq
qe në rrugë ndryqon
ai thot ndalu
ti ne vend qendron.

Po i verdhi qe ndizet
pas ti plot hare
Të thot beju gati
radhen shpejt e ke.

E ky sy i gjelbërt
me ngjyr por si bari
të thot kalo i lirë
tani je i pari.

[vjeshta]

VALLËZOJMË ME TRI MOTRA
Vallëzojmë me tri motra
që janë mjaft të mira:
Pranvera, Vera, Vjeshta
- të trija të vyera!
Për të parën themi
ka shumë bukuri
Dalim e shëtisim
me lule e dashuri.
Edhe motra e dytë
ne na zbukuron
S'bashku me Meritën -
me diell na gëzon.
Shpeshherë kur shëtisim
mirë këndojnë bilbilat
Aromë na dhurojnë
ku çelin...trëndafilat.
Motër fort e mirë
është edhe Vjeshta
Zemrën e ka të ëmbël
... rrush ka në vreshta.
Edhe vëllai i tyre
nuk është i keq,
Emrin e ka Dimër -
... është pak kryeneç.

I.B.

[Ylli-1]

MAMI IM

1.
Mami e bukur
Shpirti im,
Shumë të dua
Dielli im.

2.
Bashkë me babin
Të pres te dera,
Kur del ti
Sikur vjen vera.

3.
Jam i vogël
S’kam fuqi,
Por kam zemër
Që t’don ty.

22.05.2004