Lamshi i Ballkanit:

[murrizi]

Myslimanët e Sanxhakut kërkojnë autonomi


Novi Pazar, 16.08.2010 (16.00)
Myslimanët e rajonit të Sanxhakut po kërkojnë autonomi territoriale dhe politike nga Serbia dhe Mali i Zi për 11 komunat ku ata janë shumicë.
Asambleja Kombëtare e Sanxhakut, në krye me myftiu Muamer Zukorliq ka shpalosur këtë kërkesë gjatë fund-javës që rajoni i Sanxhakut, i cili është i ndarë në dysh (në Serbi dhe në Mali të Zi) të ketë një autonomi territoriale dhe politike.
Kjo asamble përmes një deklarate ka kërkuar që qytetet e banuara me shumicë myslimane në Serbi dhe Mal të Zi, të jenë një entit i bashkuar me statusin prej autonomie.
Ndërkohë reagimet e para prej disa partive politike të sanxhaklinjve në Mal të Zi nuk kanë qenë të mira, raportojnë mediat serbe.
Rajoni i Sanxhakut, përbëhet nga gjashtë komuna në Serbi (Novi Pazar, Sjenicë, Tutin, Prijepolje, Novi Varosh dhe Priboj) dhe pesë në Mal të Zi (Pljevlja, Bijelo Polje, Beran, Rozhajë dhe Plavë). /zhurnal/