Ligji qe veshtireson dhenien e nenshtetesise ne vendet perendimore per qytetaret musl

[Dilaver]

Nje referendum per Konferencen Islamike E Enjte, 16 Mars 2006

Nga Alfred Peza



Nga sot, cdo qytetar mysliman ne pergjithesi, por edhe shqiptaret e ketij besimi, do ta kene me te veshtire, - te pakten nga pikepamja formale procedurale, - per te marre nenshtetesine e nje vendi perendimor. E para e ka qene Holanda, e cila nis sot zbatimin e nje ligji qe veshtireson dhenien e nenshtetesise. Pas saj, duket se ne kete drejtim po shkon me me shpejtesi Gjermania. Dhe nuk eshte cudi qe aplikimi i rregullave te tilla, gjithnje e me te forta per integrimin e te huajve qe jetojne e punojne ne keto vende si emigrante, te nisin e te zbatohen sipas efektit ortek, edhe ne shtete te tjera te qyteterimit perendimor. Me te "prekurit" nga keto masa shtrenguese, pritet te jene qytetaret me origjine nga 57 vendet anetare te Konferences Islamike, perfshi edhe shqiptaret me origjine myslimane. Masa keto qe me siguri jane ndikuar nga ngjarje te tilla, si vrasja nga nje islamik i regjisorit Theo Van Gogh ne Holande; shperthimet terroriste ne Spanje e Britani; protestave qe cuan ne "djegien" e Parisit; reagimi i dhunshem ndaj botimit te karikaturave te Profetit Muhamed ne mediat belge dhe me pas, ribotimi i tyre ne France, etj.

Kjo ka bere qe se bashku me emigrantet e tjere, qytetaret shqiptare te besimit islam qe ndodhen ne Holande e qe kerkojne te aplikojne per marrjen e nenshtetesise, duhet te dokumentojne se e dine se c'i pret ne kete vend dhe nese duan t'i pranojne ose jo normat e shoqerise perendimore. Jo vetem per cdo qytetar te Shqiperise, por edhe per cdo te huaj qe ka sadopak njohuri per raportet mes shqiptarit dhe fese ne pergjithesi dhe besimit islam sipas konceptit te sotem perendimor ne vecanti, e kupton se kjo eshte nje mase gati "diskriminuese". Por, pavaresisht nga kjo, qenia e shtetit tone si anetar me te drejta te plota ne Konferencen Islamike, nuk na "shpeton" qe emigrantet tane t'i nenshtrohen testeve si edhe emigrantet qe kane shkuar ne keto vende euro-perendimore, nga shtete ku sundojne regjime fondamentaliste islame.

Keshtu per provimet e para, cdo emigrant qe do te aplikoje per nenshtetesi holandeze, me ane te nje libri, videos dhe CD-se, i shpjegohet me hollesi se cfare eshte liria ne perendim dhe se i ndalohet cdo lloj diskriminimi. Homoseksualiteti trajtohet si nje fenomen normal, tregohen gra ne plazh si kontrast me rregullat e veshjes se femrave myslimane si dhe informacioni se eshte e ndaluar prerja e organeve te jashtme gjenitale te grave, etj. Ndersa ne Gjermani, po kerkohet qe procedurat e nje testi "myslimanizmi" per marrjen e nenshtetesise, te planifikuar nga Landi i Hessenit, te mund te aplikohet ne te gjitha landet e tij. Testi parashikon pyetje te tilla, se si do reagonte prindi ne rast se djali apo vajza e tij do t'i deklaronte se eshte homoseksual/e; apo se si do te veproje nje bashkeshorte nese burri i saj perdor dhune fizike etj.

Ky test ka ngjallur prej disa javesh nje debat te madh dhe ka zera qe po kerkojne ashpersimin e kritereve ne dhenien e nenshtetesise dhe unifikimin e tyre ne te gjithe Gjermanine. Ne kete vend numerohen 3.4 milione emigrante myslimane, ne Britanine e Madhe 1.6 milione, ndersa ne France, 5 milione. Studiuesit e ketyre ceshtjeve thone se qeverite e Evropes Perendimore nuk i kane kushtuar vemendje asimilimit te pakicave te medha myslimane ne shoqerite e ketyre vendeve. Ndjenjat negative qe rezultojne prej kesaj shnderrohen ne terren te favorshem per ide radikale, duke cuar deri atje sa keta individe te sulmojne shoqerite ne te cilat jetojne. Sipas profesorit Fukujama e ardhmja e qyteterimit perendimor mund te varet ne suksesin qe arrijne Britania, Franca e Gjermania ne asimilimin e popullsive te tyre myslimane.

Por a ndikojne masa si ato qe nis te ndermarre sot Holanda, ne gjurmet e se ciles duket se mund te shkoje Gjermania dhe me pas ndoshta dhe te tjeret, ne asimilimin e popullsive te tyre myslimane qe jane emigrante te ketij besimi? Sa shqetesuese eshte kjo per emigrantet shqiptare me origjine fetare islame? A do te jene te detyruar pas kesaj keta dhjetera mijera shqiptare qe tani e tutje, te perdorin edhe ne Evropen kontinentale te njejtat metoda si edhe ne keto 15 vjet ne Greqi, ku per te siguruar lejet e qendrimit dhe lehtesi te tjera, jane detyruar te nderrojne emrat dhe te konvertohen nga myslimane ne "ortodokse"?

Nga pergjigja e ketyre, por edhe e shume pyetjeve te tjera, ndoshta kemi mberritur tek kryepyetja e kesaj ceshtje: A eshte koha qe Shqiperia te beje sa me shpejt regjistrimin e popullsise edhe sipas perkatesise fetare? Ndoshta vetem keshtu do te mund te dime saktesisht nese jemi nje vend me shumicen e popullsise myslimane, sic edhe i referohemi per kete regjistrimit te fundit zyrtar te realizuar rreth 70 vjet me pare, ne vitin 1938. Por, mbi te gjitha, ndoshta ka ardhur koha qe te hapet nje debat me i madh intelektual dhe politik, nese duhet apo jo qe Shqiperia te jete anetare e Konferences Islamike, qenia ne te cilen po merret edhe si kusht nese emigrantet do t'i nenshtrohen rregullave te reja te marrjes se nenshtetesise apo pajisjes me dokumente qendrimi ne shtetet e Evropes Perendimore.

Por, me shume se kaq, ndoshta pas referendumit te 1994 per Kushtetuten, eshte koha qe shqiptaret te mund te thirren ne nje tjeter referendum, ku te votohet per t'i dhene pergjigje pyetjes: A jeni per pjesemarrjen e Shqiperise ne Konferencen Islamike apo jo? Nje referendum i tille do t'i jepte pergjigje mjaft pikepyetjeve qe lidhen me perceptimin e perendimit per Shqiperine dhe shqiptaret; do t'i hiqte klases politike dhe udheheqesve tane cdo "keqkuptim" qe mund te krijohej nga marrja zyrtare e nje vendimi per kete ceshtje dhe mbi te gjitha, ky referendum do te ishte testi i pare i vertete per t'i dhene pergjigje njeres prej dilemave kryesore te kesaj epoke per shqiptaret: Kujt qyteterimi deshirojme t'i perkasim ne te ardhmen e afert?!