Përleshje e shërbimeve sekrete në Kosovë

[Dulia]

BIRN:

Përleshje e shërbimeve sekrete në Kosovë

Vendimi i KB-ve që të miratojë formim të Ministrisë së Drejtësisë dhe të Punëve të Brendshme në Kosovë e shqëtësoi skenën politike kosovare, e sidimos sekretet e shërbimeve zbuluese që veprojnë në Kosovë, vlerëson "Rrjeti ballkanik për gazetari hulumtuese" (BIRN).

"Mundësia që Kosova të fitojë ministri të policisë shkaktoi përplasje mes partive në koalicionin qeveritar për atë se kush ta udhëheqë këtë resor. Thelbet e problemit janë numri i madh i shërbimeve politike-sekret, nga të cilat varet situata e sigurisë në Kosovë", thekson BIRN.
Sipas Rrjetit, në Kosovë dominojnë dy shërbime të këtilla - Instituti për hetim të mendimit publik dhe strategji (IHPSO), për të cilin besohet se kryen punë zbuluese për Lidhjen Demokratike të Kosovës në pushtet të presidentit kosovar Ibrahim Rugova dhe Shërbimi zbulues i Kosovës (SHIK), e të cilën e ndërlidhin me Partinë Demokratike të Kosovës të Hashim Thaçit.
"Edhe pse janë lojalë ndaj partive më të mëdha politike, këto organizata - ekzistimi i të cilave është sekreti publik i Kosovës - respektivisht askujt nuk i japin llogari dhe shpesh angazhojnë bashkëpunëtorë nga nëntoka për realizimin e qëllimeve të tyre", vlerëson "Rrjeti ballkanik për gazetari hulumtuese".
Sipas BIRN, aktivitetet e këtyre shërbimeve përfshijnë që nga mbrojtja e liderëve e deri në grumbullimin e informacioneve për frikësimin e kundërshtarëve politikë.
"Besohet se IMPSO ka rreth 300 bashkëpunëtorë, gjysma e të cilëve marrin rrogë nga 200 euro në muaj. Gjysma tjetër e bashkëpunëtorëve janë punësuar në organet e autoriteteve lokale apo në shërbime tjera publike. Në pozicione drejtuese të IHPSO-s janë persona që kanë punuar për ish-Sekretariatin e Punëve të Brendshme (SPB) si dhe për Sigurinë Shtetërore dhe Kundëzbuluese (SSHK)", shkruan BIRN, duke shtuar se një nga detyrat kryesore e IHPSO-s është të parandalohet ardhja e Hashim Thaçit në pushtet.
Nga ana tjetër, sipas BIRN-it, në SHIK ka mes 80 dhe 120 punonjës dhe shumica prej tyre janë ish-pjesëtarë të Ushtrisë Çlirimtare të Kosovës (UÇK).
"SHIK përbëhet nga katër drejtori, njëra prej të cilave është e angazhuar për luftë kundër terrorizmit. Qëllimi kryesor është gjetja dhe eliminimi i bashkëpunëtorëve të shërbimeve sekrete serbe", thuhet bnë analizën e "Rrjetit ballkanik për gazetari hulumtuese" (BIRN).
"Rrjeti ballkanik për gazetari hulumtuese" (BIRN) publikon analiza dhe reportazha hulumtuese, kushtuar temave të ndërlikuara politike, ekonomike dhe sociale nga Ballkani. BIRN doli nga programi ballkanik i Institutit për njoftim ushtarak dhe paqësor.

(MIA)