Poezi te perzgjedhura nga Linka_Pz

[Linka_pz]

QËNDRIMI

Jam shqiptar

e kosovar;

zot e krenar,

zot e bujar

mbi këtë dhé,

q'e kam si fe,

e përmbi fé:

E kam vatan!

E kam atdhe!

Që gjysh stërgjysh,

që brez pas brez,

që gjithëmonë.

Ti shqa thërret,

ti shqa bërtet,

gjer lartë në retë

se jam barbar.

Jo, s'jam

si bërtet ti,

si buçet ti,

ti, Mal i Zi.

Po vendin tim e dua,

lirinë e dua,

e s'dua

zot

mbi mua.

Se jam këtu

kur s'kish njeri,

kur s'kish kufi

as fqinjëri,

as shqa të zi.

Se jam këtu

kur Mal i Zi

ish Iliri;

kur nga një det

në tjetrin det

isha zot vetë!

Unë jam këtu

nga moti

kur vetë Zoti

e bëri fushën

fushë

e malin

mal.

Unë jam këtu

e do të jem

- dem baba dem -

sa mali të bëhet hi

e hiri mal përsëri.

Mitrush Kuteli

[Linka_pz]

Gjuha shqype

Porsi kanga e zogut t'verës,
qi vallzon n'blerim të prillit;
porsi i ambli flladi i erës,
qi lmon gjit e drandofillit;
porsi vala e bregut t'detit,
porsi gjâma e rrfès zhgjetare,
porsi ushtima e nji tërmetit,
ngjashtu â' gjuha e jonë shqyptare.
Ah! po; â' e ambël fjala e sajë,
porsi gjumi m'nji kërthi,
porsi drita plot uzdajë,
porsi gazi i pamashtri;
edhè ndihet tue kumbue;
porsi fleta e Kerubimit,
ka'i bien qiellvet tue flutrue
n't'zjarrtat valle t'ameshimit.
Pra, mallkue njai bir Shqyptari,
qi këtë gjuhë të Perëndis',
trashigim, që na la i Pari,
trashigim s'ia len ai fmis;
edhe atij iu thaftë, po, goja,
që përbuzë këtë gjuhë hyjnore;
qi n'gjuhë t'huej, kur s'asht nevoja,
flet e t'veten e lèn mbas dore.
Në gjuhë shqype nanat tona
shi prej djepit na kanë thânun,
se asht një Zot, qi do ta dona;
njatë, qi jetën na ka dhânun;
edhe shqyp na thanë se Zoti
për shqyptarë Shqypninë e fali,
se sa t'enden stina e moti,
do ta gzojn kta djalë mbas djali.
Shqyp na vete, po pik' mâ para,
n'agim t'jetës kur kemi shkue,
tue ndjekë flutra nëpër ara,
shqyp mâ s'pari kemi kndue:
kemi kndue, po armët besnike,
qi flakue kanë n'dorë t'shqyptarëvet,
kah kanë dekë kta për dhè t't'Parvet.
Në këtë gjuhë edhe njai Leka,
qi'i rruzllim mbretnin s'i a, xûni,
në këtë gjuhë edhe Kastriota
u pat folë njatyne ushtrive,
qi sa t'drisë e diellit rrota,
kanë me kênë ndera e trimnive.
Pra, shqyptarë çdo fès qi t'jini,
gegë e toskë, malci e qyteta,
gjuhën t'uej kurr mos ta lini,
mos ta lini sa t'jetë jeta,
por për tê gjithmonë punoni;
pse, sa t'mbani gjuhën t'uej,
fisi juej, vendi e zakoni
kanë me u mbajtë larg kambës s'huej,
Nper gjuhë shqype bota mbarë
ka me ju njohtë se ç'fis ju kini,
ka me ju njohtë për shqyptarë;
trimi n'za, sikurse jini.
Prandaj, pra, n'e doni fisin,
mali, bregu edhe Malcija
prej njaj goje sod t'brohrisim:
Me gjuhë t'veten rrnoftë Shqypnia!

Gjergj Fishta

[Linka_pz]

O moj Shqypni, e mjera Shqypni

O moj Shqypni, e mjera Shqypni,

Kush te ka qite me krye n'hi?

Ti ke pas qene nje zoje e rande,

Burrat e dheut te thirrshin nane.

Ke pase shume t'mira e begati,

Me varza t'bukura e me djelm t'ri,

Gja e vend shume, ara e bashtina,

Me arme te bardha, me pushke ltina,

Me burra trima, me gra te dlira;

Ti nder gjith shoqet ke qene ma e mira.

