JESUS WILL RETURN: JEZUSI (ISA a.s.) DO TË KTHEHET SËRISH NË

[4peace]

vazhdim:











Gjat jetës së tij Jezusi i kishte ftuar njerëzit për ta jetuar religjionin e zbuluar nga Allahu duke ua përkujtuar atyre për të qenë shërbyes të çiltër të Allahut. Ai i mësonte ata në urdhërasat e Ungjillit. Duke i kritikuar mësimet joprofesionale të rabinëve, të cilët ishin përgjegjës për degjenerimin e religjionit legjitim, Jezusi i kishte abroguar direktivat që ishin sajuar nga vetë rabinët nga ç’gjë kishin arritur përfitime personale. Ai i kishte ftuar fëmijët e Izraelit në Njëshmërinë e Allahut, në vërtetësinë dhe në udhëheqjen e drejtë, pra në të trija këto së bashku. Versi që qëndron në kontekst me këtë është kështu:









(Dhe unë vij te ju) si vërtetim i asaj që tashmë është (e njohur) në Tevrat, e për t`ua lejuar një pjesë të asaj që e kishit të ndaluar. Unë vij te ju me një shenjë nga Zoti juaj; frikonju Allahut e vëmani veshin mua.(sure 3:50 – Al-‚Imran)









Megjithatë, pasi që Jezusi e kishte braktisur këtë botë, disa nga ithtarët e tij të mëvonshëm kishin filluar ta prishnin zbulesën. Nën ndikimin e disa ideve pagane, të cilat kishin ardhur nga grekët, ata e shpikën besimin në „Trinitet“ (Ati, i Biri dhe Shpirti i Shenjtë). Nën emrin e krishterizmit ndiqnin një religjion plotësisht të ndryshëm kundrej atij të vërtetit. Në ditët e sotit krishterizmin e ndjek gadi ¼ e popullatës së botës, pra krishterizmit që ka të bëjë me Jezusin. Megjithatë e vërteta është krejt tjetër. Shumë vite pas zhdukjes së Jezusit nga skena, autorë të ndryshëm kishin shkruar librat, të cilat sot i njohim me emërtimin „Besëlidhja e Re“(Dhjata e Re). Këta autorë librat e tyre i kishin shkruar në greqishte, përderisa gjuha e Jezusit dhe dishepujve të tij ishté gjuha arameje, gjuhë kjo që është e ngjashme me arabishten. Më vonë, gjatë kohës pasuese, këto shkrime i kishin përpiluar historianët, gjë kjo që kishte çuar deri te ajo që në ditën e sotme krishterizmi ka humbur shumë nga mësimet e mirëfillta të Jezusit.











Pas Jezusit Allahu e kishte dërguar një lajmërues të një fisi tjetër, ashtuqë nëpërmjet tij iu ishte rizbuluar botës religjioni i mirëfilltë dhe Ai ia kishte dhënë atij një libër të fisëm. Ky i dërguar është profeti Muhammed, kurse libri i fisëm është Kur’ani, deri sot zbulesa e vetme e pandryshuar.









Kur’ani i drejtohet të gjithë njerëzve të botës. Të gjithë njerëzit, pa dallim moshe, janë të përgjegjshëm për këtë libër pasi që ta kenë ndëgjuar porosinë e Islamit. Sipas Kur’anit ata do të jenë të gjykuar në Ditën e Gjyqit. Veçanërisht ditëve të sotme popujt e gjithë botës janë në njëfarë mënyre të përbashkuar dhe falë depërtimit të teknologjisë janë bërë një lloj fisi në vete. Nga akademikët e sotëm bota quhet si “fshat global”. Si rrjedhojë e kësaj ekzistojnë pak njerëz që nuk janë në dijeni për ekzistencën e Kur’anit apo që nuk janë të informuar për Islamin. Një pjesë e madhe e njerëzimit beson në Kur’an, megjithëse në mesin e tyre ka shumë që nuk jetojnë sipas parimeve gjegjëse të Kur’anit.









Presim që Jezusi të kthehet në Tokë dhe që t’i ftojë njerëzit në rrugën e drejtë. Lajmin e mirë për këtë na e jep Allahu në Kur’an. Ashtu siç do ta trajtojmë këtë temë në kapitujt vijues të këtij libri, Jezusi është ngritur nga Allahu pranë Tij dhe se nuk ka vdekur fizikisht. Ai do të kthehet në Tokë dhe do të bëjë që të mbisundojë Islami. Bota e krishterë dhe ajo muslimane janë në përgatitje e sipër për ta pritur ardhjen e këtij vizituesi të bekuar.







vazhdon...