Barcelona

[LaCoStA]

Valdes: Messi më i miri në botë



Portieri i Barcelonës, Victor Valdes, ka lavdëruar autorin e dy golave, Lionel Messi, pas fitores 3-0 ndaj Racing Santander.

“Messi është lojtari më i mirë në botë dhe ai gjithmonë na ndihmon neve të përmirësohemi”.


“Ne luajmë vërtet mirë dhe jemi të lumtur që kemi penguar Racing Santander të krijojë shumë shanse”, ka thënë Valdes.

[AlbaSoft]

Me Barcelon s`ka loj kta ta prishin busollen te shtyn ne turbulenca .

[LaCoStA]

Abidal dëshiron të qëndrojë te Barca







Eric Abidal ka shprehur dëshirën për të qëndruar në Camp Nou dhe ka thënë se është i bindur se do të arrijë marrëveshje me drejtuesit e klubit për zgjatjen e kontratës.

“Nuk mendoj se do të ketë problem për pagën. Po, dua të qëndroj, dy vite do të ishin mirë, një plus një. Jam i sigurt se do të arrijmë marrëveshje”, ka thënë mbrojtësi për Cope.es.

Ai ka sqaruar se është në gjendje të mirë shëndetësore dhe beson se ende mund të kontribuojë te Barca.

[LaCoStA]

Messi mban kreun e Castrol Listës




Ylli i Barcelonës, Lionel Messi, mbetet në maje të renditjes Castrol EDGE Rankings pas një muaji të shkëlqyeshëm shtatori përfshirë edhe hat-trickun e shënuar kundër Osasunës.

Fituesi i Topit të Artë i vitit të kaluar është golashënuesi dhe asistuesi më i mirë në La Liga këtë sezon dhe një prej katër lojtarëve të Barcelonës që bëjnë pjesë në top 10 të Castrol EDGE Listës.

Mario Gomez ka ruajtur pozitën e dytë pasi po ashtu kaloi një shtator të shkëlqyeshëm me katër gola kundër Freiburg. Ylli i Bayern Munich është i vetmi lojtar krahas Edin Dzeko që ka shënuar katër gola në një ndeshje këtë sezon në pesë ligat më të mira evropiane.

Cristiano Ronaldo është ende në pozitën e tretë prapa Mario Gomez dhe Messi. Ylli i Real Madidit ka bërë më së shumti goditje drejt golit në LA Liga këtë sezon. Ai shoqërohet në Castrol EDGE top 10 nga bashkëlojtari Karim Benzema.

[LaCoStA]

Guardiola: Nuk do të ishim këtu pa Messin



Trajneri i Barcelonës, Pep Guardiola, ka lëvduar futbollistin më të mirë në planet, Lionel Messin për impaktin e tij në Camp Nou duke thënë se klubi katalanas nuk do të ishte aty ku është sot pa argjentinasin.

“Messi e di shumë mirë çfarë ne të gjithë mendojmë, i gjithë stafi drejtues dhe njerëzit të cilët e shikojnë, madje edhe lojtarët tjerë. Ne jemi të gjithë të ngazëllyer për atë që ai bën, ka bërë dhe do të bëjë. Dhe natyrisht, asgjë prej asaj qe kemi bërë nuk do të ishte e mundur pa të”.


“Ai është lojtar më ndryshe, statistikat e bëjnë atë më ndryshe dhe ju fiton ndeshjet në të gjitha nivelet. Nuk ka ndeshje ku ai nuk krijon raste. Nuk besoj se ka nevojë të bëhen debate për formën e tij”, tha Guardiola.

[LaCoStA]

Rikthehet Messi



Barcelona ka realizuar fitore prej 5-0 kundër Mallorcas, në një takim ku Leo Messi realizoi het-trik.

Ishte lojtari që e mban epitetin e më të mirit në botë ai qe e zhbllokoi rezultatin nga pika e bardhë (13’).


Akoma pa u mbyllur pjesa e parë, Messi realizoi dy herë (21’ dhe 30’) për ta kompletuar het-trikun e tij dhe për t’u rikthyer i pari në listën e golashënuesve në La Liga.


Joan Isaac Cuenca (50’) dhe Dani Alves (90’) shënuan dy golat tjerë.


Me tre pikët e reja, Barcelona është pozicionuar në pozitën e parë, së paku derisa Real Madridi dhe Levante të zhvillojnë ndeshjet e kësaj jave.

