Osam, Tete, Dheka!!

[Era1]

Fillimisht vetem per kujtese: Sipas statistikave, ne Ballkan afer 10 milion greke, qe te gjithe jetojne ne nje shtet qe quhet Greqi. Perseri sipas statistikave, ne Ballkan afer 8 milion serbe, jetojne ne nje shtet ne Serbi dhe te tjeret ne Bosnje e ne Kosove. Dhe duke vazhduar me statistikat, rreth 8 milion shqiptare qe jetojne ne Ballkan kane kete shperndarje: 3.5 milion jetojne ne nje shtet qe quhet Shqiperi, 2 milion jetojne ne nje Protektorat qe quhet Kosove, 100 mije jetojne ne nje shtet tjeter ne Serbi, 700 mije jetojne ne nje shtet tjeter ne Maqedoni, 60 mije jetojne ne nje shtet tjeter ne Mal te Zi, afer nje milion jetojne ne Greqi dhe afer 500 mije ne Itali.


Jo vetem per kujtese, por edhe analize

Dhe per tu bere me konkret, duhet thene se qytetaret greke punojne per begatine e zhvillimin e Greqise dhe te vehtes se tyre. Qytetaret serbe ne shumice derrmuese punojne per zhvillimin e Serbise dhe te vehtes se tyre. Ndersa shqiptaret jane me ndryshe; gjysma e tyre punon per Shqiperine dhe per vehten e tyre, 2 milion qe jetojne ne Kosove punojne per protektoratin e OKB, ata qe jane brenda shtetit maqedon punojne per zhvillimin e nje shteti tjeter sic eshte Maqedonia. Shqiptaret e Lugines se Presheves punojne per zhvillimin e nje shteti tjeter sic eshte Serbia. (Trojet e mija, shteti i tjetrit). Pra kemi nje thyerje, kemi te bejme me nje paradoks unikal. Duke lene jashte analizes ate qe quhet emigracion ekonomik apo diaspore, kemi te drejte te themi : Perse kjo padrejtesi ? Perse nga 8 milion shqiptare, vetem 3.5 punojne per Shqiperine, ndersa te tjeret punojne per OKB, per Serbine, per Malin e Zi, per Maqedonine ? Pyetja eshte e drejte, pergjigja ka qene dhe mbetet e padrejte.

Fuçi-baruti apo oaz mirqenie

Eshte i njohur nga ata qe merren me ballkanistiken nocioni politik Ballkani-fuci baruti. Dhe neqoftese bejme nje analize te pjesshme te shekullit qe sapo shkoi dhe ngjarjeve te tij, arrijme ne konkluzionin se nocioni «Ballkani-fuçi baruti» ka lindur nga artificialiteti I shteteve qe jane fqinje me Shqiperine. Ai ka lindur nga paradoksi I shekullit te 20-te sipas te cilit vetem kombi shqiptar ka fqinj vehten e tij. (Kosova eshte precedente thone shume syresh. Por harrojne se precedenti me i madh i kesaj bote eshte kombi shqiptar. Eshte I vetmi kombi qe ka fqinj vehten e tij. Gjejeni nje tjeter te tille). Kufijtë e Shqiperisë me shtete të tjera të Ballkanit nuk janë natyralë, janë artificialë. Ashtu si edhe teritoret e disa shteteve fqinjë nuk janë plotësisht natyralë, por kanë edhe artificialitet brenda tyre. Dhe ky artificialitet shfaqet hapur kur disa nga këto shtete kanë territore dhe popull shqiptar brenda tyre. Shikoni se cfare ndodh: Maqedonia zhvillohet me kontributin e maqedoneve, por edhe me mendjen dhe trojet e shqiptareve, sic eshte fusha e Pollogut. Greqia zhvillohet me kontributin e grekeve, por edhe me pronat e shqiptareve te Camerise. Serbia zhvillohet me kontributin e serbeve, por edhe me mendjen dhe trojet e shqiptareve. Ky eshte nje realitet, pse ta fshehim. Fshehja eshte mashtrim. Ky mashtrim zgjati afër një shekull. Nuk mund të zgjasë më, sepse edhe atë e kanë kuptuar të gjithë.



