MINISTRESHA TËRMKOLLI;KËTU NUK ËSHTË DRENICË

[GASHI75]

Në Ministrinë e Shërbimeve Publike (MSHP) vazhdojnë spastrimet politike



Punëtorët ankohen : “Tërmkolli na tha : - “këtu nuk është Drenicë...”



Melihate Tërmkolli, nëpërmjet (u. d) Sekretarit të Përhershëm, Enver Krasniqi, ka larguar nga puna punëtorët Gjyljeta Ismaku, Vjosa Zymberi, Afërdita Maliqi, Teuta Zyberi, Besa Myrtezaj, Lavdie Hajdini dhe Mevlydin Krasniqi, me arsyetim se nuk e kanë respektuar Kodin e Mirësjelljes së Shërbimit Civil



Shkruanj : Burim Etemaj e Jehona Veliu



Prishtinë, 12 maj 2005- Ministrja e Shërbimeve Publike, Melihate Tërmkolli, nëpërmjet ushtruesit të detyrës (u. d) të Sekretarit të Përhershëm, Enver Krasniqi, të enjten ka larguar nga puna, duke mos ua vazhduar kontratën punëtorëve Gjyljeta Ismakun, Vjosa Zymberin, Afërdita Maliqin, Teuta Zyberin, Besa Myrtezajn, Lavdie Hajdinin dhe Mevlydin Krasniqin, me arsyetim se nuk e kanë respektuar Kodin e Mirësjelljes së Shërbimit Civil, edhe pse punëtorët e larguar theksojnë për gazetë se asnjëherë nuk kanë marrë ndonjë vërejtje me gojë apo shkrim. Përderisa Krasniqi, vendimin e nënshkruar më 10 maj 2005, për mosvazhdimin e kontratave të gjashtë punëtorëve e arsyeton në mosrespektimin e Kodit të Mirësjelljes..., duke mos precizuar saktësisht se për çka bëhet fjalë, punëtorët e larguar këtë vendim e quajnë tipik politik dhe joligjor. Punëtorët janë të befasuar se si mundet një ushtrues i detyrës së Sekretarit të Përhershëm, të dijë për sjelljet e tyre, kur ka vetëm një javë që është duke e ushtruar këtë post. Ata janë thellësisht të bindur se këtu ka dorë ministrja Tërmkolli, ndërsa sekretari, sipas tyre, vetëm ia ka bërë një argat të fortë ministres.

Nuk është hera e parë që ministrja Tërmkolli shkel ligjin, duke larguar nga puna punëtorë vetëm pse nuk i shkojnë për shtati asaj.

Ajo më herët për motive politike pati larguar nga puna edhe Sekretarin e Përhershëm, Bahri Hysenin, madje edhe e pati kërcënuar, ndërsa në vend të tij tash ka sjellë Enver Krasniqin, i cili sikurse t’i kishte të dy sytë mbyllë nënshkroi largimin e gjashtë punëtorëve nga puna.

“Në bazë të Rregullores 2001/19 mbi degën e Ekzekutivit të Institucioneve të Përkohshme Vetëqeverisjes në Kosovë, Rregullores 2001/36 mbi Shërbimin Civil të Kosovës dhe Urdhëresës Administrative 2003/2 mbi implementimin e Rregullores 2001/36 si dhe Udhëzimit Administrativ Nr. MSHP/2003/06 mbi Ndërprerjen e Marrëdhënies së Punës, kërkoj që t’iu ndërpritet marrëdhënia e punës me rastin e skadimit të kontratave : Besa Murtezajt, Asistente Administrative në Kabinetin e Ministres, Xhyljeta Izmaku, Asistente Administrative në Kabinetin e Ministres, Teuta Zyberi, Asistente Administrative në Kabinetin e Ministres, Afërdita Maliqi, Lektore në Kabinetin e Ministres, Lavdije Hajdini, Asistente Administrative dhe Mevludin Krasniqi, zyrtar certifikues zyra e Sekretarit të Përhershëm”, thuhet në vendimin e nënshkruar nga u.d. të detyrës së Sekretarit të Përhershëm, Enver Krasniqi.

MSHP-ja të enjten ka lëshuar edhe në komunikatë për media në të cilën thuhet se disa prej punëtorëve të kësaj ministrie iu ka skaduar kontrata. Po ashtu në komunikatë thuhet se MSHP do të hapë konkurs për këto vende të punës dhe të gjithë kanë të drejtë të konkurrojnë në kushte të barabarta, përfshirë këtu edhe punëtorët të cilëve u ka skaduar kontrata.

“Rrjedhimisht këtu nuk kemi të bëjmë me përjashtime të punëtorëve nga puna”, thuhet në vazhdim të komunikatës.



PUNËTORËT: LARGIMI YNË ËSHTË JOLIGJOR DHE POLITIK



Por, punëtorët e larguar nga puna mendojnë ndryshe. Vendimin për mosvazhdimin e kontratave të punës ata e quajnë joligjor dhe të motivuar politikisht. Madje, ata paralajmërojnë se do të ankohen edhe në instancat me të larta, duke mos përjashtuar as gjyqin.

“Ky është vendim politik, pa bazë ligjore. Do të ankohem në instancat më të larta të drejtësisë së vendit, edhe pse nuk besoj në drejtësinë e Kosovës, por do ta bëj këtë”, theksoi për “Epokën e re” Lumnije Hajdini, e cila tregon se edhe vetë sekretari Krasniqi e ka pranuar në një rast se nuk ka bazë ligjore për mosvazhdimin e kontratave të punës.

Krasniqi, sipas Hajdinit, është arsyetuar në atë se të gjithë ministrat në Qeverinë Kosumi, e kanë ndërruar stafin civil.

Edhe Xhyljeta Izmaku – Rama thekson për gazetë se mosvazhdimi i kontratës së punës është bërë në mënyrë joligjore.

“Asnjëherë nuk është dhënë ndonjë vërejtje me gojë apo shkrim që nuk e kemi respektuar Kodin e Mirësjelljes së Shërbimit Civil. Përkundrazi, vetë ministrja Tërmkolli e ka shkelur ligjin dhe këtë kod, duke u sjellë në mënyrë arbitrare, bile duke treguar edhe forcën”, thekson Izmaku-Rama, e bindur se këtë vendim e ka marrë krye në vete ministrja Tërmkolli.



TEUTA ZYBERI: TËRMKOLLI MË THA “KËTU NUK ËSHTË DRENICË...”



Punëtorja tjetër e larguar nga puna, Teuta Zyberi, është shprehur e befasuar me aftësitë e u.d. të Sekretarit të Përhershëm, i cili për një javë siç thotë ajo e paska vërejtur se këta punëtorë e kanë shkelur Kodin e Mirësjelljes së Shërbimit Civil.

Zyberi e akuzon ministren Tërmkolli për sjellje arrogante dhe të pahijshme.

“Ajo kurrë nuk është sjellë siç i takon një ministre..., madje në një rast më është drejtuar me fjalët “këtu nuk është Drenicë e as Rahovec’”, tregon Zyberi për gazetë sjelljet e ministres Tërmkolli.

Të njëjtin mendim me kolegët e ndan edhe Besa Murtezaj, e cila thotë se nëse dikush e ka shkelur Kodin e Mirësjelljes së Shërbimit Civil, është vetë ministrja Tërmkolli.

“Nëse ajo do ta kryente punën me nder, nuk do t’i dilte kohë të largojë punëtorë nga puna”, shprehet Murte