Mos harro historinë

**Zero Cool** · 15-06-11, 15:23

Mos të harrohet historia, vuajtjet, burgosjet, maltretimet, vrasje, dhunimet dhe sakrifica e Shqiptarëve të okupuar që më në fund solli deri te gjysma e rrugës, pavarësia e Kosovës !

**Zero Cool** · 15-06-11, 15:25

tipi engjellor · 15-06-11, 20:00

fatkeqsisht i kane harruar njerzit me ato qka bejen sot.............. keto qe atyre pak njerzve akoma ju sillen ne koke keto tmerre te luftes.....

emine · 15-06-11, 20:17

emine · 15-06-11, 20:22

emine · 15-06-11, 20:26

Lapsi · 16-06-11, 14:54

mos valle keto jane njerezit e frustruar sic u quajten nga presidenti historik ???

emine · 16-06-11, 18:00

VoOoglushja · 16-06-11, 18:04

**Zero Cool** · 19-06-11, 10:53

**Zero Cool** · 19-06-11, 10:55

schütze · 24-05-13, 11:20

tema asht shum e mir,edhe vet kuptimi i kesaj teme ben thirrje ,"Mos harroni historin"
nese me te vertet nuk e harrojm historin,asht shum mir, por nese ne e para percaktojm historin, ose ja pershkruaj historin ende pa ardh koha,nuk do ishte mir
me kosov ka figura publike shum te njoftura,edhe jan njerz me historit e tyre,mendoj se qdo njeri publik ka meritat edhe te metat e veta,nese ne kujtojm vetem gjerat negative te nje personi, mundemi me fol nat e dit per mangesit e tij
e nese ne kujtojm vetem ato pozitive, prap mundemi me fol nat e dit per gjerat pozitive te nje pesoni

diku ne shkrimin e natyres kishte shkru se Dr Rugova kishte mbi 700 shqiptar ne radhet e veta.

nuk besoj qe kishte 700 mij, por te gjith shqiptaret edhe femiu qe dinte te fliste ndoshta fjalet ne te shpeshta ishin ato ne perkrahja per Dr Rugoven
mendoj se historia e Dr Rugoves ne vitet e 90ta asht nje histori krejt ndryshe nga ajo gjat luftes,edhe pas luftes

un mendoj se aj mentalitet na ka perzjelli me dekada, ata njerz qe kan udheheq para lufte,po ata te njejtin munduan te udheheqin me qdo kusht edhe gjat luftes edhe pas luftes
njejt vepruan edhe keta qe e moren ne dor gjat luftes, donin qe me qdo kusht te udheheqin edhe pas luftes,edhe dojn te udheheqin edhe sod e ksaj dite
mendua se ashtu siq ishim radhitur ne vitet e 90ta per nja qellim,pas qlirimit ne do te punoj edhe me shum edhe do te dina me qmu lirin, por per far te keq jemi zhgenjy me vet veten
un mendoj se ne historin ton,ende nuk kemi politikan qe historia do tregonte vetem ane pozitive

natyra · 23-07-13, 14:42

Citim:

un mendoj se ne historin ton,ende nuk kemi politikan qe historia do tregonte vetem ane pozitive

perkundrazi ne si shqiptar e kundershtoim ate,dhe po te jetet!Ne me shum na pelqen ana negative pavaresisht tek cili nga politikanet?

marr shembull, Dr.Rugoven ku dhe ti e nderuara schutze/kishe cekur ma larte se si dhe Femijet e kan dashur ate,madje e ter populli i Kosoves. Ne shum mire e dim si para lufte dhe pas saj Ai ka qen Politikani ma Adekuat qe ka posedua nje dukuri te rrall posti pozitivisht do them, per gjate gjitha Dekadave ne rrugen per Liri e Demokraci I njohur si President i Kosoves.

Falemnderit/Juve

Natyra.