Qarjet nuk zgjidhin asgje

Shqiptarët kanë 95 vjet që shkruajnë dhe flasin se shpallja e pavarsisë së Shqipërisë Aktuale, ishte edhe tragjike, pasi la jashtë shtetit, gati gjysmën e hapsirave dhe popullit shqiptar. Qytetarë, shtetarë, gazetarë,historianë, politikanë përgjatë këtyre 95 vjetëve kanë pohuar pohimin e sipërthënë. Por edhe politikanë, qeveritarë apo gazetarë të huaj kanë qenë dakord me anën tragjike të krijimit të shtetit shqiptar. Pra kanë pranuar se veç «haxhiqamilëve» shqiptarë që ishin injorantë, kanë pasur edhe ata haxhiqamilët e tyre që nuk ishin injorantë. Haxhiqamilizimi nuk barazohet vetëm me injorancën. (Nuk është haxhiqamilizëm të kërkosh vetëm «babën», por është haxhiqamilizëm edhe kur të ndajnë nga Nëna dhe të japin me zor Vojvodën për «Burrë»). Dhe duket se bashkesia nderkombetare eshte duke rregulluar gabimet e saj. Kemi te bejme me nje Drejtesi te Vonuar. Por duhet te pohojme se ajo lypset te mos jete Drejtesi e Cunguar. Dhe per te mos qene e tille, politika shqiptare duhet te ndryshoje.Bashkesia nderkombetare, vecanerisht SHBA kerkon partnere. Politika shqiptare nuk duhet te jete pengesa krysore e kombit nga i cili ka dale. («Jo me Serbine, por me Shqiperine» do te shprehej europeisti i madh shqiptar nga Gjilani, Ramiz Cernica ne Kuvendin e Prizrenit ne vitin 1945, Kuvend qe gjoja vendosi «bashkimin» e Kosoves me Jugosllavine. «Te hapur ndaj Serbise dhe Shqiperise» shprehen disa politikane shqiptare gjoja globaliste dhe integriste ne Prishtine. Domethene qe Shqiperia na qenka e barabarte me Serbine!! Po ata vete çfare jane??! Dhe e thone kete kur SHBA pret qe te thone me shume, te pakten te thone ate qe thoshte Ramiz Cernica, ose ate qe kishte te shkruar ne betim luftetari i UCK-se.) Artificializmi në ndërtimin e shteteve është destabilizuesi më i madh jo vetëm i atij shteti, por edhe i gjithë rajonit. Ballkani eshte destabilizues sepse eshte rajon artificial. Dhe synohet akoma nga disa shtete europiane te mbahet i tille, per ta pasur Destabilizimin te Kontrolluar. Jane vetem SHBA qe fare hapur kerkojne natyralitetin e tij. Dhe natyralitet do te thote qe shqiptaret te mos jene gjysmake. Sa kohe qe shqiptaret do te vazhdojne te jene ne 5 shtete, aq kohe, Ballkani do te jete fuçi-baruti. Sepse per aq kohe, shtylla kurrizore e rajonit do te jete «e krisur» ne qendren e saj.(Osam, Dheka, 3.5 eshte nje shtylle kurrizore e krisur)


Vendi yt eshte Shqiperia

Nje pjese politikanesh shqiptare, perpiqen ta fshehin ruajtjen e artificialitetit rajonal me gjoja ekzistencen e traditave, te integrimit, statukuose etj. Sipas tyre, Maqedonia eshte edhe vendi I shqiptareve pasi atje ata kane varret e te pareve te tyre. Nuk eshte as logjike etnike dhe as historike, eshte thjesht propagandistike. Eshte per tu shtirur. Eshte fshehja e pafuqise per te bere me shume. Pse? Sepse varret nuk jane tregues se I kujt eshte vendi. Turqia nuk eshte vendi i shqiptareve megjithse ne Turqi me mijra shqiptare kane varret e te pareve te tyre. As Greqia nuk eshte vendi i shqiptareve meqe edhe ne Greqi me mijra shqiptare kane varret e te pareve te tyre. Republika e Maqedonise ka brenda teritorit te saj nje pjese te konsiderueshme teritoresh qe nuk jane maqedonase por jane shqiptare. Ato jane pjese te Shqiperise Natyrale, qe per njemije e nje arsye i jane shkeputur asaj.(Atdheu i Mehmet Pashe Derralles nga Tetova ishte Shqiperia, ai ishte minister i qeverise se pare te Ismail Bej Vlores. A ka sens qe gjoja ne emer te globalizmit ti thuash kujtimit te atij apo sterniperve te tij se atdheu i Deralles eshte Maqedonia ?) Lypset te mesohet nga kryeministri grek Karamanlis qe ne mes te Keshillit te Europes, deklaroi perpara Mitreves se : «Une Konstantin Karamanlis jam maqedonas dhe bashke me mua jane te tille edhe 2.5 milion greke te Maqedonise se Egjeut». Pra ai synoi tu mohoje maqedoneve jo vetem emrin, por edhe kombesine dhe askush nuk i tha asgje.
Ndersa interacionalistet tane kane frike te kerkojne edhe emrin e tyre !!



Integrimi europian kalon nga bashkimi i shqiptareve

Sa kohe qe shqiptaret ne rajon do te jene ne gjendjen e sotme, aq kohe rajoni do te jete i pastabilizuar. Por per kete pergjegjesia nuk do te jete e tyre. Ndersa Shqiperia do te jete e pazhvilluar dhe per kete pazhvillim te saj, lypset qe pergjegjesia te kerkohet tek vehtja. Zhvillim do te thote bashkim. Gjendja sotme me raportin 8 milion serbe ne nje shtet, 10 milion greke ne nje shtet dhe vetem 3.5 milion shqiptare ne nje shtet, ka dhe do te kete destabilizim, ka dhe do te kete moszhvillim te shqiptareve. Integrimi europian kalon nga bashkimi. Askush nuk mund tu thote shqiptareve pse kerkojne te drejten e tyre, pse kerkojne zhvillimin e tyre.

Nga Koco Danaj