Islamit i duhet një revolucion seksual

[Lapsi]

Ju folët më parë për pasionin që i përfshin të rinjtë. Nëse mendoni se është një pasion kaq i madh, si shpjegohet që ai nuk del mbi fenë?

Forcat konservatore kanë një pushtet shumë të madh politik në vendet islame. Ato kanë pushtet dhe kontrollojnë gjysmën e popullsisë, pra gratë. Këtë e bëjnë përmes përhapjes së frikës dhe dhunës. Shndërrimi i seksit në tabu u ka mundësuar izolimin nga Perëndimi, që sigurisht sipas tyre është një monstër dhe fajësohet për të gjitha gjërat e këqija të kësaj bote. Feja, sipas tyre, ndihmon popujt islamë që të mos pushtohen nga perëndimorët dhe se ajo është më e mira dhe më e vërteta. Ky mentalitet i bën krejt të verbër edhe ndaj gabimeve të tyre.

A është Perëndimi një model i vlefshëm për revolucionin seksual që ju kërkoni?

Ne kemi arritur një seksualitet vetëvendosës në Perëndim, çka unë do të doja që të arrihej edhe nga vende të tjera të botës. Sigurisht që ka shumë eksese: pornografia e të miturve, prostitucioni, seksualiteti i hershëm dhe i zbrazur nga emocionet. Nuk them se gjërat këtu te ne funksionojnë në mënyrë perfekte. Unë besoj se myslimanët duhet të marrin shembull nga Perëndimi.

Muhameti kishte shumë gra. A mund të quhet ai një rol model?

Kur një arab kërkon një justifikim për të pasur disa gra, ai thotë gjithmonë: Edeh Muhameti ka bërë kështu.

Ju bëni thirrje për revolucion, por a nuk kërkon kjo shumë kohë?
Shikoni për shembull kryengritjen e studentëve këtu në Gjermani. Ndodhi diçka dhe befas të rinjtë dolën në rrugë. Pamë të njëjtën gjë edhe në Iran pas zgjedhjeve: të rinjtë ishin përgatitur për protestë. Ne tani e kemi këtë mundësi, sepse uji po zien.

A besoni në Zot?

Po, sigurisht që besoj në Zot.

A agjëroni gjatë Ramazanit?

Jo.

A faleni pesë herë në ditë?

Lutem, por jo pesë herë në ditë

A shkoni në xhami?

Nuk shkoj në xhami, sepse nuk ka xhami që të më ketë bërë për vete deri më tani. Një nga idetë e mia të fundit është që të ngre një xhami të lirë dhe progresive.

Me një imam femër?

Pikërisht dhe me një hyrje të lirë për të gjithë, meshkuj dhe femra. I duhet dhënë fund konservatorizmit të myslimanëve që e duan fenë vetëm për një grup specifik njerëzish, jo për të gjithë. Ne myslimanët liberalë nuk duam dasi mes shiitëve, sunitëve apo alavitëve. Ne duam që të marrim pjesë së bashku në interpretimin e islamit.

Si ndihet Zoti yt për seksin?

Zoti im është shumë i hapur për seksin, pasi më ka krijuar mua si një njeri për të cilin seksi është shumë i rëndësishëm. Sigurisht bindja ime se Zoti ekziston bazohet gjithashtu në përvoja personale. Kur isha 21 vjeç, ndërsa studioja ligje u qëllova në një qendër këshillimi për gra në Turqi. Humba shumë gjak dhe pata një përvojë që e quajnë “përtej vdekjes”. Ishte si një dialog me një fuqi më të madhe dhe në të cilin m‘u dha shansi që të zgjidhja nëse doja ta lija këtë botë, apo doja të kthehesha.(Shqip)