**Zero Cool** · 30-11-13, 14:05

Dëshmitari i krimeve serbe në Kosovë: Tmerri në Rahovec

Beograd, 30.11.2013

Redaksisë së botimit elektronik e-novina i është paraqitur polici Petar Gjorgjeviq, i cili ka akuzuar pjesëtarët e MUP-it serb për krime monstruoze në Kosovë dhe pas kësaj, siç pohon, ai ka qenë viktimë e Njësisë për mbrojtjen e dëshmitarëve si dhe të Prokurorisë për krime lufte të Serbisë. Bashkëbiseduesi i e-novine tashti jeton në Lihtenshtajn me gruan dhe dy fëmijët e tij, transmeton Koha.net.

Ai thotë të jetë motivuar me dëshminë e Sllobodan Stojanoviqit, me vëmendjen e sërishme të opinionit që ka treguar interesim për rastin e tyre dhe me gënjeshtrat që me këtë rast i kanë thënë prokurori Vlladimir Vukçeviq dhe zëvendësprokurori për krime të luftës Bruno Vekariq.

“Në njësinë 37 të PJP jam nga viti 1998, nga vera kur ndodhin krimet e para të luftës. Kam qenë në të gjitha aksionet në Kosovë. Më kujtohen përleshjet në Rahovec e rrethinë, aty pati shumë vrasje, plaçkitje dhe djegie të shtëpive. Dejan Mihajlloviq-Çebe dhe Sërgjan Nikoliq-Luçica ishin bashkëpunëtorët më të afërt të komandimit Nenad Stojkoviq për të gjitha punët e fëlliqura. Vrisnin pleq, fëmijë, me urdhër të Stojkoviqit, disa edhe pa urdhër të tij.

Kur u takova një herë me prokurorin Vukçeviq, në prani të Dragoljub Stankoviqit dhe disa të tjerëve, i tregoja për vrasjet e dhjetëra civilëve për të cilat kishte dhënë urdhër, ose kishte ditur komandanti i njësisë, Radosllav Mitroviq, si dhe për disa varreza masive. Ai e lëmonte mjekrën e tij dhe më tha: “Nuk kemi mjaft mish për Mitroviqin për ta gjykuar”. Isha i shokuar me mënyrën se si ai i trajtonte civilët e vrarë shqiptarë, për të e tëra kjo ishte vetëm “mish”, thotë bashkëbiseduesi i e-novina.

Mirosllav Vidoslavljeviq-Mikica ishte një kohë komandir në stacionin policor në Leskovc. Me të isha i afërt një kohë, derisa nuk u deklarova si “tradhtar”, pastaj i ndërpremë kontaktet. Por derisa ishim të afërt, ai më tregonte se si ka transportuar kamionë me kufoma. U pamë gjatë vitit 1999 në rrethinë të Prizrenit, psikikisht e kishte lëshuar, me gjasë shkaku i asaj që kishte bërë e përjetuar. Ishte i ri, sapo kishte përfunduar Akademinë policore dhe kishte filluar të punonte. Më tregonte se urdhrat i merrte nga eprori me nofkën “Gjeneral”.

Edhe në stacion flitej për këtë, ai mburrej me këtë, por si duket në vete vështirë e përjetonte këtë. Ai në shkurt të vitit 2009, kur u arrestuan katër veta kundër të cilëve dëshmuam ne, iku në Beograd, në Xhandarmëri, ku e pranoi komandanti Bozhidar Dikiq.

HORORI NË RAHOVEC: Nga mesi i korrikut 1998, kur policia mori qytetin e Rahovecit, nëpër rrugë kam parë me qindra kufoma, që rrinin asisoj në diell disa ditë. Atëherë, një ditë punëtorët komunalë me traktorë morën kufomat dhe i larguan jashtë qytetit, në një breg të afërm, mbi lokalitetin ku jetonte shumica serbe. Aty me ditë të tëra digjej zjarri dhe shumë policë në atë zjarr ngrohnin ushqimin e konservuar, duke mos ditur që në atë zjarr janë djegur rahovecianët e vrarë që i sillnin punëtorët komunalë. Në këtë përfundim vinim në bazë të erës së rëndë e të padurueshëm që vinte nga pjesët e padjegura të trupave.

