Fushatë antikombëtare e grekofilve të Janullatosit

[Neferta]

Grekofilët e Korqës të mllefosur me ligjin për regjistrime




Shoqata OMONIA në Korçë paralajmëron bojkot të procesit të rregjistrimit të popullsisë. Pas kërkesës për shtyrjen e afatit të procesit të censusit të bërë nga kjo shoqatë në bashkëpunim edhe me shoqatat e minoritetetve të tjëra janë parashikuar hapa më ekstreme ai i bojkotimit të rregjistrimit të popullsisë, gjë që do të cënonte edhe procesin.
Sipas Ligoraq Karamelo anëtar i kryesisë së Shoqatës OMONIA dhe kryetar i degës së saj në Korçë sot është çuar në Gjykatën Kushtetuese një kërkesë për ta shpallur antikushtetues ligjin e parlamentit për regjistrimin e popullsisë. Në rast të mosshtyrjes së afatit të rregjistrimit me 6 muaj Karamelo ka deklaruaër bojkotimin nga minoritetet të procesit të rregjistrimit të popullsisë
Qëndrimi ekstrem i parashtruar interpretohet nga drejtuesit e shoqatës si pasojë e mungesës së klimës së përshtatshme për kryerjen e procesit të censusit në vendin tonë.
cit.imi. Klimë të posaqme ata ëndërrojnë ta bëjnë ligjin e andarvet.

[Neferta]

Thirrjet grekofile
JANINE- Në kulmin e debateve të shumta për regjistrimin ose jo të minoritetit, qyteti më i afërt i Greqisë me Shqipërinë, Janina është gdhirë mëngjesin e djeshëm me postera të shumtë, të cilët i bëjnë thirrje të gjithë Vorio-epiritëve të deklarojnë origjinën e tyre në regjistrimin e popullsisë që është duke u zhvilluar në Shqipëri.

“Vorio-epiriot deklaro origjinën tende. Deklarohu grek në regjistrimin e popullsisë në Shqipëri”. Ky është teksti i shkruar në qindra posterat e shpërndarë në të gjitha muret e Janinës. Referuar mediave të shtetit fqinj, ende nuk dihen autorët e vendosjes së këtyre posterave, të cilët bien ndesh me thirrjet dhe vendimet e marra nga OMONIA dhe PBDNJ, të cilat i janë drejtuar minoritetit grek në Shqipëri, që të refuzojnë Censusin pas sipas tyre, është një mënyrë për të zvogëluar artificialisht numrin e minoritetit në vendin tonë.

Nga ana tjetër, banorët e Janinës janë befasuar nga këto postera, pasi prej kohësh nuk ishin parë thirrje kaq të forta për “Vorio- Epirin” në këtë qytet. Posterat mësohet se janë vendosur në orët e para të ditës së djeshme, nga persona ende të panjohur, të cilët më këtë veprim kanë kërkuar që të nxisin minoritarët që jetojnë në qytetin e Janinës që të shkojnë në Shqipëri dhe t’i nënshtrohen procesit të regjistrimit.

"Gazeta Shqiptare" shkruan sot se procesi i regjistrimit vijon me ritme normale në qarkun e Gjirokastrës. Madje krejt ndryshe nga çfarë u deklarua për një bojkot të këtij procesi në zonën e minoritetit etnik grek duket se banorët e kanë mirëpritur regjistrimin, por shumë prej tyre janë konfuz për atë çka po ndodh.

[Neferta]

Hungarija ia ngreh veshin shkaut
BUDAPEST- Budapesti kërcënoi se do të tërhiqet nga mbështetja ndaj Beogradit në kërkesën për anëtarësim në Bashkimin Evropian për shkak të një ligji që thuhet se diskriminon minoritetin hungarez në Serbi, bëri të ditur agjencia e lajmeve MTI.

“Jemi plotësisht të përkushtuar për anëtarësimin në BE të Serbisë, i cili në fakt nuk është realistik nëse marrim parasysh ligjet që përfshijnë shkeljen koletive të të drejtave të njeriut”,- tha zëvendëskryeministri, Zolt Semjen.

Parlamenti i Serbisë më 26 shtator ka miratuar ligjin për kthimin e pasurisë së konfiskuar në regjimi komunist pas Luftës së Dytë Botërore. Ligji në fjalë thuhet se përjashton rreth 350 mijë hungarezët etnikë nga kompensimi duke urdhëruar që anëtarët e forcave okupuese ose trashëgimtarët e tyre nuk do të kenë të drejtën për kompensim.

Sipas zëvendëskryeministri hungarez Zolt Semjen, Budapesti zyrtar do rishqyrtojë mbështetjen për marrjen e statusit kandidat të Serbisë nëse ajo nuk ndryshon ligjin për minoritetin hungarez.

