Pse ne FSK u pranuan njerez qe sjan per kete Forc dhe ne shumic vetem nga Drenica

[Dardani_K1]

Pse ne FSK u pranuan vetem njerez nga Drenica ne shumic te themi nga Llapi pak ose te themi hiq qka ashte ty u zie ne kete kazan jane pranue njerez qe sdin thuaja as shkrim e Lexim sa oficeri ashte qe ka pregatitje ne akademit ushtarake e nuk u pranuan pse Sulejman Selimi te behet Komandant i FSK-s kur as haberin sja ka sesi komandohet nje ushtri qfar dobije ka ushtrija e Kosoves nga nje Komandant qe as harten sdin me e lexue dhe sdin me ti dallue armet moderne dhe ato Klasike qka ashte kjo pune ja nje artikull e lexojeni dhe shiheni qka po thojn.



Komunikatë e ish pjesëtarëve të TMK-së të Zonës së Pestë Mbrojtëse Shkruar nga ish pjesëtarëve të TMK-së të Zonës së Pestë Mbrojtëse Wednesday, 04 February 2009 Ish-pjesëtarët e TMK-së të Zonës së Pestë Mbrojtëse të pakënaqur me rrjedhat e seleksionimit për anëtarë të FSK-së, nëpërmes një komunikate flasin për shkeljet e shumta që janë bërë në këtë drejtim. Duke parë gjendjen e krijuar pas përzgjedhjes së pjesëtarëve të TMK-së në FSK nga Zona e Pestë Mbrojtëse konsideron se opinionet e komandantit dhe zëdhënësit të FSK-së,Sylejman Selimi e Enver Dugolli se djemtë më të mirë janë brenda FSK-së, janë të paqëndrueshme.
Njoftojmë opinionin e gjerë llapjanë me shkeljet që janë bërë.
Shkelje e parë është mos hyrja në testim e eprorëve me grada të larta, si gjeneralë dhe kolonelë.
Rregullimi i pozicioneve brenda FSK-së me njerëz të vetë në SHP si dhe rajoneve nga vijnë ata. Nga gjashtë zona mbrojtëse janë pranuar vetëm 700 pjesëtarë dhe vetëm nga njësitë pranë shtabeve janë pranuar 700. Shkelje e dytë është pranimi i njerëzve me shkallë invaliditeti nga 40 - 80 për qind edhe pse nga stafi i TMK-së dhe gjeneral Rrahman Rama është thënë se do të pranohen më të aftit, por ka ndodh e kundërta. Për shembull pjesëtarë me një gisht, me dokumente, se duhen të lëvizin me përcjellës, me të meta psikike janë pranuar në FSK. Është kërkuar të maltretohen nëpër trajnime nënçmuese në Vushtrri nga 6 - 9 javë.
Shkelja e tretë ka të bëjë me shkollimin ku si thuhet jashtë Zonës së Pestë Mbrojtëse janë mbetur ekonomistë të diplomuar, jurist, historianë, eprorë me akademi ushtarake ,veteranë që kanë marr pjesë edhe në luftën në Kroaci, pjesëtarë të orëve të para ata të gueriles që janë të kyçur që nga viti 1995 më shumë se 80 eprorë të tillë me gradat nga nënkoloneli deri te togeri, doktor me specializim, ndërkohë që pranohen infermiere. Në FSK ka pjesëtarë me shkollë fillore, ka edhe të tillë që nuk dinë shkrim-lexim e që për hir të ruajtës së dinjitetit të tyre emrat nuk po ua përmendim.
Në FSK në një vend kyç, si është zyra për integrime Veriaatlantike është personi me shkollë të mesme.
Shkelja e katërt është tek trajnimet, që janë bërë në KFOR ku shumica e pjesëtarëve janë të certifikuar dhe i kanë certifikatat që kanë përfunduar trajnimet me sukses dhe nuk janë marr për bazë nga KFOR-i sikur këto certifikata të ishin lëshuar nga Pakti i Varshavës e jo nga NATO.
Shkelja e pestë ka të bëjë me moshën, ku nga 160 pjesëtarë të ZPM që janë mbetur jashtë FSK-së mbi 80 për qind janë nënë moshën 40 vjeçare. Në radhët e FSK-së ka pjesëtarë mbi 45 e 50 vjeçar.
Shkelja e gjashtë është bërë te gradat, ku përpos degradimeve të njerëzve në FSK ka edhe gradime nga kapiteni në nënkolonel, për të arritura shkencore sigurisht të mbrojtur nga gjeneral Selimi dhe Rama, po ashtu nga roja në major etj.
Shkelja e shtatë është e drejta e ankesës ku në zarfet e marra nga pjesëtarët e TMK-së ju shkruan" "me keqardhje, nuk jeni pranuar në FSK, jetë të mirë, nuk ke të drejtë ankese apo gjykimi si thonë ata".
Sa është e drejtë kjo kur edhe kriminelëve që vrasin mbi 100 veta ju mundësohet ankesa brenda 15 ditësh, ndërsa ata duke ditur gabimet që kanë ndërsa iu ndalojnë pjesëtarëve të TMK-së që të dinë arsyen për mospranim.
Shkelja e tetë ka të bëjë me transparencën që para zgjedhjes dhe gjatë tërë procesit të shumëpritur nga ne thonë se ka munguar transparenca ku më shumë kemi pasur rast të mësojmë nga mediet se nga stafet tona udhëheqëse.
Ndërsa ish pjesëtarët e TMK-së të Zonës së Pestë Mbrojtëse si shkelje fundamentale konsiderojnë duke thënë se të gjithë e deshëm FSK ku për këtë ditë shumë pjesëtarë kanë luftuar dhe është derdhur gjak për këtë ditë.
Nga Shala e Bajgorës e deri në Shqipëri këmbë kemi udhëtuar për të sjell armët për këtë qëllim dhe pikërisht shumë djem që morën këtë udhë janë jashtë FSK-së. Kjo është shkelje e dinjitetit të tyre, familjeve të tyre si dhe rajonit të Llapit.
Zotërinj, mos u fshihni pas KFOR-it, dilni dhe shpjegojani popullit të Kosovës pse ky degradim i njerëzve të luftës, pse ju shuat ëndrrat shumë pjesëtarëve të TMK-së me paaftësinë tuaj për udhëheqje dhe pse lejuat që FSK-ja të startojë me imazh të zbehtë. Sugjerimi i jonë është, largohuni para se t'ju largojmë. Keni shkelur mbi ëndrrat tona 100 vjeçare për ndërtimin e shtetit dhe ushtrisë së saj. Largohuni bashkë me stafin tuaj, ju pret Dubrava!