[LaCoStA]

Messi: Nuk isha në krizë



Sulmuesi i Barcelonës, Lionel Messi ka deklaruar për mediat spanjolle pas fitores ndaj Mallorcas ku ai shënoi hettrik se ai kurrë nuk ka qenë në krizë përkundër faktit se kaloi dy ndeshje pa shënuar.

“Ekipi luajti mirë përsëri. Ne shënuam shpejt dhe në pjesën e parë rezultati u konfirmua. Ne duhet të vazhdojmë kështu”.


“Ishte çmenduri të thuhet se isha në krizë vetëm pse nuk shënova në tri ndeshje. Unë nuk merakosem nëse shënoj apo jo, pasi ekipi duhet të fitojë”, potencoi Messi.

[LaCoStA]

Barcelona, poker me Zaragozën




Kthehet prapë Barcelona e shumë golave. Skuadra e Pep Guardiolës fiton bindshëm në Camp Nou kundër Zaragozës. Janë shtyllat e rikthyera të mbrojtjes, Pique e Puyol që kontribuojnë me nga një golk në fitoren 4:0. Messi i përhershëm dhe David Villa i shënuan të dy golat e tjerë.

[LaCoStA]

Neymar: Lojtarët e Barcës janë “jashtëtokësorë”




Neymar ka theksuar edhe një herë tjetër se Barcelona është “ekipi më i mirë në botë” dhe se lojtarët e saj janë “jashtëtokësorë”.

“Barcelona është një ekip jashtëtokësorësh. Është ekipi më i mirë në botë”, theksoi talenti brazilian në një intervistë për ‘France Football’.

Neymar sapo ka nënshkruar një kontratë të re me Santos deri në vitin 2014 dhe flet për të ardhmen e tij: “Për momentin do të qëndroj në Brazil. Në jetë duhen bërë zgjedhje dhe unë zgjodha Santosin edhe pse më vjen mirë që klube si Real Madrid dhe Barcelona janë të interesuara për mua.”

Përsa i përket Topit të Artë FIFA, Neymar u tregua i qartë duke thënë se Leo Messi e meriton ta fitojë sërish.

“Pa dyshim që duhet ta fitojë Messi! Ajo që ai bën me Barcelonën është e pabesueshme. I dyti duhet të renditet Cristiano Ronaldo, ndërsa unë jam i kënaqur që jam në këtë listë. Mjafton kaq”, tha Neymar.

[LaCoStA]

Barcelona e Camp Nout, e tmerrshme 30:0




Barcelona në terrenin vendas vërtet po shkelë çdo gjë para vetes.Kjo së paku shihet në rezultatet mahnitëse të arritura në këtë edicion.

Fitorja e kësaj xhiroje ndaj Zaragozas me rezultat 4-0, ka bërë një diferencë të paparë në terrenin vendas, duke arritur që nga të gjitha ndeshjet në Camp Nou të shënojë plot 30 gola, e duke mos e pranuar asnjë të vetëm.

Një statistikë e tillë nuk mbahet mend në historinë e klubit katalonas. E për këtë mund të krenohet më së shumti portieri Victor Valdes, sepse ende nuk arriti ti “zhgënjejë” tifozët e Barcelonës në Camp Nou, as me një gol të vetëm.

[LaCoStA]

Messi i nominuar për golin e vitit



Sulmuesi i Barcelonës, Lionel Messi është nominuar në listën e shkurtër të FIFA-s për Çmimin Ferenc Puskas që i ndahet futbollistit që realizoi golin më të mirë të vitit. st1:*{behavior:url(#ieooui) }
Argjentinasi është nominuar për golin e tij të shënuar ndaj Arsenalit në fitoren prej 3-1 në Camp Nou, që ia siguroi kualifikimin Barcelonës, e që më pas ndikoi dhe në ngritjen e trofeut.

Edhe Giovani Dos Santos, Wayne Rooney, Zlatan Ibrahimovic, ashtu si Neymar, janë nominuar për çmimin prestigjioz.

Çmimi Ferenc Puskas, i cili ka marrë emrin nga legjenda hungareze Ferenc Puskas do të ndahet më 9 janar, ndërsa së fundmi është fituar nga Hamit Altintop.