Kur kriste pushka si me shkrep moti,

Zogu i shqyptarit gjithmone i zoti

Ke qene per lufte e n'lufte ka dekun

E dhune mbrapa kurr s'i mbetun.

Kur ka lidhe besen burri i Shqypnise,

I ka Kur ka lidhe besen burri i Shqypnise,

I ka shti dridhen gjithe Rumelise;

Nder lufta t'rrebta gjithekund ka ra,

Me faqe t'bardhe gjithmone asht da.

Por sot, Shqypni, pa m'thuej si je?

Po sikur lisi i rrxuem perdhe,

Shkon bota sipri, me kambe, te shklet

E nji fjale t'ambel askush s'ta flet.

Si mal me bore, si fushe me lule

Ke pas qene veshun, sot je me crule,

E s'te ka mbetun as em'n as bese;

Vet e ke prishun per faqe t'zeze.

Shqyptar', me vllazen jeni tuj u vra,

Nder nji qind ceta jeni shpernda;

Sa thone kam fe sa thone kam din;

Njeni:" jam turk", tjetri:"latin"

Do thone: " Jam grek", "shkje"-disa tjere,

Por jemi vllazen t'gjith more t'mjere!

Priftnit e hoxhet ju kane hutue,

Per me ju damun me ju vorfnue!

Vjen njeri i huej e ju rri n'voter,

Me ju turpnue me grue e moter,

E per sa pare qi do t'fitoni,

Besen e t'pareve t'gjith e harroni,

Baheni robt e njerit t'huej,

Qi nuk ka gjuhen dhe gjakun tuej.

Qani ju shpata e ju dyfeqe,

Shqiptari u zu si zog nder leqe!

Qani ju trima bashke me ne,

Se ra Shqypnia me faqe n'dhe!

E s'i ka mbetun as buke as mish,

As zjarm ne voter, as drite, as pishe;

As gjak ne faqe, as nder nder shoke,

Por asht rrexue e bamun troke!

Mblidhniu ju varza, mblidhniu ju gra,

M'ata sy t'bukur q'dini me qa,

Eni t'vajtojme Shqypnine e mjere,

Qi mbet' e shkrete pa em'n, pa nder;

Ka mbet e veje si grue pa burre,

Ka mbet si nane, qi s'pat djale kurre!

Kujt i ban zemra m'e e lan' me deke

Ket fare trimneshe, qi sot asht meke?

Kete nane te dashtun a do ta lame,

Qi njeri i huej ta shklase me kambe?

Nuk, nuk! Kete marre askush s'e do

Kete faqe t'zeze gjithkush e dro!

Para se t'hupet keshtu Shqypnia,

Me pushke n'dore le t'dese trimnia!

Coniu, shqyptare,prej gjumit coniu,

Te gjithe si vllazen n'nji bese shterngoniu,

E mos shikoni kisha e xhamia:

Feja e shqyptarit asht shqyptaria!

Qysh prej Tivarit deri n'Preveze,

Gjithkund lshon dielli vap'edhe rreze,

Asht tok' e jona, prind na e kane lane

Kush mos na e preki, se desim t'tane

Te desim si burrat qe vdiqne motit

Edhe mos marrohna perpara zotit.

Pashko Vasa

[instruktori]

Pershendetje Linka_Pz te pershendes dhe pershendes dhe te falenderoj qe kete wikend na ke relaksue me keto Poezi.
Respekt per ju dhe pershendetje

[Linka_pz]

NATA E POETËVE

Kur heshtja mbulon çdo gjë
Kur të gjithë flenë
Zgjohen poetët
Për t’u djegur nëpër vargje

Ata ia shtrydhin
Gjakun e keq mendimit

Shpirti i tyne shesh betejash

Nga temperatura e fjalëve
Vdesin ngadalë pa klithma

[Linka_pz]

Petals
--------------
Life is a stream
On which we strew
Petal by petal the flower of our heart;
The end lost in dream,
They float past our view,
We only watch their glad, early start.

Freighted with hope,
Crimsoned with joy,
We scatter the leaves of our opening rose;
Their widening scope,
Their distant employ,
We never shall know. And the stream as it flows
Sweeps them away,
Each one is gone
Ever beyond into infinite ways.
We alone stay
While years hurry on,
The flower fared forth, though its fragrance still stays.

