Boksieri ukrainas sfidon shqiptarin

[Fokus]

Krasniqi Dimitrinenko




Boksieri ukrainas sfidon shqiptarin Dimitrenko: Ta mund Luan Krasniqin
edhe për të promovuar Serbinë

Kundërshtari i ardhshëm i Luan Krasniqit, ukrainasi Aleksander Dimitrenko, dëshiron që në të ardhmen të përfaqësojë Serbinë në boksin profesionist. Këtë e ka bërë të ditur vetë Dimitrenko në një intervistë dhënë të përditshmes
serbe “Sport”. Sipas kësaj gazete, 25-vjeçari Dimitrenko ka paraqitur kërkesë për marrjen e pasaportës serbe. Do të jetë boksieri kosovar me shtetësi gjermane, Luan Krasniqi, ai që do të boksojë kundër Aleksander Dimitrenkos, më 8 mars në “Porsche Arena” të Shtutgartit. Kjo sfidë do të jetë e vlefshme për titullin e kampionit të Evropës në kategorinë e rëndë që është vakant
dhe për titullin WBO Intercontinental. Aktualisht kampion në WBO Intercontinental është Dimitrenko. “Dua të përfaqësoj Serbinë në të ardhmen, pasi dëshiroj që ky vend të bëhet i famshëm. Më duket jonormale që një vend me kaq shumë talente nuk ka pasur asnjëherë kampion bote në boksin profesionist. Dëshiroj që të luftoj për një pamje më të mirë të Serbisë në botë. Ky vend i mrekullueshëm dhe populli i tij e meriton këtë. Për mua Ukraina, Rusia dhe Serbia janë si një shtet i vetëm.Jam lodhur me trajtimin e keq
që i bëhet Serbisë në media.Do të mundohem ta ndryshoj këtë, madje nëse fitoj ndeshjen e radhës (kundër Krasniqit) suksesi do të jetë edhe për serbët”, ka thënë Dimitrenko. Arsyeja e afërsisë së Dimitrenkos me Serbinë është bashkëshortja e tij, Vanja Dobriç, e cila është serbe nga Novi Varoshi.
--------------------------------------------

DEKLARATA E KRASNIQIT

“Dua të tregoj se akoma mund të llogaritet në mua. Dhe do të shfrytëzoj këtë shans për të fituar edhe një herë rastin për një ndeshje për titullin botëror. Për mua ka qenë e qartë se nëse dëshiroj që të mbetem lart duhet të boksoj me dikë që është në mesin e 5 boksierëve më të mirë”, ka deklaruar Krasniqi.


info:gazeta Panorama