“Budapesti do të detyrohet të rishqyrtojë mbështetjen për kandidimin për anëtarësim të Serbisë në BE, nëse parlamenti serb dështon të ndryshojë pjesë të papranueshme të ligjit për dëmshpërblim në mënyrë që edhe bashkësisë hungareze t’i mundësohet kompensimi”,- nënvizoi Semjen.

[Fshatari]

Postimi origjinal është bërë nga Neferta

Grekofilët e Korqës të mllefosur me ligjin për regjistrime




Shoqata OMONIA në Korçë paralajmëron bojkot të procesit të rregjistrimit të popullsisë. Pas kërkesës për shtyrjen e afatit të procesit të censusit të bërë nga kjo shoqatë në bashkëpunim edhe me shoqatat e minoritetetve të tjëra janë parashikuar hapa më ekstreme ai i bojkotimit të rregjistrimit të popullsisë, gjë që do të cënonte edhe procesin.
Sipas Ligoraq Karamelo anëtar i kryesisë së Shoqatës OMONIA dhe kryetar i degës së saj në Korçë sot është çuar në Gjykatën Kushtetuese një kërkesë për ta shpallur antikushtetues ligjin e parlamentit për regjistrimin e popullsisë. Në rast të mosshtyrjes së afatit të rregjistrimit me 6 muaj Karamelo ka deklaruaër bojkotimin nga minoritetet të procesit të rregjistrimit të popullsisë
Qëndrimi ekstrem i parashtruar interpretohet nga drejtuesit e shoqatës si pasojë e mungesës së klimës së përshtatshme për kryerjen e procesit të censusit në vendin tonë.
cit.imi. Klimë të posaqme ata ëndërrojnë ta bëjnë ligjin e andarvet.

Janullatosi eshte mik shtepie i tropojanit75(sb=sali berisha ose shkurtim i serbi, si te doni).). sb e emnoi janullin ne krye te kishes greke per krejt shqipnine. shume t'mençum na kane dal keta fare tropojanet dhe miqe t'forte te shkaut e te grekut kishin pas qene.

[Neferta]

Karamelo i bën thirrje minoritetit të Korçës të bojkotojë censusinVEPROR HASANI Kreu i OMONIA-s numëroi shkeljet, por pa fakte. Deklarata në kundërshtim me atë të Naum Dishos

Korçë- Në të njëjtën kohë kur procesi i regjistrimit të popullsisë dhe banesave në qarkun e Korçës po shkon normalisht, madje në mënyrën më mbresëlënëse, e deklaruar kjo gjë edhe nga drejtoresha e INSTAT-it, Ines Nurja, përfaqësues të OMONIA-s në Korçë dhe të këtij qarku, nuk po arrijnë dot të dalin me një zë të vetëm, pasi e vërteta e madhe se në Korçë nuk ka minoritet grek, por vetëm një numër të vogël njerëzish, po përfshihen nga paniku, sepse tashmë po duket qartë se gjithë përpjekjet e tyre për vite të tëra me radhë dhe veçanërisht gjatë kohës së konsullit grek në Korçë, Theodhoros Ikonomu, nuk kishin qenë gjë tjetër veçse një furtunë në një gotë me ujë.

Deklarata kontradiktore

Ndërsa nga njëra anë, kreu i OMONIA-s për qarkun e Korçës, Naum Disho, deklaron se minoritarët nuk duhet ta bojkotojnë censusin, sepse sipas tij, “helenizmi po punon këtu e shumë kohë përpara për këtë moment”, pra për regjistrimin e minoritetit grek, nga ana tjetër, kreu i OMONIA-s për rrethin e Korçës, Ligoraq Karamelo, pa u harruar ende fjalët e Dishos, u bën thirrje minoritarëve të bojkotojnë procesin. Madje nuk është e sigurt, nëse Disho do të dalë ose jo të nesërmen për të kërkuar sërish mosbojkotimin. E gjitha kjo që po ndodh me krerët e OMONIA-s në Korçë i ngjason një farse. Krejt ndryshe nga Disho, Ligoraq Karamelo e zgjeroi edhe më tepër hartën e minoritarëve në qarkun e Korçës. Karamelo kërkon minoritet grek edhe në malet e Mokrës, edhe në Pogradec, edhe në Kolonjë, aty ku ushtria greke nuk la fshat pa djegur dhe fëmijë pa therur. Madje jo vetëm kaq, Karamelo përmend çdo lagje ortodokse të qytetit të Korçës, sepse me sa duket, sipas tij, çdo ortodoks në të njëjtën kohë është dhe grek, ashtu si në kohën e Bizantit. Gjithsesi, në deklaratën e tij, Karamelo tha: “Regjistrimi i popullsisë dhe banesave në qarkun e Korçës ka hyrë në rrugën e dështimit dhe komprometimit si pasojë e një morie shkeljesh, abuzimesh dhe ndërhyrjeve të politikës”.