GARA NË VRASJEN E CIVILËVE: Te fshati Obrijë e Epërme, në afërsi të Prizrenit, ishte një numër i madh i civilëve, disa mijë sish. Ishim në largim e sipër kur u paraqitën dy civilë, të rinj të moshës rreth të 20-tave, dikush i kishte zënë rob, nuk ishin të armatosur. Nenad Stojkoviq i dorëzoi te Çebe, i cili i zhveshi lakuriq. Mori një thupër të hollë dhe me të sillte sa mundte. Ishin krejtësisht të përgjakur, më kujtohet që ulërinin: "Kuku, nona, kuku, nona!", dhe këtë sikur e dëgjoj ende. U përpoqa t’i them Stojkoviqit që t’i lirojë, kurse ai i aplaudoi Çebes dhe tha: "Kjo është mirë, bravo!", i cili i nxitur nga lavdërimi i komandantit i rrihte edhe më me zell. Në fund të dy i vrau me pushkë.

Në fshatin Korishë, Çebe sillte njerëz nga Prizreni. Ata i zinin Zoran Markoviq-Cecko dhe Dragan Milenkoviq-Shisharka. Drejtori i ndërmarrjes komunale quhej Jovan, ai i caktonte njerëzit, shqiptarët e arsimuar, të cilët ende fshiheshin nëpër shtëpia, nuk donin të largoheshin. Shkonin atje i arrestonin dhe i sillnin në Korishë dhe në Korishë, para të gjithëve vriteshin me plumba të pistoletës së kalibrit të vogël në lule të ballit. Këtë e bënte më së shpeshti Çebe, atë e kam parë ta ketë bërë disa herë. Vriste njerëz edhe nëpër stalla. Mburrej se disa nga ta kishin urinuar në automobil, sepse e dinin se ku po i çonte.

Atë pistoletë të kalibrit të vogël ia kishte dhënë komandanti Radosllav Mitroviq, pasi që me urdhra të tij vriste njerëz që quheshin "kapital". Kurdo që vriste dikë, Nenad Stojkoviq e lajmëronte Mitroviqin: "Kapitali shkoi në rrezitje...", që do të thoshte se ishte vrarë.

Kemi pasur vetëm dy robër nga përleshja me UÇK-në, foto i keni publikuar, ata ishin të plagosur. Ata i ka vrarë pastaj Zoran Nikoliq-Honda, unë e kam paraqitur në Prokurori, por asgjë nga kjo.

Çebe është i njohur edhe për atë se për çdo shqiptar të vrarë ka bërë një gravurë në kondakun e drurit të pushkës. Ai lavdërohej se ka 80 gravura të tilla, që do të thotë se aq njerëz ka vrarë. Unë kam parë shumë likuidime të kryera nga ai, nuk e di saktësisht sa. Njëjtë ka vepruar edhe Luçica, ata bënin gara se kush do të vrasë më shumë civilë. Por, Luçica ishte edhe më brutal, pasi Dejan Çebe vriste me armë zjarri, kurse Luçica, ta zëmë, e ka prerë një plak me motosharrë. Në Korishë, në hyrje të fshatit, në shtëpinë buzë rrugës. Për çfarë arsyeje?! Për para, për çka tjetër do të vriste.

Luçica ka vrarë edhe dy djelmosha, rrugës për në Bajgorë, kishte edhe policë të tjerë në afërsi që e kanë parë këtë, të gjitha këto ia kam përshkruar Prokurorisë, por asgjë. Ata djelmosha kishin humbur, dikush i kishte zënë rob, kurse Luçica i detyroi të ulen në gjunjë dhe së pari njërin e pastaj edhe tjetrin i vrau me plumb në ballë.

Më kujtohet edhe një vrasje që Luçica e ka kryer në fshatin Pagarushë, jo larg Rahovecit. Pas marrjes së fshatit, një grup i policëve, në mesin e të cilëve isha edhe unë, shkaku i shiut u strehua në një shitore buzë rrugës në qendër të fshatit. Papritur u paraqit një njeri me shkop në dorë dhe me plis në kokë. Ishte shqiptar në moshë mbi 80 vjeçare, shkonte qetë, me kokë të ulur. Kur kaloi afër shitores, Luçica e ngriti pushkën dhe e mori në shenjë, ne të gjithë e shikonim me habi, duke mos besuar që ai do të shtijë në plakun e paarmatosur. Por, ai e vrau me gjakftohtësi, duke shtirë në të nga një afërsi e vogël. Tërë këtë e shikonte krejtësisht i painteresuar komandiri Stojkoviq.

