Shqiptaret ne Itali .

[achiles]

Dyshonte për tradhti, emigranti shqiptar vret bashkëshorten e tij me thikë!


Një ngjarje tragjike ka ndodhur në Romë ku një emigrant shqiptar ka qëlluar disa herë me thikë bashkëshorten e tij me bindjen se ajo e tradhtonte.

40-vjeçari Arben Hoxha, kishte kohe që mendonte se bashkëshortja e tij 32-vjeçare Mariola e tradhtonte, por gjërat përkeqësoheshin akoma më shumë nga grindjet e e shpeshta familjare.
Pas grindjes së fundit, 40,vjeçari nuk mundi të duronte më, mori thikën dhe shkoi në dhomën e gjumit ku qëllon disa herë gruan e tij.

Bëhet e ditur se çifti jetonte në lagjen Flaminio të Fanos në Itali bashkë me dy vajzat, të cilat nuk ndosheshin në shtëpi në momentin tragjik. Pas kryerjes së vrasjes 40-vjeçari shkoi dhe u vetëdorëzuar në polici duke treguar krimin që kishte bërë.

Tashmë Hoxha është mbyllur në burg, ndërsa për vajzat e çiftit njëra 12 e tjetra 14 vjeçe duhet të gjejë një zgjidhje gjykata e të miturve.

Hetuesit janë duke verifikuar nëse vrasja është bërë me paramendim, apo nëse Hoxha ka vepruar në inat e sipër.