Shkeljet e pretenduara

“Në kryeradhën e shkeljeve, tha Karamelo, qëndron mosrespektimi i parimit të vetëdeklarimit, i cili është e drejtë dhe parim themelor i respektimit të të drejtave dhe lirive të njeriut gjatë procesit të censusit. Për rrjedhojë janë evidentuar me qindra raste, në të cilat regjistruesit nuk kanë shënuar përgjigjen që kanë dhënë të anketuarit dhe aq më keq, në shumë raste, duke tejkaluar të drejtat që u jep ligji, kanë hyrë në debat me ta, kanë debatuar, kanë bërë presion për ata që kanë refuzuar që të regjistrohen”. “Një problem tjetër që është mjaft pikant, është dhe ai i konstatuar në lagjet nr. 5 dhe 11 të qytetit, ku në dhjetëra familje, regjistruesit vetëm kanë marrë emrat e personave dhe janë larguar me pretendimin se do t’i mbushin vetë ato, me pretendimin se ata mund të bëjnë gabime dhe do t’i korrigjojnë ato”, përfundoi Karamelo. Për të gjitha këto arsye, Karamelo kërkoi bojkotim të censusit. Megjithatë, ajo çka ra në sy gjatë deklaratës së Karamelos kishte të bënte me fakt, se bëri prezente shumë shkelje, por nuk mundi të sjellë dot asnjë provë për të qenë së paku i vërtetë.

[King_Gentius]

Ha ha, shkolla greqisht e ketij Karamelos ne Korce kish vec shqiptare qe donin te shkonin emigrante ne Greqi, nuk kishte "greke". Ne ato kohe ishte dhi e bute dhe neper fushata elektorale vec premtonte zhvillim e begati, nuk llomotiste pro-greqisht. Tash po i tregon bojrat sorra e zeze. Korca ka dy shekuj qe peshtyn mbi greqizmin e ktyre bukeshkelurve.

[Neferta]

Vangellos Dulis kercenon kushtetuten e shtetit Shqiptare
Kryetari i PBDNJ Vangjel Dule përforcon qëndrimin e tij kundër vendimit te gjykatës kushtetuese për heqjen e termit "kombësi" nga ligji i shërbimit te gjendjes civile. Nga Korça ku ishte ne një takim me anëtarësinë e partisë Dule e cilësoi vendimin ne shkelje me kushtetutën dhe te drejtat e njeriut. Duke deklaruar se beteja ligjore nuk ka përfunduar, kreu i PBDNJ u shpreh se do ta apeloje këtë çështje ne gjykatën e Strasburgut. Kryetari i PBDNJ ka përsëritur qëndrimin se procesi i regjistrimit te popullsisë ka dështuar. Ne te njëjetn linje ka qene edhe kreu i "Omonia" Vasil Bollano. 2 ore pas aktivitetit te Vangjel Dules, gjate një takimi me shoqatën, po nga qyteti i Korçes, Bollano deklaroi se 2012 "Omonia" do te kryeje regjistrimin e minoritetit grek ne Shqipëri. Sipas partive dhe shoqatave qe mbështesin minoritetin grek, numri i pakicave ne Shqipëri është me i larte nga ai qe deklarohet zyrtarisht.

Kryetari i PBDNJ Vangjel Dule përforcon qëndrimin e tij kundër vendimit te gjykatës

[Neferta]

Ideja megallomane greke nuke eshte e ditve tona
CIA: Greqia dhe Jugosllavia me plane per ndarjen e Shqiperisë ne vitin 1951


