10 gjera qe femrat duhet ti dine

10 gjera qe femrat duhet ti dine

31 October 2011




Shumë nga ju kanë parë çdo telenovelë të shfaqur nëpër ekranet e televizioneve shqiptare, kanë parë pa fund filma pornografikë dhe nuk ka dyshim që kanë parë çdo pjesë të serialit “Seksi dhe Qyteti”. Kështu, ju keni të drejtë të mendoni se ju dini gjithçka lidhur me seksin. Por e vërteta nuk është kështu. Ka akoma plot gjëra që ju nuk i dini. Këtë unë e kuptoj nga pyetjet e pareshtura që juve vetë më dërgoni. Ja disa prej tyre:
1 – Pse shumë gra provojnë gjakosje pas aktit seksual?
Po qe se gjakoseni pas interkursës seksuale, kjo nuk do të thotë se ju erdhën periodat para kohe, ose se diçka është dëmtuar atje poshtë. Gjakosja pas aktit seksual, shpesh, vjen nga prania e ndonjë infeksioni në qafën e mitrës suaj, ose nga prania e ndonjë polipi atje. Edhe pse këto gjakosje pas aktit seksual nuk janë të rrezikshme për jetën, kush ka të tilla bën mirë të shkojë për vizitë mjekësore.
2 – Pse dëshira për seks ndryshon në fazat e ndryshme të ciklit menstrual?
Nuk është rastësi, që shumë gra kanë dëshirë shumë të madhe për seks kur janë në atë fazë të ciklit menstrual, që quhet ovulacioni. Rreth ovulacionit, niveli i testosteronit arrin kulmin e tij dhe është testosteroni që e rrit dëshirën për seks. Në të vërtetë, siç e kuptoni, kjo është një lojë e zgjuar e biologjisë. Gratë e duan seksin më shumë, tamam, kur ato kanë më shumë shanse të mbeten shtatzëna.
3 – Pse burrave u pëlqen të stimulohen nga prapa?
E vërteta është se zona anale është plot me nerva dhe kur ngacmohet prostata e burrit, ata arrijnë orgazma të fuqishme. Në qoftë se vendosni ta provoni këtë të vërtetë, më përpara ju duhet t’ia thoni atij. Po qe se burri juaj nuk dëshiron të ngacmohet në portën e pasme, kjo ndodh ngaqë ai nuk dëshiron të duket si një homoseksual
4 – Pse gratë arrijnë orgazma pa fund
Pas orgazmës burrat provojnë një periudhë refraktare, gjatë së cilës ata nuk e arrijnë dot ereksionin edhe pse duan shumë të kenë një marrëdhënie të dytë. Kjo periudhë refraktare është periudhë rehabilitimi për burrat. Gratë nuk kanë nevojë për këtë periudhë rehabilitimi. Gratë kanë kapacitete të pakufizuara. Të dy gjinitë mund të kenë orgazma të shumta, por burrat duhet të mësojnë disa teknika të veçanta që ta bëjnë këtë. Kjo do të thotë se burrat duhet ta njohin mjaft mirë veten e tyre. Ata duhet të dinë se kur duhet ta ulin stimulimin. Burrat dhe djemtë duhet të mësojnë si ta arrijnë këtë. Po i kujtoj edhe njëherë: Mos harroni ushtrimet e Kegelit!
5 – A bëjnë seks gratë e moshuara?
Të moshuarit, nuk është e vërtetë se e shpenzojnë gjithë ditën duke kërkuar ku janë ushqimet me çmimet më të lira. Disa prej tyre, një pjesë të mirë të kohës, janë të zënë edhe me aktivitete seksuale. Dëshira dhe lidhjet seksuale janë një kërkesë për gjatë gjithë jetës. Kush nga të moshuarat ndjen se është e ndrydhur ose e tërhequr nga jeta seksuale, fajin nuk ia ka mosha. Shumica e grave të moshuara nuk bëjnë seks, sepse u mungojnë oportunitetet, por po qe se ato i japin jetës seksuale vëmendjen e duhur, me siguri do të vazhdojnë të bëjnë seks.
6 – A e shton përdorimi i lubrifikantit kënaqësinë seksuale?
Kur nuk bëni dot seks, ose kur seksi për gruan është me dhimbje, gjithnjë ka një zgjidhje. Për problemin tuaj do t’ju ndihmojë një shishe e vogël me lubrifikant, të cilën do ta blini në farmaci. Mos mendoni se mungesa e lubrifikimit do të thotë se ju nuk jeni të afta të eksitoheni seksualisht. Mos nguroni, përdoreni lubrifikantin me bazë ujore ose me bazë silikoni.
7 – Pse shumica e grave nuk arrijnë në orgazëm vetëm me penetrim?
A e mendoni ju se një burrë mund të arrijë orgazmën pa eksituar penisin e tij? Jo, përgjithësisht, kjo nuk ndodh. Ashtu është edhe për gratë. Ato nuk mund ta arrijnë orgazmën pa ngacmuar klitorin e tyre. Grave u duhet ngacmimi i klitorit për të arritur orgazmën. Ju duhet të dini se i vetmi qëllim i klitorit është kënaqësia seksuale. Ngacmojeni klitorin tuaj gjatë seksit, ose kërkoni nga partneri ta bëjë ai këtë veprim.
8 – A është e vërtetë se seksi e zbukuron një grua?
Kur gruaja bën seks, estrogjeni i saj dyfishohet. Kjo i bën flokët e saj të shkëlqejnë dhe e bën lëkurën e saj më të butë. Estrogjeni është burim rinie për një grua. Ai e ngop gjithë trupin me vlagë, veçanërisht, njom muret vaginale.
9 – A janë normale fantazitë seksuale?
Studimet kanë treguar se mbi 50 për qind e grave fantazojnë në këtë fushë. Madje, edhe gratë më të fuqishme kënaqen me këto lloj fantazish. Mbani mend, fantazitë dhe realiteti janë dy botë të ndryshme, që nuk duhen ngatërruar me njëri-tjetrin.
10 – A e pakëson seksi stresin?
Interkursa ul presionin e gjakut dhe u bën më pak të prirur për stresin. Kur bëni rregullisht seks, ju rritni nivelin e një antikorpi në trup që quhet imunoglobulina A. Kjo ndihmon të luftoni me sukses kundër infeksioneve të ndryshme dhe ftohjeve sezonale.

Burimi: Gazeta Shekulli