-- Amy Lowell --






Petalet
------------
Jeta si rreke'
mbi te cilat ne shperndame
petal pas petali lulen e zemrave bashkuar,
fundi ne enderra u humbte,
lundruan pertej aq sa ne pame
vezhgojme vec fillimin, te heret, gezueshem, shpenguar.

Ne me frike nga shpresa mbushur,
te purpurt nga gezimi,
shperdajme keto gjethe te trandafilit, papushim;
horizontet shpalosur,
i larget qellimi,
kurre s'do e dime. Dhe rrekeja tek rrjedh pa ndalim
i hedh tutje, s'mund ta ndalojme,
secila iken e zhduket krejt
larg, larg ne menyra qe askush s'i di.
vec ne mbesim, vec ne qendrojme
e kur vitet vrapojne e ecin shpejt,
Lulja vertet iku shkoi, por brishtesia i ka mbetur perseri.

-- Amy Lowel --

[Linka_pz]

ZAMBAKU MBI VARR...

Nga larg po te shkruaj,
e me mall te madh po pres.
Njehere te te shikoj,
e me pas te vdes!

Pasi te kem vdkur,
ne varreza do te jem!
Por serish ne zemren e mekur,
ty brenda do te te kem.

Ti po deshe, na ler ndonje kujtim,
qe malli te na marre te dyve.
Mbill nje Zambak mbi varrin tim,
dhe ujite me lotet e syve...

[Linka_pz]

'' ME FAL, NENA IME ''

Nena ime nene e dashur,
per ty zemra me ka plasur.
Para kohe une u plaka,
ketij kurbeti i rente flaka!

Nga ti ika u largova,
dhe gabimishte te lendova!
Por ja qe fati me denoi,
pa ty nene une te jetoj!

Ne enderr jam me ty c'do nate,
edhe pse ti ndodhesh larg.
Cfaredolloj dhimbje ma lehteson,
dora jore kur me ledhaton.

Me duket vetja si jetim,
ketu larg teje ne mergim!
Ndjenjat me jane ndryshkur nga vetmia,
e shpirtin ma braktisi lumturia!

Pa ty nene e shtrenjte,
e rende qenka kjo jete!
Mallkuar qofte ky kurbet i zi,
qe padrejtesishte me ndau nga ti!

Prej dites kur dola ne kurbet,
nje faj i rende ne shpirte me vret!
Pesha e tij po me hap plage,
qe perjete do te rrjedhin gjak!

Te lutem me fal, nena ime,
qe te lashe ne hidherime!
Me fal qe po derdh lot per mua,
dhe mos harro nene, se une shume te dua.

Te dua aq sa jeten time,
e per kete nuk kam dyshime.
Ndaj po kthehem nene tek ti,
fluturimthi porsi veri.

Pritem nene se ja po vij,
e lotet ne sy, do te ti fshij.
Do te te marr ne perqafim,
gjersa ta shuaj une kete mallin tim.....

[nait]

Vec me shpresen e agimit e gdhij naten ne mundim
Ndofta mike eren tende me e sjell era ne agim

Cudi druri i dashuris spo jep pemet qe pres un
Ndonese derdhet posi shiu mbi te lot i mallit tim

Pragun tend moj mikje ime si te e le a sme thua
Kur sme lene te largohem te degdisem ne mergim

TI me pallen moj te ndarjes seq me vrave seq me humbe
Tashti eja zemra ime falme jet pa mbarim

Se sa dite bera net ne ket enderr kaq te embel
Qe me ty moj te bej netet posi dite me shkelqim

Faj e turpe e kam ber qe sme flet me mall te faleshem
E qte bera qe kerkove te me tretesh ne largim

Dhe pse qenke e pabes per ty lutem nate e dite
Dhe pse spaske dashurin te kerkoj ne mallengjim

Sdo pushoj duke kenduar dashurin e mikes sime
Vetem vdekja do ta mbyll let goje ne shefrim

PSe kendoke ghithe jete kete keng o Sadi
Ska fund fjal e dashuris ska te shterur ky burim


SAADI SHIRIAZI

[Linka_pz]

Mire se erdhe i nderuar
Te falemnderit qe ju bashkangjite shkrimeve te mija te uroj sa me shume postime
Me nderime Linka_Pz

[Linka_pz]