Për nga brutaliteti ishte i njohur edhe Kallajxhiq, emrin ia kam harruar, e quanin Kallajxhija, shofer i kamionit T110. Në fshatin e minierës Stantërg, e lidhi plakun mbi 70-vjeçar për një dru. Njërën dorë ia lidhi për kamion, tjetrën për drurin. Dhe pastaj e shqeu me kamion, njeriu vdiq në vuajtje të mëdha. Kufoma mbeti aty kurse më pas kamionët (policorë e ushtarakë) kalonin mbi atë kufomë.

PLAÇKITJET DHE DJEGIET: Plaçkitjet në Kosovë ishin të rregullta dhe sistematike. Me dhjetëra vetura ndër më modernet të vjedhura silleshin, dhe në këtë drejtim printe Vidosavljeviq. I sillte automjetet në Leskovc, një prej tyre e bleu edhe polici kolegë Zevko. Atij automjetin ia shiti Vidosavljeviqi, kurse më vonë ia kurdiste se e ka blerë dhe e ka vozitur automjetin e vjedhur, kështu që Zevko mbeti pa punë. Iu ka shitur edhe të tjerëve, automjete të sjella nga Prizreni.

Plaçkitej ari, paratë, dhe pastaj lavdëroheshin me thasët me para, sidomos Çebe. Pastaj shkonte dora tjetër, teknike, televizorët, video rekorderët, antenat satelitore, mobiliet. Prapa nesh shkonte pjesa e prapme e çetës, të gjitha i ngarkonin nëpër kamionë dhe i transportonin për në Serbi.

Edhe djegiet ishin gjë e zakonshme, vetëm arrinte urdhri “Shkrepsa” dhe kallje i tërë fshati. Ndodhte pastaj që të nisemi dhe deri në cakun tjetër të na kapte terri, ktheheshim në atë fshatin e djegur dhe – nuk kishim ku të flinim, nuk kishte mbetur asnjë shtëpi e tërë.

Isha i pranishëm në një fshat disa kilometra larg Prizrenit, afër Korishës, kur Mitroviqi i dha urdhër Nenad Stojkoviqit që të zbraznim atë fshat. Stojkoviqi urdhëroi që të gjithë të dëbohen nga shtëpitë e tyre dhe të dërgohen për në Shqipëri. Këto ishin skena rrëqethëse, kur njerëzit dilnin nga shtëpitë, bartnin fëmijët në gjoks, tërheqin prapa gjërat personale. Tmerr! Ata nuk ishin shqiptarë, mendoj se kanë qenë turq apo boshnjakë dhe pyesnin ‘përse na dërgoni për në Shqipëri, po ne nuk e dimë gjuhën shqipe!’.

Urdhrat ishin “shkrepsë”, “gomë” dhe “në rrezitje”. “Gomë” do të thoshte që fshati të shtypet dhe të mos mbetet asgjë nga ai, sikur të ishte fshirë me gomë nga toka. “Në rrezitje” donte të thoshte të vritet. Ekzistonin vetëm këta tre urdhra. Shisharka dhe të tjerët mblodhën automjetet e disa shqiptarëve dhe shkuan për në Serbi, në prag të kërshëndellave 1999.

KUNBDËR KRIMINELËVE NË MESIN TONË: Derisa po e tregoj këtë, sikur më gërryen diçka në bark, kur njeriu është në luftë, në terren, ngjarjet kalojnë si nëpër shirit filmik. Mendoni vetëm për vete, si të ruani kokën, por jo edhe për atë se çka iu ngjan të tjerëve, nuk mendon që edhe tjetri është njeri. Bën llogari vetëm si të mbijetosh, të mos vdesësh. Por, pasi shpëton, fillojnë të renditen imazhet...