Një raport sekret i CIA-s, që daton më 8 prill 1951, nxjerr në pah planin e Greqisë për ndarjen e Shqipërisë mes saj dhe ish-Jugosllavisë. Ky plan, raportohet nga ambasadori i SHBA-ve në atë kohë në Beograd, sipas të cilit, një anëtar i Byrosë Politike jugosllave i kishte thënë se një propozim grek i ishte bërë Jugosllavisë në “nivelin më të lartë”, për ndarjen e mundshme të Shqipërisë midis Greqisë dhe Jugosllavisë, ku pjesa jugore do t’i kalonte Greqisë, ndërsa ajo veriore, Jugosllavisë.
Raporti
Referuar raportit të Agjencisë Inteligjente Amerikane, i cili mban nëntitullin “Propozimi grek për ndarjen e Shqipërisë”, mësohet se në një takim në 4 prill 1951 mes Ambasadorit të SHBA-ve në Beograd, Allen dhe një personi të paidentifikuar, një anëtar i Byrosë Politike jugosllave i kishte thënë këtij të fundit se një propozim grek i ishte bërë Jugosllavisë në “nivelin më të lartë”, për ndarjen e mundshme të Shqipërisë midis Greqisë dhe Jugosllavisë. Por kur Ambasadori Allen kishte shprehur mosbesimin e tij në lidhje me këtë bisedë, bashkëbiseduesi i tij iu përgjigj, se ky informacion i kish qenë besuar atij në “bisedën më të sinqertë që ai kishte pasur ndonjëherë me një zyrtar të Jugosllavisë që nga viti 1941”. Gjatë raportimit të tij, Ambasadori Allen tregon se ndoshta Kryeministri grek Venizelos kundërshtoi përçapjen e fundit diplomatike jugosllave në lidhje me rrjedhën e ngjarjeve të Greqisë në rast të një sulmi mbi Jugosllavinë, duke iu referuar të ardhmes së Shqipërisë.
Ndërkaq, në fund të këtij raporti agjentët e CIA-s, në një koment të tyre shkruajnë, se grekët kanë ushqyer tradicionalisht aspirata për Epirin e Veriut. “Është e mundur që ata u përpoqën të ftonin Jugosllavinë lidhur me një ndarje të Shqipërisë. Një sugjerim i tillë me siguri do të ngjallte më tej frikën jugosllave të ndërhyrjes së huaj në Shqipëri dhe mund pjesërisht të shpjegojë raportet e fundit në shtypin jugosllav, duke akuzuar se Greqia dhe Italia janë duke ndërhyrë në Shqipëri.”, – mbyllet raporti i CIA-s.
Arkiva e CIA-s
Në arkivat e Agjencisë Inteligjente Amerikane gjendet një numër i madh raportesh e dokumentesh, të cilat flasin për marrëdhëniet mes Shqipërisë dhe Greqisë, si dhe interesat e herëpashershme të kësaj të fundit për Epirin e Veriut. Në një dokument të 15 janarit 1953, raportohet për një takim mes Kryeministrit grek Papagos dhe atij italian, De Gaspari, ku ky i fundit i thotë homologut të tij, se Italia ka hequr dorë tashmë nga të gjitha ambiciet për Shqipërinë. Ndërkaq, Kryeministri grek siguron homologun italian, se Greqia do të ndjekë kërkesat e saj për Epirin e Veriut, vetëm nëpërmjet rrugëve diplomatike.
Në një tjetër raport sekret të datës 29 dhjetor 1955, thuhet se, “sipas zërave që qarkullojnë në Greqi, Bashkimi Sovjetik përpara zgjedhjeve të programuara për t’u mbajtur në Shkurt, do të deklarojë mbështetjen për Greqinë për sa i përket çështjes së Epirit të Veriut – tashmë pjesë e Shqipërisë”, – mbyllet raporti i CIA-s.
Biseda në Beograd më 4 prill 1951
Në një bisedë në 4 prill me Ambasadorin e SHBA-ve në Beograd, Allen, XXX ka deklaruar se një anëtar i Byrosë Politike jugosllave i kishte thënë, se një propozim grek i ishte bërë Jugosllavisë në “nivelin më të lartë” për ndarjen e mundshme të Shqipërisë midis Greqisë dhe Jugosllavisë. Kur Ambasadori Allen kishte shprehur mosbesim, XXX zbuloi se ky informacion i kish qenë besuar atij në “bisedën më të sinqertë që ai kishte pasur ndonjëherë me një zyrtar të Jugosllavisë që nga viti 1941”. Allen tregon, se ndoshta Kryeministri grek Venizelos kundërshtoi përçapjen e fundit diplomatike jugosllave në lidhje me rrjedhën e ngjarjeve të Greqisë, në rast të një sulmi mbi Jugosllavinë, duke iu referuar “të ardhmes” së Shqipërisë.
Koment: Grekët kanë ushqyer tradicionalisht aspiratat për Epirin e Veriut (Shqipëria Jugore). Është e mundur që ata u përpoqën të ftonin Jugosllavinë lidhur me një ndarje të Shqipërisë. Një sugjerim i tillë me siguri do të ngjallte më tej frikën jugosllave të ndërhyrjes së huaj në Shqipëri dhe mund pjesërisht të shpjegojë raportet e fundit në shtypin jugosllav, duke akuzuar se Greqia dhe Italia janë duke ndërhyrë në Shqipëri. /GazetaShqiptare/

[Neferta]

