Rusi, bredhi rrite ne mushkrin e 28 vjecarit

[Scooby-Doo]

Një zbulim i rrallë i bërë në Rusi ka shtangur gjithë botën, pasi lajmi tashmë është në krye të të gjitha medieve botërore. Bëhet fjalë për një 28 vjeçar të quajtur Artyom Sidorkin, i cili vuante nga një sëmundje në mushkëri, për të cilën mjeket mendonin se ishte tumor.

Por, i riu nga qyteza Izhevsk nuk vuante aspak nga kanceri. Pasi iu nënshtrua kontrollit me rreze X, ai kreu një operacion, por në momentin që mjekët kanë parë mushkërinë e tij, ngelën të shtangur. Në mushkëri vunë re një bredh të vogël 5 cm që po rritej në organin e 28 vjeçarit.
"Kur e operova vura re disa hala. Ngela i shtangur pasi nuk e kisha idenë për çfarë bëhej fjalë", rrëfen mjeku që kreu operacionin, Vladimir Kamashev. Mini-pema u hoq menjëherë dhe u dërgua në laborator për t'iu nënshtruar analizave të hollësishme, pasi është shumë e çuditshme që ajo ka arritur të rritet në mushkëri. Mjekët mendojnë se i riu ka gëlltitur një halë, e cila më pas është zhvilluar në brendësi të trupit të tij.
Por, nga ana tjetër, biologët e hedhin poshtë këtë hipotezë, pasi sipas tyre, një gjë e tillë është e pamundur. "Është absolutisht e pamundur që një rrënjë të rritet brenda një trupi njerëzor. Rrënjët kanë nevojë për ujë, temperaturë të caktuar, por mbi të gjitha kanë nevojë për dritë", thekson profesorja e biologjisë në Universitetin e Uraleve, Olga Baranova