"Udhëkryqet e Ballkanit" - libër për Ali Ahmetin

[AlbaSoft]

"Udhëkryqet e Ballkanit" - libër për Ali Ahmetin

Panairi i librit në Tetovë, të dielën u përmbyll me promovimin e librit më të ri të autorit nga Shqipëria, Apostoll Duka, "Udhëkryqet e Ballkanit" libër ky që i kushtohet ish-udhëheqësit të UÇK-së, liderit të BDI-së Ali Ahmeti.

"Nuk do flas si një anëtarë i BDI-së, por si një person që e ka njohur Ali Ahmetin para shumë vitesh. Desha të them se paraja dhe pushteti e shkatërrojnë njeriun. Por kjo nuk vlen në të gjithë rastet dhe një rast të këtillë e kemi te Aliu, i cili ka ngelur i njëjtë si kur është në pushtet si dhe kur ka qenë në Zvicër poashtu edhe kur ka qenë komandant i përgjithshëm", tha në fjalën e tij, Xhevat Ademi, deputet i BDI-së.

Për profesorin Azem Zogaj konkuldimet e autorit për liderin e BDI-së se ai njëherë e tronditi Maqedoninë dhe pastaj e ktheu qetësinë në brendi të shtetit janë më se të qëlluara.

Pas tij, për veprën e promovuar foli dhe gazetari dhe publicisti nga Shqipëria, Ylli Molla, i cili tha se ky libër flet vetë për jetën, personalitetin dhe veprën e kreut të UÇK-së Ali Ahmeti.

Në promovimin e librit "Udhëkryqet e Ballkanit" ishin të pranishëm funksionarë të lartë të BDI-së dhe vetë kreu i saj, Ali Ahmeti.