Athina shpërblen konsullin antishqiptar

13 Shkurt 2012

Shoqata "Rinia e Vorio Epirit" të shtunë më 11 shkurt, ishte organizatorja e një mbrëmje me rastin e Prerjes së Pites t vitit 2012 në Athinë. Spiro Ksera dhe Vangjel Dule të pranishëm në dhënien e Mirënjohjes ish-diplomatit grek që u përzu në heshtje nga Shqipëria.
Figura kryesore e kësaj mbrëmje ishte ish-konsulli grek në Korçë Theothoros Ikonomu Kamarinos i cili u vlerësua me Mirënjohje të lartë për kontributin e tij për greqizmin e Jugut të Shqipërisë.
Fjalën e hapjes të këtij aktiviteti e bëri kryetari i shoqatës "Rinia Vorio Epiriote" Theofanis Kaliviotis, i cili është nga Livadhia e Sarandës. Ndërsa nënkryetarja e kësaj shoqate Eleni Dhimu nga Saranda i dhurojë pllakën e Mirënjohjes Theothoros Ikonomu Kamarinos i cili deklarojë se do të punojë për çështjen e Vorio Epirit. Diplomati grek Ikonomu ose njeriu me Xhup kinezi siç njihet në Shqipëri për kontributin e tij antishqiptar është vlerësuar edhe nga Naum Disho, i shumë kërkuari nga drejtësia shqiptare kohët e fundit.
Gjithashtu këtë aktivitet e përshëndetën ministri i Punës dhe i Çështjeve Sociale Spiro Ksera i cili tha se duhet të jemi të bashkuar për të fituar të drejtat tona. Më tej foli Panos Panajotopulos, sekretari për politikën e jashtme të partisë Demokracia e Re e Andoni Samaras, i cili deklarojë se ministri i jashtëm grek Stavros Dhimas po bënë përpjekje që qeveria shqiptare t’iu plotësojë të gjitha të drejtat që ju takojnë.
Më tej folën kryetari i partisë minoritare MEGA, Kristaq Kiços, Kryetari i PBDNJ, Vangjel Dule, kryetari i shoqatës Vorio Epirote Harallambos Karathanos i cili në fillim të muajt mars do të jetë organizatori i manifestimit të përkujtimin të Autonomisë së Vorio Epirit, etj.
Në këto këto aktivitete janë paraparë që të krijohet një imazh i keq për Shqipërinë në prag të marrjes së ftesë, kandidat për tu anëtarësuar në BE. (Arben LLALLA)

[Neferta]

MINORITARËT EKSTREMISTË GREK ME AKTIVITETET E TYRE DUAN TË NXISIN DESTABILIZIMIN E JUGUT TË SHQIPËRISËPublikuar më 23 shkurt, 2012
Prof. Arben Llalla | Greqia edhe pse ndodhet prej disa vitesh në katastrofën ekonomike deri në një falimentim të butë si shtet strukturat shtetërore të atjeshme gjejnë fonde për të mbështetur organizatat e ndryshme për destabilizimin e Jugut të Shqipërisë, për të realizuar ëndrrën e vjetër të Autonomisë së Vorio Epirit.


Ministri Spiro Ksera me ekstremistët minoritar dhe deputetin e LAOS, Thanasis Plevris, dal më 2008. Lart kokës së Kserës është flamuri i Autonomisë së Vorio Epirit.