[LaCoStA]

Platini: Messi do ta fitojë sërish FIFA Topin e Artë



Presidenti i UEFA-s, Michel Platini, ka thënë se superylli i Barcelonës, Lionel Messi, do të jetë njeriu që do ta fitojë FIFA Topin e Artë edhe këtë vit.
Argjentinasi është në listën e ngushtë prej 23 lojtarësh për ta fituar çmimin prestigjioz që do të ndahet me 9 janar 2012, ndërsa Platini, i cili është i vetmi lojtar që e ka fituar tri herë radhazi Topin e Artë, beson që Messi do ta arrijë rekordin e tij.

“Besoj se Messi do ta fitojë Topin e Artë për të tretën herë radhazi. E di se rekordet bëhen për t’u thyer dhe besoj se ai do të më kalojë mua”.

“Unë arrita te Juve në moshë 27-vjeçare, ndërsa Messi ka shkuar te Barca kur ishte 13-vjeçar. Kohët kanë ndryshuar”.

“Po të isha rritur te Juventusi, do të kisha fituar edhe më shumë, mirëpo gjyshërit e mi u transferuan në Francë dhe unë nuk mund të apeloj në asnjë gjyq kundër kësaj”, ka thënë Platini.

[LaCoStA]

Barca feston në San Siro



Barcelona e ka siguruar kualifikimin nga pozita e parë në Grupin H, pasi ka triumfuar përballë Milanit me rezultat 3-2 në takimin e të mërkurës mbrëma të zhvilluar në kështjellën e kuqezinjve.

Messi e gjeti Keitan brenda gjashtëmbëdhjetëmetërshit, i cili e kaloi topin drejt Mark van Bommel, ndërsa holandezi harroi se nuk luante më për Barcelonën dhe e plasoi në portën e vet (14’).

Zlatan Ibrahimovic pranoi një top nga Clarence Seedorf dhe e mposhti Valdesin për ta nivelizuar takimin (20’).

Në minutën e 31-të u akordua penalti në favor të mysafirëve, ndërsa i saktë nga pika e bardhë ishte Lionel Messi, i cili riktheu epërsinë e vendasve.

Në minutat e mbetura të gjysmës së parë, vendasit ishin me fat që nuk pranuan gola të tjerë, pasi lojtarët e Barcës patën edhe disa raste të mira shënimi.

Në gjysmën e dytë, Kevin-Prince Boateng e shmangu në mënyrë mjeshtërore Abidalin dhe e plasoi topin në skajin e portës, për ta rikthyer ndeshjen në barazim (54’).

Leo Messi bëri një pasim të jashtëzakonshëm drejt Xavit, ndërsa spanjolli e dënoi për të tretën herë këtë mbrëmje portierin Abbiati (63’).

Në takimin tjetër të këtij grupi, Viktoria Plzeni ka fituar me rezultat minimal kundër BATE Borisovit.

Pas xhiros së pestë, Barcelona kryeson me 13 pikë dhe siguron kualifikimin nga pozita e parë, ndërsa Milani me tetë pikë është kualifikuar nga vendi i dytë.

[LaCoStA]

Messi: Kruciale fitorja ndaj Milanit



Superylli i Barcelonës, Lionel Messi ka përgëzuar bashkëlojtarët për fitoren e madhe të arritur ndaj Milanit në San Siro, e cila ia siguroi Barcës vendin e parë në Grupin H të Ligës së Kampionëve.

“Ishte një fitore kruciale pasi e bën shortin më të lehtë për fazën tjetër, që teorikisht është më mirë për ne”

“Ne e kemi dashur me çdo kusht fitoren ndaj këtij ekipi të madh dhe mendoj se ishte spektakël për fansat në stadium. Ishte ndeshje e mrekullueshme ndaj një ekipi prestigjioz. Ne jemi në pozitën e parë, gjë të cilën dhe e kemi kërkuar”, potencoi Messi.

[LaCoStA]

Barca shumë pranë Damiaos




Agjenti i sulmuesit brazilian, Leandro Damiao është takuar me presidentin e Barcelonës, Sandro Rosell.

Sulmuesi brazilian pritet të largohet nga Internacional de Porto Allegre pasi po kërkohet nga shumë skuadra të mëdha evropiane. Fillimisht Interi dhe Milani ishin favoritët për firmën e tij, por tani duket se Barcelona e ka në dorë situatën.

“Takim produktiv me presidentin e Barcelons, Sandro Rosell”, postoi agjenti Vinicius Prates në Twitterin e tij personal.