Bashkëshortët dhe mashtruesit e tjerë...

Bashkëshortët dhe mashtruesit e tjerë...

Pabesnikërinë në një marrëdhënie bashkëshortore disa e lidhin me aventurën. Të tjerë gjejnë tek ajo ndoshta edhe "dashurinë e tyre të madhe".
Sidoqoftë tradhtia seksuale sjell disa ndjenja të fuqishme njerëzore si ç´janë vuajtja, xhelozia, dëshpërimi. Shkenca e sheh këtë nga një këndvështrim më të përmbajtur: shtysa që çon në one-night-stand (marrëdhënie e shkurtër seksuale jashtë bashkshortësisë) apo në kërkim të një partneri tjetër është e trashëguar nga paraardhësit tanë të kohës së gurit.

Flitet tërë kohës për ndjenja por i parë nga këndvështrimi shkencor pabesnikëria ka të bëjë vetëm me shpresën për tu shumuar. Nuk është vetëm burri ai që kërkon për kandidatë të tjerë por edhe gruaja. Gratë ngjajnë të jenë të gatshme të dalin pa bashkëshortin e tyre kur u vijnë ditët e mbarsjes. Tek ky përfundim kanë mbërritur studiuesit e Universitetit të Vjenës duke bërë një hetim nëpër diskoteka. Gjatë kohës së ovulacionit të vezës, gratë nxjerrin jashtë më tepër pjesë të trupit të tyre. Dhe atyre u bëjnë përshtypje burra që nuk u ngjajnë atij që kanë përditë.
Gratë përdorin një taktikë sipas të cilës ato e mbajnë bashkëshortin e tyre por njëkohësisht edhe vazhdojnë të kërkojnë për një tjetër. Kështu - sipas psikologjisë evolucionare - gratë ndjekin një strategji të dyfishtë mbi të cilën janë të pavetëdijshme.
Sipas një hetimi të kryer kohët e fundit çdo i shtati fëmijë i lindur një çifti të martuar ka për at dikë tjetër.

Lidhjet dashurore janë sot më të paqëndrueshme se kurrë ndonjëherë. Zakonisht kur krijohen çifte, krijohen edhe fëmijë.
Burrat apo gratë e ndarë e me fëmijë kanë një shans më të vogël për të gjetur një bashkëshort të ri. Njerëzit përpiqen t´i shmangen marrjes së një bashkëshorti me fëmijë që rrjedhin gjenetikisht nga dikush tjetër. Kështu që të ndarët dhe me fëmijë kanë kërkesa më të vogla kur janë në kërkim të një bashkëshorti tjetër.

Është kryer një studim përmes një rubrike njohjeje në gazetë nga i cili doli se: njoftimit ku shkruhej se personi që kërkonte të njihej me dikë kishte dy fëmijë të moshave një dhe tre vjeç iu përgjigjeshin më pak njerëz se atij ku shkruhej që personi që kërkonte të njihej me dikë nuk kishte fëmijë. Gjithkush ka më tepër dëshirë të kujdeset për fëmijët e vet - pra genet e veta.


Përgatiti Alvin Ekmekçiu