Pas luftës asgjë nuk më ka interesuar një vit të plotë. Ata që kanë bërë ato krime u bënë kryesorët në stacion policor dhe filluan të sillen në mënyrë arrogante. Vidosavljeviqi, Stojkoviqi, Çebe dhe të “heronjtë e tjerë të atdheut” pas luftës u morën edhe me reketim (zhvatje) të hotelierëve dhe prodhuesve privatë të mobilieve, si dhe me biznesmenë të tjerë nëpër qytet, si dhe me vepra të tjera penale... iu shkruheshin edhe fletëparaqitje penale, qëndronin edhe në paraburgim, por në fund e tëra përfundonte me aktgjykime për lirim.

Çebe u caktua për komandim të një stacioni policor në rrethinë, edhe pse kishte vetëm shkollën e mesme, Nenad Stojkoviq, ndërkaq, nga komandanti i çetës u bë kryeshef i Drejtorisë së policisë, përkatësisht i 12 apo 13-ti njeri në Ministrinë e Punëve të Brendshme të Serbisë. Një njeri gjysmëanalfabet. Vidosavljeviqi i ndërronte automobila, xhipat për çdo ditë. Dhe ata janë kryesorët, askush asgjë nuk guxon t’iu thotë. Flisja atëbotë: "Deri kur, o njerëz, deri kur!", shumë njerëz nuk pajtoheshin, por heshtnin, sepse lehtë humbet puna në polici, shumë shpejt mund të të kurdisin çka të duan.

Me kalimin e kohës fillova të mendoj për atë se sa vite do të kishte një djalosh i ri i vrarë, a do të kishte edhe ai tash familjen e tij, fëmijët. Edhe ai është qenie e gjallë.

Kësisoj. Më duket se ky është motivi. Jam i sigurt që Serbia nuk do të lëvizë vendit deri sa në polici dhe ushtri e ku ta di unë tjetër të jenë kriminelët e tillë. Kam dashur edhe unë të jetoj më mirë, që fëmijët e mi të jetojnë normalisht, që Ratko Mladiq të mos jetë hero popullor, ta dinë se ai nuk është patriot dhe se këta vrasës, që paraqiten si “heronj të atdheut” në fakt nuk janë patriotë.

Kam menduar që sistemi mund të zgjidhë këto gjëra, që ka filluar të funksionojë, që Prokuroria për krime lufte është vërtetë prokurori, që nuk janë mbrojtës, avokatë dhe strehues të kriminelëve. Mendoja që ata i ndjekin dhe arrestojnë vrasësit për t’i sjellë para drejtësisë. Ka menduar që Njësia për mbrojtjen e dëshmitarëve është ajo që duhet të jetë, siç e thotë edhe emërtimi i saj, e jo të jetë njësi për mbrojtjen e kriminelëve.

*Petar Gjorgjeviq është pseudonimi i bashkëfolësit tonë. Identiteti i tij është i njohur për redaksinë e-novine si dhe për dëshmitarin e kaluar të mbrojtur Sllobodan Stojanoviq, që gjithashtu ka folur për e - novine. Identitetin e këtij dëshmitari të njohur e di edhe një pjesëtar i Njësisë 37 të Aradhës së Njësive Speciale të policisë serbe, i cili së shpejti do të japë internistën e tij për e-novine.

Ylli-1 · 13-12-13, 07:09

Publikuar: 22:20 / 12.12.2013

Njësiti paramilitar i Zoran Raskovicit, "Çakallët", është përgjegjës për masakrat brutale që ndodhën në Lubeniq, Pavlan, Zahaq, Qyshk – fshatra të Kosovës në zonën e Pejës.

