Shet virgjërinë për të paguar studimet

[Dilaver]

Shet virgjërinë për të paguar studimet


( 02/07/07)

Nxjerr në ankand virgjërinë për të paguar studimet e universitetit. Ngjarja e rrallë ka ndodhur në Britani, ku një studente 18-vjeçare ka vendosur të shesë “herën e parë” të saj për 10 mijë stërlina, ose rreth 15 mijë euro, pa asnjë ulje çmimi apo tratativë paraprake. Duke përdorur një emër të rremë dhe fshehtazi prindërve, vajza, që në të vërtetë quhet Carys Copestake dhe jeton në Denton, pranë Mançesterit, e ka njoftuar shitjen e pazakontë nën lajmërimin, “Virgjëria në shitje për 10.000 stërlina”, në një faqe interneti që zakonisht përdoret nga prostitutat.
Carys ka nxjerrë në një listë në internet edhe cilësitë e saj më të mira, si të ishte një profesioniste: “Mendoj se titulli shpjegon shumë, jam një studente 18-vjeçare, e virgjër, me duhet të paguaj studimet dhe dua të shes herën time të parë për ta bërë këtë gjë. Jam brune, e këndshme, me sy jeshil, trup elegant, masa e gjoksit 3.
Kurioz lidhur me propozimin e çuditshëm dhe provokues, një kronist i revistës së përjavshme, “People” iu përgjigj me kast lajmërimit të vajzës dhe më pas e publikoi të gjithë historinë në faqet e revistës, përfshirë këtu edhe rrëfimin që vajza dha gjatë bisedimeve për organizimin e shkëmbimit, në një përpjekje për të shpjeguar dhe justifikuar gjestin e saj.
“Mbaj mend që kam dashur gjithnjë që hera ime e parë të jetë shumë e veçantë, ndaj kam pritur njeriun e duhur. Nuk jam si shoqet e mia, që me zor presin ta heqin qafe këtë gjë, si të ishte një peshë. Gjithnjë kam dashur të eksploroj seksin e kundërt dhe kam dashur dikë që më ka ndihmuar ta bëj këtë. Por tani ndodhem në një situatë financiare të tillë, që e kam të vështirë të paguaj studimet dhe ndaj dua të shes virgjërinë time”, - tregon vajza.
Ajo pohon se ka pasur shumë oferta. “Shumë djem kanë kërkuar të ndihmojnë në këtë pikë, por shumë përgjigje më janë dukur kapriçoze dhe më kanë bërë të ndihem keq, ndaj i kam refuzuar të gjitha. Duke menduar se ai ishte një blerës i mundshëm, Carys ka pranuar të takojë kronistin e maskuar të “People” në një kafe të qendrës dhe sapo e ka parë dhe i ka treguar edhe patentën si dhe kartën e identitetit, i ka thënë se kishte përdorur një emër të rremë në internet, atë të Amy Collins. “Duhej të tregohesha e kujdesshme që askush të mos më njihte, sidomos mësuesit e mi”.
Vajza është regjistruar në Fakultetin e Mjekësisë, në Salford dhe deri tani me djemtë nuk ka bërë asgjë më shumë se puthjet e zakonshme, edhe pse nuk ka ndërmend të shkojë në fakultet e virgjër. Kur diskutimit me gazetarin i erdhi fundi, ai e pyeti vajzën se si do të pëlqente të paguhej dhe ajo i ka thënë se “do të ishte shumë mire me para në dorë”. Megjithatë, më pas kishte thënë se nuk e dinte se sa shumë ishin 10 mijë stërlina dhe se nuk do të donte të dilte me një shumë aq të madhe në çantë, pasi edhe mund të grabitej. Pyetjes nëse ishte një prostitutë dhe e gjithë kjo ishte një mashtrim, Carys i është përgjigjur shumë ashpër: “Nuk di si të ta provoj se jam e virgjër, duhet të më besosh dhe aq”. Më pas ajo përshkruan detajet e herës së parë: “Mund të dalim për drekë, të rehatohemi dhe më pas të shkojmë në hotel. Nuk dua të të fyej, por a nuk do të ishte mirë të përdorje prezervativ? Kjo është një gjë që më shqetëson!
Takimi është mbyllur pa asnjë rezultat, por sapo ka mbetur vetëm, Carys ka nisur të bombardojë gazetarin me mesazhe në celular. “Jam e entuziazmuar, pse nuk vjen të më marrësh në shtëpi dhe të rrimë bashkë deri në orën 6, kështu nuk duhet të gënjej prindërit. Por kur ai i ka kërkuar një ulje çmimi, ajo ka reaguar me inat: Oo, pse kërkon ulje, është e pamundur, çmimi është 10 mijë”. Takimi me gazetarin mori fund këtu, kur historia e saj u publikua në faqet e revistës, Megjithatë, ajo nuk ka dalë e humbur, e ka arritur objektivin në fakt. E pyetur nga revista “People”, ajo është përgjigjur me pak fjalë. “Kam marrë një ofertë dhe do të paguhem me para në dorë, do të ndodhë këtë të enjte!”

Gazeta shqiptare