Qëllohet patrulla e policisë kufitare në Bellanoc

[AlbaSoft]

Tani për tani persona të panjohur mbrëmë rreth orës 22 e 35 minuta kanë qëlluar me armë automatike mbi një patrullë etnikisht të përzierë të policisë kufitare në afërsi të fshatit Bellanoc të komunës së Likovës, në një largësi prej një e gjysmë kilometrash nga kufiri maqedonaso-kosovar.
Në incident nuk ka të plagosur. Është shkaktuar dëm i vogël material në automjetin e patrullës kufitare. Sulmuesit pas incidentit janë larguar në drejtim të panjohur, njoftoi MPB-ja.
Policia e Kumanovës sot në mëngjes bëri ekspertizën në vendin e ngjarjes të cilën e drejtonte gjykatësi hetues i Gjykatës Themelore të Kumanovës dhe zëvendësprokurori publik i Prokurorisë themelore publike. Janë ndërmarrë masa për identifikimin e autorëve dhe për dokumentimin e rastit. /mia/