Tash dy vjet Raskovic është duke dëshmuar në Gjykatën Speciale në Beograd një rast të krimeve të luftës, ku sipas aktakuzës, 13 anëtarë të njësitit paramilitar "Çakallët", kanë vrarë më shumë se 100 shqiptarë në vitin 1999.
Që kur ka filluar gjykimi para 2 viteve, Raskovici ka qenë nën mbrojtje konstante të policisë në Serbi, për shkak se ai ka vendosur të dëshmojë haptas, pa e fshehur fytyrën.
Si pasojë e kësaj ai ka marrë kërcënime prej ish-anëtarëve paramilitar të kësaj njësie, madje edhe prej njerëzve të policisë që ishin caktuar si roje për ta mbrojtur atë.
Ai ka vendosur të flas, sepse është i bindur që në Serbi jeta e tij nuk do të jetë shume e gjatë për shkak të kësaj dëshmie.
“Jeta në Kosovë" sjell rrëfimin se si ndodhi që një 18 vjeçar serb, që iku si refugjat nga Rijeka e Kroacisë, vjen në Kosovë në vitet '90, ku kryen shkollën e mesme në Pejë dhe shndërrohet në paramilitar, pjesë e njësitit që bën kërdi në Dukagjin gjatë viteve '98-99 dhe pastaj, më 2010 vendos të bëhet dëshmitar i krimeve makabre të luftëtarëve serbë.
Iu kanë dashur Raskovicit 14 vjet të marrë guximin të tregojë krimet e tmerrshme që i ka shkaktuar njësiti paramilitar, pjesë e të cilit ishte ai vetë.
Pas sulmit, më shumë se 400 fshatarë, duke përfshirë gra, fëmijë dhe të moshuar, lanë shtëpitë e tyre. Para luftës, Qyshku kishte rreth 2000 banorë, shumica me etni shqiptare.
Raskovic përshkruan saktë se çka ka pa atë ditë në Qyshk. Në mëngjesin e 1 prillit 1999, tanket dhe paramilitarët serb të "Çakallëve" zbarkuan në Lubeniq, duke i përzënë njerëzit prej shtëpive të tyre, duke i vjedhur këto shtëpi e pastaj duke indezur.
Shumica e grave e fëmijëve ikën në male, në drejtim të kufirit me Shqipëri. E meshkujt i grumbulluan në qendër të fshatit dhe i pushkatuan, hiq më pak se 66 prej tyre.
Në vitin 2010, prokurori serb i Krimeve të Luftës ngriti aktakuzë kundër 13 paramilitarëve: Toplica Miladinovic, Srecko Popovic, Slavisha Kastratovic, Boban Bogicevic , Radoslav Brnovic, Vidoje Koricanin, Veljko Koricanin, Abdullah Sokic, Milojko Nikolic, Sinisa Misic, Zoran Obradovic, Dejan Bulatovic dhe Ranko Momic, që, sipas aktakuzës janë përgjegjës për vrasjen e më shumë se 100 shqiptarëve në Zahaq, Pavlan, Lubenic dhe Qyshk në 1999.
Gjatë gjykimit Raskovic i identifikoi shumicën e të dyshuarve si shkaktarë të drejtpërdrejtë të masakrave. Të gjithë, përveç Toplica Miladinovicit, që ishte komandant i ushtrisë Jugosllave, akuzohen se kanë qenë pjesë e grupit paramilitar të quajtur “Çakallët”.
Hierarkia komanduese e “Çakallëve” mbetet ende çështje e hapur ngase shumica e anëtarëve të saj pohuan gjatë gjykimit se ata ishin anëtarë të ushtrisë së rregullt e jo e grupit paramilitar dhe u deklaruan të pafajshëm .
Pas nënshkrimit të marrëveshjes së Kumanovës, më 9 qershor 1999, që i dha fund luftës në Kosovë, Raskovic dhe familja e tij u arratisën për në Serbi. Pas kësaj ai u bë pjesë e disa bandave kriminale dhe pas luftës u dënua me 12 vjet burgim për plaçkitjen e një banke.
Në fillim ishte planifikuar që Raskovic të dëshmonte me emër të koduar për të fshehur identitetin e tij, por për herë të parë në historinë e gjykatave në Serbi, një dëshmitar i mbrojtur vendosi të dëshmojë publikisht dhe të “tregonte të vërtetën për tmerret në Kosovë”.
Gjatë gjyqit, ai pati kërcënime të hapura nga ish-shokët e luftës.
Sot, ai thotë se është “pa shtet”, sepse nuk ka dokumente zyrtare identiteti. Ka dorëzuar një kërkesë për lejen e njoftimit dy vjet më parë, kur ajo e fundit i kishte skaduar, por autoritetet refuzojnë t’ia japin.
Gjykimi në Serbi është afër përfundimit. /Jeta në Kosovë/
Më poshtë mund të ndiqini në video intervistën e Raskovicit, të dhënë për emisonin "Jeta në Kosovë":