Misionar të ndryshëm që i përkasin minoritetit grek në Shqipëri të cilët nuk duan miqësinë greko-shqiptare dhe paqen në Ballkan të paguar fort nga Athina dhe Diaspora greke vazhdojnë misionin e priftin Kosma Etolianit dhe të Gjeorgjio Zografit.
Nxitësit kryesor të aktiviteteve antishqiptare janë Panajot Barka, profesori universitar i cli nuk po e gjen vetveten prej kaq vitesh në fushën e politikës shqiptare, Harallambos Karathanos, një politikan grek që i ndërron partitë si fëmija pelenat, Naum Disho, vllehu që mohon gjuhën e mëmës së tij, vllahishten për pak euro greke, humbësi i bashkisë së Himarës me origjinë nga Progonati, Vasilis Bollanos, Theofan Kalivioti, ministri sahan lëpirës andej dhe këtej kufirit greko-shqiptar Spiro Ksera, i cili nuk di të fshehë eurot e fituara me “djersë”, ish përkthyesi dhe shoqëruesi i Anastas Janullatosit kur shkeli përherë të parë Shqipërinë, deputeti Vangjel Dule, i cili mbahet në politikë për hatër të kryepeshkopit Janullatosit, shqiptari i greqizuar Pirro Dhima, nga varfëria ekonomike dorëzojë targat e makinës xhip dhe pritet të emigrojë në Amerikë për të mbledhur të holla në emër të shkollave greke në Himarë, por ndoshta një pjesë e mirë e këtyre lekëve të përfundojnë në xhepat e tij.
Për çdo vit shoqatat Vorio Epiriote dhe Rinia Vorio Epiriote organizojnë tubime dhe festime për Autonominë e Vorio Epirit duke shfaqur haptas qëllimet e tyre për aneksimin e Jugut të Shqipërisë. Ata si gjithnjë me të njëjtin skenar që prej shumë vitesh, i njëjti fjalim, të njëjta fytyra të ekstremistëve minoritar grek të Shqipërisë u tubuan edhe këtë herë më 19 shkurt rreth orës 11.00 në Athinë për të kryer ritet fetare dhe kombëtare në përkujtim të 98 vjetorit të shpalljes së autonomisë së Vorio Epirit të 17 shkurt 1914. Organizatorët kryesor të këtij manifestimi janë ata që kërkojnë destabilizimin e jugut të Shqipërisë si ish-kandidati për deputet i partisë Demokracia e RE dhe tashmë anëtarë i partisë ekstremiste të djathtë greke LAOS Harallambos Karathanos, i lindur në Greqi, por prindërit e tij janë me origjinë nga Dropulli, Theofan Kalivioti drejton shoqatës Rinia e Vorio Epirit dhe është nga Livadhia e Sarandës. Këta minoritar si gjithnjë çirren për Autonominë e Vorio Epirit me shpresën se Perëndia do i dëgjojë britmat e tyre dashakeqëse.
Aktiviteti fillojë me një lutje në këtë kishë, Shën Gjeorgjio Karitsi dhe me vendosjen e kurorave tek Ushtari i Panjohur, pranë godinë së Kuvendit të Greqisë ku pati edhe një mosmarrëveshje me trupat policore të cilat ishin në gatishmëri si pasojë e protestës së sindikatave në të njëjtën orë për masat e rrepta ekonomike që ka miratuar Kuvendi i Greqisë. Manifestuesit e përkujtimit të 98 vjetorit të Autonomisë u përzien me protestuesit e sindikatave.
Fjalimin qendrorë këtë herë e mbajti Dhimitris Perdhiqis, kryetar i Lëvizjes për Rilindjen e Vorio Epirit. Më tej u fol edhe për dënimin e dhënë nga Gjykata shqiptare për Naum Dishon, të cilët folësit deklaruan se është dënuar vetëm e vetëm se është grek.
Të pranishëm ishin përfaqësues të partisë Demokracia e Re, deputetja Evgjenia Çumani, nënkryetari i partisë PBDNJ Thoma Jani, anëtarë të partisë minoritare MEGA, OMONIA, përfaqësues të shoqatës Rinia Vorio Epiriotase, Theofanis Kaliviotis, Eleni Dhimu, kryetari i Lidhjes së Dropullit të Poshtëm Kostas Qiriaku etj. Pasi shprehën dhimbjen për Autonominë e Vorio Epirit, ata u bashkuan me protestën e sindikatave greke.
Në të njëjtën kohë në Athinë u mbajt një Seminari për Protokollin e Korfuzit të organizuan nga Fronti Patriotik. Qëllimi i këtij Seminari ishte për të bërë të njohur opinionit rreth Protokollit të Korfuzit. Organizatorët kanë planifikuar një sërë takimesh me organizatat ndërkombëtare dhe në veçanti me faktorin politik të Rusisë i cili ka shfaqur kohëve të fundit interes për shpalljen e Autonomisë.

[Neferta]

At Nikolla Marku. Pashkët do çlirojnë Kishën nga uzurpatorët grekë



ELBASAN - Famullitari i kishës “Shën Maria” në Elbasan, At Nikolla Marku deklaroi dje, se Festa e Pashkëve të kësaj pranvere, që përkon me 100-vjetorin e Pavarësisë së vendit tonë do e çlirojë nga e keqja e saj e përjetshme kishën Ortodokse Autoqefale Kombëtare Shqiptare.

“Ne klerikët do të lutemi që kjo festë të bëjë të mundur çlirimin njëherë e përgjithmonë të kishës Ortodokse Autoqefale Kombëtare Shqiptare nga uzurpimi i personave me shtetësi e kombësi greke. Pashkët e sivjetme do i festojmë të bashkuar për lavdinë e Zotit dhe rreth flamurit kombëtar shqiptar”,- u shpreh At Nikolla Marku gjatë një konference të dhënë për shtyp.

DEKLARATA E MARKUT
Në këtë festë Pashkësh, ne do të lutemi që Zoti të dëgjojë lutjen e popullit shqiptar, këtij populli e kombi që është gjakosur, copëtuar e shfrytëzuar ndër shekuj. Ne do të lutemi që pavarësinë e Kosovës ta njohin sa më shumë shtete. Ne do të lutemi që shqiptarëve kudo janë, t’u respektohen të drejtat e tyre. Ne do të lutemi që shqiptarët e Çamërisë të kthehen në shtëpitë e tyre në Çamëri. Ne do të lutemi që shqiptarët e Malit të Zi, të kenë sa më shumë të drejta. Ne do të lutemi për të gjithë shqiptarët që ndodhen nëpër botë, ta kenë sa më të lehtë jetën dhe mallin për atdheun. Ne do të lutemi që shqiptarët të kenë një shtet të vetëm me kufi etnik. Ne do të lutemi për shpirtin e atyre që kanë dhënë jetën ndër shekuj për lirinë, pavarësinë dhe bashkimin kombëtar e territorial, aty ku na ka vendosur i madhi Zot. Çdo shqiptar nga të gjithë trevat e Shqipërisë është i mirëpritur për festë.

