Allahu e pranon vetëm një Fe - Page 7

Makresh · 09-11-11, 20:33

Gjëja e parë që secili duhet të dijë dhe duhet të kuptojë mirë rreth Islamit është vetë domethënia e fjalës Islam. Fjala arabe "Islam" ka kuptimin e nënshtrimit ose dorëzimit të vullnetit të secilit te Zoti i vetëm i vërtetë, i njohur në arabisht si "Allah". Ai që ia nënshtron vullnetin e tij Zotit, emërtohet në arabisht me fjalën "musliman".

Islami nuk e merr emrin prej ndonjë personi ose populli, e as nuk iu vu ky emër pas njëfarë kohe prej brezave pasues, siç është rasti i Krishterimit, i cili u emërtua sipas emrit të Jezu Krishtit, Budizmi sipas Gotama Budës, Konfucianizmi sipas Konfucit, Marksizmi sipas Karl Marksit, Judaizmi sipas fisit të Judës dhe Hinduizmi sipas Hindusve.

Islami (nënshtrimi ndaj vullnetit të Zotit) është feja që iu dha Ademit, njeriut dhe Pejgamberit të parë të Zotit, dhe ishte feja e të gjithë Pejgamberëve të dërguar nga Allahu për njerëzimin. Për më tepër, emri i kësaj feje u zgjodh nga Vetë Zoti dhe është përmendur qartë në Shkrimin e fundit të Shenjtë që Ai ia shpalli njerëzimit. Në shpalljen e fundit, në Kur’an, Allahu thotë:

"Sot përsosa për ju fenë tuaj, plotësova ndaj jush dhuntinë Time, zgjodha për ju Islamin fe." (Maide, 3).

"E, kush kërkon fe tjetër përveç fesë islame, atij kurrsesi nuk i pranohet." (Ali Imran, 85).

Makresh · 09-11-11, 20:39

Meqë nënshtrimi i tërësishëm i vullnetit ndaj Zotit paraqet thelbin e adhurimit, mesazhi themelor i fesë hyjnore, Islamit, është adhurimi vetëm i Zotit. Gjithashtu kjo kërkon shmangien e adhurimit drejtuar çdo personi, vendi ose gjëje, me përjashtim të Zotit. Duke qenë se çdo gjë përveç Zotit, Krijuesi i të gjitha gjërave, është krijim i Zotit, mund të thuhet se Islami në thelb e largon njeriun nga adhurimi i krijimit dhe e fton të adhurojë vetëm Krijuesin. Ai është i vetmi që e meriton adhurimin e njeriut, sepse vetëm me vullnetin e Tij lutjet plotësohen.

Nëse një njeri i lutet pemës dhe lutjet e tij plotësohen, nuk është pema që u përgjigjet lutjeve, por Zoti, i Cili mundëson rrethanat që lutja të plotësohet. Dikush mund të thotë: "Kjo është e qartë." Megjithatë, për adhuruesin e pemëve mund të mos jetë. Ngjashëm, lutjet drejtuar Jezusit, paqja qoftë mbi të, Budës, Krishnës, Shën Kristoferit apo edhe vetë Muhammedit, paqja qoftë mbi të, nuk plotësohen nga këta, por nga Zoti. Jezusi nuk u tha pasuesve të vet që të adhuronin atë, por të adhuronin Zotin, siç tregon Kur’ani:

"Dhe kur Allahu tha: "O Isa, bir i Merjemes, a ti njerëzve u the: "Më adhuroni mua dhe nënën time dy zota pos Allahut?"

(Isai) Tha: "Larg asaj të mete je Ti (o Zoti im). Nuk më takon mua të them atë që s'është e vërtetë." (Maide, 116).

Arb · 09-11-11, 20:42

O moderatore!

Shlyeni keto copy/paste te shizofreneve fetare qe nuk dijne tjeter vec me na sjell strofa te vjeshave te tyre perrallore e mitologjike.

Mos leni asnje shenje erresire ne kete Forum.

Makresh · 09-11-11, 20:47

Citim:

Postimi origjinal është bërë nga Arb

O moderatore!

Shlyeni keto copy/paste te shizofreneve fetare qe nuk dijne tjeter vec me na sjell strofa te vjeshave te tyre perrallore e mitologjike.

Mos leni asnje shenje erresire ne kete Forum.

Po u jep urdher moderatoreve ?

Un, ende se kam plotesuar temen.

Arb · 09-11-11, 20:53

Citim:

Postimi origjinal është bërë nga Makresh

Po u jep urdher moderatoreve ?

Un, ende se kam plotesuar temen.

Femijet lexojne perralla, e makreshi me shoke, si te rritur qe jane (ne vite), lexojne perralla te rriturve.

Makresh · 09-11-11, 20:53

Jezusi nuk adhuronte vetveten, por Zotin. Dhe në Ungjij transmetohet se Jezusi ka thënë:

"Është shkruar: "Adhuro Perëndinë, Zotin tënd dhe shërbeji vetëm Atij." (Luka, 4:8).

Ky parim bazë gjendet në kapitullin hapës të Kur’anit, e njohur si Sure Fatiha, ajeti 4:

"Vetëm Ty të adhurojmë dhe vetëm te Ti kërkojmë ndihmë."(Fatiha, 4)

Po ashtu, në librin e fundit të shpalljes së Zotit, në Kur’an, Zoti thotë:

"Zoti juaj ka thënë: "Më thirrni mua, Unë ju përgjigjem."(Gafir, 60)

Makresh · 09-11-11, 20:54

Citim:

Postimi origjinal është bërë nga Arb

Femijet lexojne perralla, e makreshi me shoke, si te rritur qe jane (ne vite), lexojne perralla te rriturve.

