Kronika e zeze

[sherri]

Thërret “Allahu akbar” pasi i pret kokën gruas që donte ta linte




Një krim i denjë për fimat horror, i cili ka ndodhur në mes të Berlinit, pranë Sheshit Potsdamer, ka shokuar Gjermaninë. Orhan S., 32 vjeç ka vrarë dhe më pas ka copëtuar bashkëshorten e tij, Sema, ndërsa gjashtë fëmijët e çiftit (nga mosha 1 deri në 13 vjeç) ishin në banesë në momentin e krimit. Por sikur të mos mjaftonte kjo, me thikën në njërën dorë dhe kokën e gruas në dorën tjetër, ai hipën në majë të çatisë së shtëpisë dhe ndërsa ka bërtitur “Allahu akbar” e ka hedhur kokën e gruas në oborr.
Sipas mediave gjermane krimi ka ndodhur pasi gruaja e kishte kërcënuar se do e linte pasi kishte mësuar se ai kishte edhe një të dashur tjetër iraniane, Leylan, me të cilën kishte edhe dy fëmijë. Pak përpara krimit Sema i dërgon një SMS kur ai ishte me iranianen ku i shkruan: “Mos hajde më në shtëpi”. Ai tërbohet dhe shkon në shtëpi ku sipas gazetës Bild gjërat dalin jashtë kontrollit.
“Do të të vras djalin,” i thotë ai ndërsa ka kapur thikën. “Më merr mua, mos vrit fëmijët,” i ka thënë e shoqja që ka qenë sërish shtatzanë