FTESA
Kjo ftesë nga kleriku i mirënjohur elbasanas u është drejtuar edhe personaliteteve më të larta të fushave të ndryshme të artit, kulturës, shkencës, mediave, sporteve ku ka shqiptarë. Një ftesë nga famullitari At Nikolla Marku u është bërë edhe ambasadorëve, trupit diplomatik, si dhe rabinit të Izraelit me rezidencë në Shqipëri. “Duhet të jemi bashkë në Elbasan si të barabartë përpara Zotit, me dashuri dhe respekt për njëri-tjetrin, pasi Festa e Pashkëve në 100-vjetorin e Pavarësisë për shqiptarët do jetë shkëputja përfundimtare nga padrejtësitë e shkaktuara nga viti i mbrapshtë 1913-të, kur Shqipëria u copëtua. Këto Pashkë, do jenë ngjallja e Shpëtimtarit, ngjallja e plotë e ndjenjave kombëtare dhe e traditave e vlerave më të mira që mbart kombi shqiptar dhe gjuha shqipe”,- tha Marku. Sipas tij, kisha Ortodokse e Pavarur Shqiptare, beson se Festa e Pashkëve do të jetë Pashka më e bukur e shqiptarëve, sepse ajo është Pashka e 100-vjetorit të Pavarësisë. “Kjo festë do sjellë gëzim dhe dritë në shpirtin e çdo njeriu, do të jetë një falënderim dhe lutje tek Zoti, i cili po bën të mundur të realizohen disa nga aspiratat e shqiptarëve. Si gjithmonë, Festa e Pashkëve do të ketë fund e krye simbolet dhe aspiratat kombëtare shqiptare”,- pohoi kleriku elbasanas.

(er.nu/Gazeta Shqiptare/BalkanWeb)

[Neferta]

PDIU: Distancohuni nga prirjet e errëta

Partia Drejtësi Integrim dhe Unitet ka reagur lidhur me mbajtjen e konferencës për “Vorio Epirin” nga partia opozita greke Demokracia e Re. PDIU e ka cilësuar konferencën “manifestim të drejtpërdrejtë të pretendimeve të vjetra shoviniste territoriale të shtetit grek ndaj Republikës së Shqipërisë”.
“Në këtë konferencë janë bërë thirrje të hapura për të helenizuar territorin e Shqipërisë së jugut dhe PDIU proteston fuqishëm ndaj këtyre kërkesave grabitqare”, thuhet në reagimin e partisë çame.
PDIU ka bërë thirrje që Greqia të distancohet “nga këto prirje të errëta të shekullit të kaluar, të reflektojë dhe të angazhohet seriozisht që të zgjidhë çështjen çame duke kërkuar ndjesë për krimet e kryera dhe duke kompensuar pronarët legjitim shqiptarë”.

[Neferta]

Dënuan kreun e OMONIA, 3 gjyqtarët nuk lejohen të hyjnë në Greqi


KORCË- Dënuan kreun e OMONIA-s Naum Disho me 1 vit burg për dhunim të varreve, në Boboshticë, gjyqtarët e cështjes nuk lejohen të hyjnë në shtetin grek nëpërmjet pikës së kalimit kufitar të Kapshticës me argumentin se janë të padëshiruara për shtetin grek dhe të rrezikshme për rendin dhe sigurinë e vendit.

E para që është përballur me veprimin e paprecedentë të krijuar nga autoritetet greke ka qenë kryetarja e gjykatës së Apelit Entela Prifti. E kontaktuar në telefon nga NEWS24, gjyqtarja Prifti pohon se në datën 4 prill ka qenë duke udhëtuar me familjen e saj në shtetin helen, nëpërmjet pikës së kalimit kufitar të Kapshticës, por ka mbetur e bllokuar në shtetin grek, ndërsa i është refuzuar hyrja.

E njëjta situatë është paraqitur edhe me kolegen e saj Brunilda Mano, të cilës i është treguar një fletë dy gjuhëshe shqip-greqisht me motivin e refuzimit të hyrjes në Greqi, ndërsa i është vendosur kryqi në vendin ku citohej se personi paraqet rrezikshëmri.