Okey Arb, ik pra mos lexo prralla, e shko lexo libra per te rritur.

Arb · 09-11-11, 20:55

Si more ka mundesi qe Zoti juaj privat ti kete besuar ne shpalljet e tij - nje engjulli?

A provoni per ti kuptuar keto strofa dogmatizmi ndonje here?

Me kete lloj dogmatizmi ju ia keni ulur madheshtine edhe vete Zotit.

Kosova19 · 09-11-11, 20:56

O Arbi qofse nuk të pëlqen, shko në tjera kadegori se nuk ësht veq kjo.

Makresh · 09-11-11, 20:58

Ia vlen të theksohet se mesazhi bazë i Islamit (pra, adhurimi vetëm i Zotit) gjithashtu proklamon se Zoti dhe krijimi i Tij janë veçmas nga njëri-tjetri. Zoti as nuk është i barabartë me krijimin e Vet e as pjesë e tij si dhe
krijimi i Tij nuk është i barabartë me Të ose pjesë e Tij.

Kjo mund të duket e qartë, por adhurimi i krijimit në vend të Krijuesit bazohet në një masë të madhe në injorimin ose neglizhimin e këtij koncepti. Besimi se thelbi i Zotit gjendet kudo në krijimin e Tij ose se Qenia e Tij Hyjnore është ose ishte e pranishme në disa pjesë të krijimit të Tij ka justifikuar adhurimin e krijimit të Zotit dhe emërtimin e kësaj gjëje si adhurim të Zotit. Prapëseprapë, mesazhi islam, ashtu siç u përçua nga Pejgamberët e Zotit, paqja qoftë mbi ta, është që vetëm Zoti të adhurohet dhe që të shmanget adhurimi i krijimit të Tij qoftë drejtpërdrejtë, qoftë tërthorazi.

Zoti në Kur’an thotë qartë:

"Ne dërguam në çdo popull të dërguar që t'u thonë: "Adhuroni vetëm Allahun dhe largojuni djajve (adhurimit të tyre)!" (Nahl, 36).

Kur idhujtarët pyeten përse u përkulen idhujve të krijuara nga njeriu, përgjigjja e pandryshueshme është se në realitet ata nuk po adhurojnë imazhin e gurtë, por Zotin e pranishëm në të. Ata pohojnë se idhulli i gurtë shërben thjesht si qendër fokusimi për thelbin e Zotit dhe nuk është në vetvete Zot!

Ai që e ka pranuar konceptin e pranisë së Zotit së bashku me krijimin e Tij, do të jetë i detyruar ta pranojë këtë argument që i shkon për shtat idhujtarisë. Përkundrazi, ai që e kupton mesazhin bazë të Islamit dhe rrjedhojat e këtij mesazhi, nuk ka për të rënë kurrë pre e idhujtarisë, sido që të arsyetohet ajo.

Kosova19 · 09-11-11, 20:59

Citim:

Postimi origjinal është bërë nga Arb

Si more ka mundesi qe Zoti juaj privat ti kete besuar ne shpalljet e tij - nje engjulli?

?

Allahu ka dije për krijen e tijë, ma mir se vet krijesa për veten.

**GURI SYLAJ** · 09-11-11, 21:01

Citim:

Postimi origjinal është bërë nga Makresh

Nuk eshte argument ky, un te pyeta se ku e lexove qe gjaku eshte shpirti, me sjell nje burim qe ta kuptojm, qe kjo qe je duke then, nuk eshte frut i imagjinates tende.

Un s'jam duke u frigesuar aspak.

Mozes Libri i V !!

P.S

Mos harroni se te gjithe profetet lidhen me nje menyre apo tjeter me Beni Israilet ! Demek me Judet dhe historia e Profeteve ,fillim e mbarim eshte histori e Judeve ,e popullit te Izraelit!!

Arb · 09-11-11, 21:03

Citim:

Postimi origjinal është bërë nga Kosova19

Allahu ka dije për krijen e tijë, ma mir se vet krijesa për veten.

O hajt more djale merru me naj sen tjeter. Nuk jane librat e mykur fetare, libra qe i merr vesh ti.

Kosova19 · 09-11-11, 21:08

Citim:

Postimi origjinal është bërë nga Arb

O hajt more djale merru me naj sen tjeter. Nuk jane librat e mykur fetare, libra qe i merr vesh ti.

O Arbi ti merru me qka dush dhe mos u përzi për mua.

Makresh · 09-11-11, 21:08

Citim:

Postimi origjinal është bërë nga GURI SYLAJ

Mozes Libri i V !!

P.S

Mos harroni se te gjithe profetet lidhen me nje menyre apo tjeter me Beni Israilet ! Demek me Judet dhe historia e Profeteve ,fillim e mbarim eshte histori e Judeve ,e popullit te Izraelit!!

Po çka eshte ky, liber i teologjis hebreje ? Nese gjaku si shpirt ne kohen e Musës a.s. nuk shenohet ne literaturen Islame, s'ke pse e nderlidhe me Islamin kur ne fakt, s'kan kurfar lidhje. Eshte njesoj sikur t'me thuash qe *Jezusi eshte zot*, sepse keshtu shkruan ne bibel.

Nese mund te jap nje keshille, mos u fut shume ne lemin e shpirtit, se eshte tem e rend.