Mendim Rugova martohet

[Dilaver]

Në një atmosferë plotë VIP, stema e simbole, qebapë e truproje filloi dasma e djalit të madh të Ibrahim Rugovës. Kjo dasmë përpos dhëndrit e nuses, për një natë i bashkoi edhe të armiqësuarit politikë. Ndërsa, Xeni këndoi për dasmorët.

Arben Hyseni

Prishtinë,26 maj — Nën tymin e qebapëve që kishte mbuluar oborrin e sallës sportive të shndërruar në banket, defilonin personalitet më të larta politike, kulturore dhe gjitha institucioneve tjera të Kosovës. Numri i të ftuarve kishte me gjasë kishte tejkaluar shifrën e paraparë nga organizatorët e kësaj dasme. Pritja për sistemimin e mysafirëve brenda në sallë, tregonte tollovia e krijuar e dasmorëve që prisnin në hyrje. Përreth dy orë e më shumë, gjashtë vajzat në derën e hyrjes së sallës së dasmës, nuk ndaleshin duke vënë emblemën e re të Familjes Rugova.
Kjo stemë e cila ishte shfaqur sikur të ishte e ndonjë fisniku, pak para dasmës, për herë të parë publikisht, ishte vënë në zarfet e ftesave të banketit.
Oborri dukej se ishte i rrethuar nga njerëzit e armatosur dhe ishte nën masa të rrepta të sigurisë, ku pjesëtarë të SHPK’së, KFOR’it dhe truprojave të ndryshme, ishin koncentruar të garantonin për sigurinë e shumë VIP’ve nga Kosova, Shqipëria dhe të misionit ndërkombëtarë në këtë banket.
Nga Ekipi i Unitetit, ka munguar Veton Surroi i cili është raportuar se gjendet në një vizitë zyrtare në Shqipëri. Gjithashtu edhe kryeministri i Shqipërisë Sali Berisha, kishte dërguar me postë telegramin e urimit, duke njoftuar se nuk do të arrijë në gazmendin e familjes Rugova.
Gjithashtu, Bill Klinton, Nicholas Burns dhe shumë personalitete botërore që ishin ftuar, edhe përkundër pritjeve të mëdha, asnjë prej tyre nuk ka ardhur. Megjithatë, të gjitha figurat e tjera politike vendore dhe ndërkombëtare nuk kanë mundur ta lëshojnë rastin, pa qenë pjesëmarrës në dasmën e djalit të madh të Presidentit të ndjerë, Mendim Rugovës.
Sikur në mbrëmjet e maturës edhe këtë herë para dyerve të sallës, ishin mbledhur dhjetëra qytetarë për të parë, nusen, dhëndrin dhe të ftuarit e rëndësishëm në këtë dasmë.
Ky aheng për një natë kishte bashkuar edhe dy trashëgimtarët e Presidentit Ibrahim Rugova, si pjesëtarët e LDK’së ashtu edhe ata të LDD. Fatmir Sejdiu dhe Nexhat Daci, kishin ardhur me familje dhe bashkë me të kolegët e tyre në këtë dasmë.
Mysafirë ishin duke u nis nga përfaqësuesi special për Kosovën, Joachim Rucker, udhëheqësit e KFOR`it, kryetari Fatmir Sejdiu, kryeparlamentari Berisha, kryeministri Çeku dhe shumë, personalitet tjera.
Edhe pse dukej si një sfilat e këngëtarëve dhe artistëve, kryesori ishte Shkëlzen Jetishi, i cili ishte caktuar si këngëtar i dasmës.
Banketi ka filluar rreth orës 20, në sallën “1 tetori” dhe të ftuar kanë qenë rreth 1200 persona.