Rasti më i fundit ka qenë ditën e hënë, me gjyqtaren e Faktit Afërdita Maho, e cila sëbashku me familjen ka tentuar të kalojë në shtetin grek, por edhe pse dy vajzat e saj kanë pasaportë amerikane sërish nuk janë lejuar nga doganierët grekë duke i konsideruar si persona me rrezikshmëri të lartë.

I vetmi që i ka shpëtuar këtij penalizmi ka qenë gjyqtari i Apelit Stavri Kallco, i cili duke qenë kryesues në gjykimin e cështjes kërkoi pafajësi për Naum Dishon.

[Neferta]

At Nikolla Marku: Kisha greke, repart ushtarak për të pushtuar popuj

Kisha Autoqefale Kombëtare Shqipe në Elbasan para pak kohësh ka dënuar thirrjet histerike të bëra në meshën e mbajtur në Janinë të Greqisë për çlirimin e Vorio-Epirit nga shqiptarët.

Gjatë një interviste për gazetën “Idea” prifti i kishës “Shën Mëria”, at Nikolla Marku, kërkoi një ballafaqim televiziv me peshkopin grek Anastas Janullatos.

At Nikolla kërkoi reagimin e klasës politike shqiptare që vazhdon të heshtë ndaj nëpërkëmbjes që po i bëhet shqiptarëve nga kisha greke. Kleriku u shpreh se politika e shtetit grek dhe kisha ortodokse greke janë të pandara në drejtim të qëndrimeve shoviniste të shtetit dhe kishës ortodokse shqiptare.

"Kisha Ortodokse e Elbasanit e Pavarur 'Shën Mëria' asnjëherë s’e ka njohur autoritetin e peshkopit Janullatos, i cili me pa të drejtë ka uzurpuar fronin e kishës Autoqefale Kombëtare Shqiptare. Ai nuk është një kryepeshkop, por një agjent i shërbimeve sekrete greke, shumë i pompuar nga disa dekorata të marra në disa shtete të botës. Kur vjen në Shqipëri i tregon ato dhe thotë: 'Duhet të më besoni, unë jam i caktuari i Perëndisë për grigjen shqiptare', në një kohë kur është shkelur neni i artë i kishës Ortodokse mbarëbotërore, sipas të cilës çdo kryepeshkop, peshkop dhe të gjithë ata që mirëmbajnë kishën ortodokse duhet të jenë prej gjaku gjuhe, kombësie të atij vendi ku ligjëron. Këtu duhet të jenë shqiptarët. A e meriton ai këtë post? Kur kanë kaluar 20 vite demokraci dhe rindërtim të kishës ortodokse dhe fryrja e tij si kapedan i kishës nuk ka të mbaruar unë shtroj pyetjet kush është fajtor klasa politike, populli apo shejtani?", theksoi At Nikolla.

Sipas tij, gjithmonë Greqia ka patur pretendime territoriale për Shqipërinë duke i mëshuar termit Vorio-Epir. At Nikolla vlerësoi se këto thirrje histerike që bëhen në kishën greke transformojnë mesazhin hyjnor të Zotit.

[Neferta]

Qfar i duhet politiajve Janullatosi per 100 vjetorin e pavarsise, pse nje manifestim yni te mare ere qelbesise greke.

Kleriku elbasanas, At Nikolla Marku, ka kërkuar që kryepeshkopi Janullatos të mos drejtojë meshën me rastin e 100 vjetorit të Pavarësisë së Shqipërisë në katedralen “Ngjallja e Krishtit” në Tiranë.
At Nikolla Marku tha se do i kërkojë qeverisë Berisha të përjashtojë Janullatosin nga ceremonia.
“Drejtimi i meshës nga ana e tij është një fyerje jo vetëm për besimtarët ortodoksë, por për të gjithë shqiptarët, pasi kryepeshkopi Janullatos nuk dëshiron festën e 100 vjetorit të Pavarësisë së Shqipërisë. Janullatos kërkon që Greqia të aneksojë të ashtuquajturin Vorio Epir dhe të rrëmbejë një pjesë të detit të Shqipërisë,” tha At Nikolla Marku.
“Do të ishte absurde dhe një nga vendimet më provokuese dhe më të papërgjegjshme që një kalë troje si kryepeshkopi grek, të angazhohej me bekimin e qeverisë shqiptare në ceremoni të tilla brenda familjes shqiptare. Ai nuk duhet të jetë pjesë e ceremonive të tilla, pasi ai dhe shteti i tij jo vetëm që vazhdojnë të bëjnë përpjekje për copëtimin e Shqipërisë, por janë mobilizuar së tepërmi edhe për helenizimin e kulturës tonë me të gjitha format,” vijoi At Nikolla Marku.
Ai thotë se meshën për 100 vjetorin e Pavarësisë do e organizojë Kisha Ortodokse Autoqefale e Shqipërisë