BALADË QYTETSE

Mbramë
qiella dhe hyjt e vramë
një ngjarje të trishtueme panë:
Hije... jo! - por një grue
me ftyrë të zbetë edhe me sy
të zez si jeta e saj,
me buzën të vyshkuna në vaj,
me plagë në gjoks e stolisun
me veshje dhe me shpirt të grisun,
me hije grueje,
një kens këso bote,
një fantom uje
vallzonte valle në rrugë të madhe.
Dy hapa para, dy hapa mbrapa
me kambë të zbathun,
me zemër të plasun.
Dy hapa djathtas, dy hapa majtas,
me flokë të thime,
me ndjesi të ngrime.
(Dikur,
kur gjit' e saj me kreni
shpërtheheshin n'aromë,
kur ish e njomë -
atëherë e dashunojshin shum zotni.
E sot?)
Jeta e saj asht kjo vall' e çmendun
në rrugat e qytetit tonë,
një jetën e fikun, një jetë e shterun,
shpin i molisun, zemër e therun,
një za vorri, një jehonë
që vallzon natën vonë
nëpër rrugat e qytetit tonë.

[Linka_pz]

Edhe kur kujtesa

Edhe kur kujtesa ime e lodhur
Ashtu si ato tramvajet e pasmesnatës
Vetëm në stacionet kryesore do të ndalojë,
Une ty s'do të harroj.
Do të kujtoj
Mbrëmjen e heshtur, të pafund të syve të tu,
Dënesën e mbytur, rrëzuar mbi supin tim
Si një dëborë e pashkundshme.
Ndarja erdhi
Po iki larg teje...
Asgjë e jashtëzakonshme,
Veç ndonjë nate
Gishtat e dikujt do të mpleksen në flokët e tu
Me të largëtit gishtat e mi, me kilometra të gjatë...

[Linka_pz]

Në parkun që mbuluan fletët

Në parkun q'ë mbuluan fletët
Të dy ne ecim qetësisht,
Pas shijes saj ka shtruar vjeshta
Qilim të verdhë natyrisht.

Dhe ndoshta si një ëndërr e zbehtë
Ju fanit një muzg i vonë
Ky park q'ë kan' mbuluar fletët
Ku pas kaq shekujsh ti po shkon.

Nga vagabondët me cigare
Ti mos u tremb e dashur kot
Imazhin tënd as dinosaurët
Shekuj më parë s'e shtypën dot.

Që ti të vije kaq e bukur
Me këta flokë, me këtë hap
Toka të egrën klimë e zbuti
Dhe akullnajat ktheu mbrapsht.

Dhe s'kish se si të ndodhte ndryshe
Të ndodhte ndryshe s'kish se si.
U desh të zhdukeshin përbindshat
Që te kjo botë të vije ti...

[Linka_pz]

Ditet kalojne
nga mendja s'me largohesh
a thua kjo ndodh
kur vertet dashurohesh

Dua te te urrej
per c'ka ti u solle
por prap ju nuk mundem
ti tek une embelsine mbolle

Rruges kur eci
makinat veshtroj
mos ndoshta ne to
ty do te shikoj

Tek lokali yne
disa here kam kaluar
e te hyja brenda
kurre s'kam guxuar

Nuk e di , per mua
ti c'ke menduar
por nuk e di ndonjehere a do ta kuptosh
sa shume padrejtesisht me ke lenduar

[Linka_pz]

Pa ty
Mbreme me kaploi te ftohtit, perseri pa ty, pa askend
ngreva krye vetmis, e pambrojtur dhe krye ne veti,
kur do arrin fundi i ketyre netve te ftohta,
keshtu e paperkrahur
dhe me pas mu kujtua femijeria
gjithcka sa e pafajshme dhe e pastert ishte
po te dija qe kaq e veshtir do te jet ritja
kur nuk do te isha rit

Kaluan

kaluan vitet si shekuj
kaluan ditet, netet
por ti nuk erdhe
kaluan shume te panjohur,
e te njohur
te urtesis, miresis
dashuris, armiqsis
keqesis, miqesis
Kaluan dit te zise,
te merzisis,...
Kaluan net te vajit,
afshit, knaqesis,
dehuris, pagjumsis
kaluan dhembjet
genjeshtrat, mashtrimet
lindjet, vdekjet
Te gjitha keto kaluan por pa ty kaluan...

A e din
A e din se
aty ku cdo dite lindi dielli
per mua u be eresire
A e din se
aty ku filloi ahu per mua ish perendimi
aty ku ish buzqeshja
per mua ish vaji
A e din se
aty ku ish puthja
gjuha nuk ishte
aty ku ish syri
ishte loti
aty ku ishte prekja
ndjenja s'kishte
aty ku ishte trupi
akull mbreteronte
aty ku jeta vazhdonte...hija jote ishte
A e din se
aty ku isha une ti s'ishe.