Leter publike kryetarit të AKR-se Behgjet Pacollit

[GjIlAnAsI_cSi]

Leter publike kryetarit te AKR-se Behgjet Pacollit

Ate ditë kur ishit me stafin e partisë suaj për të na ngushelluar për
vrasjen e kurdisur pas shpine të djalit tonë Triumf Riza, ju na e lat edhe
një pliko me 500 euro. Meqe ishit në shtëpine time, ku ishin edhe shumë
njerez të tjerë që kishin ardhur për te me i shprehur dhembjet, e përmbajta
veten dhe nuk veprova në kundershtim me shpirtin dhe dinjitetin shqiptar. E
kisha të qarte dhe e kontrolloja veten se nuk ben të bie ne nivelin e ulet,
madje në nivelin tend. Falë disa të tjerëve nga kryesia e AKR-se dhe moralit
e zakoneve tona kam arritur ta permbaj veten në rastet me të veshtira. Unë
si baba dhe tere familja ime gjithë jeten jemi perpjekur të jetojme me ndere
me djersen tonë. Hipokrizine dhe moralin e dyfishtë kurrë se kam mund të i
duroj. Ti zoteri Behgjet Pacolli në njerën anë ben alleshvereshe me
kriminelin ordiner Enver Sekiraqa, e në anen tjetër vjen e me ngushellon e
me perqafon, është hipokrizi e turp nacional. Familja ime ka njohuri të
mjaftueshme se ti me Rrahim e Selim Pacollin keni lidhje të drejtperdrejte
me kriminelet me mbiemrin sllav Sekiraqa, perkatesisht me krimin e
organizuar. Gazeta jote "Lajm" e ka mbrojtur dhe po vazhdon të i mbrojë
kriminelët. Kjo u pa edhe me mosraportimin dhe fyerjen e rëndë që i bëtë
birit tim të ndjerë, i cili ra pre i krimineleve që i financon kompania
jote. Ky është emoralie juaj! Mjafton të lexohet letra e dy gazetareve Faton
Osmani e Altin Ahmeti ne Koha Ditore për të parë se deri në shkalle bie
raca juaj. Po fitoi partia jote me politiken e sadakase mashtruese tenden,
mjere shqiptaria dhe mjerë demokracia. Parat e tua të pista janë zjarr për
mua e familjen tonë. Kemi dhimbje të madhe dhe na le të qetë. Parate e pista
te i kam lënë në SHPK, prandaj shko dhe merri.



Shefqet Riza, babai i te ndjerit Triumf Riza
Prishtine, 17 shtator 2007