Adelina dhe Genta puthen ne buze!

[pokeri]

[quote=jador]

Postimi origjinal është bërë nga jador

megjithate pres opinjonet e forumisteve tjere ,......imituan ato, apo jo ,nje "skandal "te imixhit Madona &Britnny.......!!!

Personalisht, mendoj që është një lloj "skandali" për rrethanat tona
"patriarkale" dhe ballkanase. Nuk është aspak e çuditshme dhe
aspak e panatyrshme, që kjo "puthje", "kafshim" apo vetëm
"inskenim" të jetë përfolur herë-herë me tepër zjarr, e herë-herë
edhe me një lloj shpërfilljeje, e tipit (punë katundaresh etj). Se si e
kanë komentuar, diskutuar, shpjeguar, pohuar e mohuar nëpër
kuloare, krejt varet nga rrethi dhe doza e "ithtarisë" qoftë për
njërën, qoftë për "yllin" tjetër. Dhe, këtu vetëm mund të
spekulohet. Se diku në një kafiteri, apo kazino, mund të ketë qenë
edhe çajtore (zoti e din), qenkan rrahur dy grupe të rinjësh sherri i
kësaj "çështje". Derisa njëri grup kishte pohuar që Genta ia ka
"futur gjuhën", grupi tjetër paska mbështetur tezën se pikërsiht
ishte Adelina ajo!!! Kërcet grushti krijohet rrëmuja, inventari (edhe
ashtu i dobë) pëson i tëri, dhe kështu derisa dikujt i bie ndërmend
që ka polici...
Unë, nuk e kam parë këtë video-klip, xhirim apo çka është (nuk e
dëgjoj këtë lloj muzike), dhe nuk do të lodhesha shumë me atë se;
- Janë puthur apo jo? Kjo edhe nuk ka aq rëndësi. Sidoqoftë, një
gjë si duket nuk kontestohet. Ato kanë dashur të krijojnë, një
përshtypje të tillë. (Shprehur me gjuhën e jurisprudencës, në mos
ishte vrasje, vrasje në tentim, gjithsesi-pra në këtë rast, puthje në
tentim).
Derisa e di pse janë rrahur Adelina dhe Leonora (në realitet janë
gërvishtur si macet, janë çjerrë e shkundulluar pak, se grushta nuk
ka pasur), sepse kisha rastisur aty atë natë të "kobshme", por pse
janë puthur këto të dyja, vërtetë nuk e di!?
Mendja ime më thotë që kjo mund të ketë qenë ide e Adelinës.
Tash do të spekuloj pak. Motivet, gjithashtu më shumë ngjanë të
kenë qenë të Adelinës. Por vendimi, patjetër që ka qenë i Gentës.
Çfarë ka dashur të bëj me këtë Adelina?
-Pasiqë kohëve të fundit nuk ka realizuar ndonjë "HIT", ndërsa
"estrada" është vërshuar këngëtare të reja (të cilat edhe nëse nuk këndojnë mirë, bile duken bukur), dhe vëmendja e publikut është përqëndruar tjetërkund, asaj i është dashur një "veprim" krejt i "veçantë" ta rikthej së paku për një javë, muaj (besoj jo më shumë) vëmendjen. Për ta bërë këtë, i ka munguar Hiti, video-klipi, paraqitja publike andaj ka menduar të bëj si ato dy mega-yjet.
Në anën tjetër, ka dashur të thotë; -E shihni që nuk jam xheloze në
koleget (bile edhe i puth publikisht), por asaj Leonorës s'e kam
pasur çare pa ia çky fustanin...
Sa i përket asaj që duke diskutuar për këtë çështje, dikush prek
intimitetin e dikujt, kjo assesi nuk qëndron. Derisa puthja ka qenë
publike, do të flasin e flasin, shkruajnë, botojnë... Askush, asnjërës
nuk i ka hyrë në dhomën e fjetjes për ta përgjuar, për ta filmuar
tinëz. Zatën, këtë e kanë bërë me këtë qëllim, që të flitet e
shkruhet sa më shumë.
Se kush kujt ia "ngjiti" flamën, mbetet të kuptojmë. Veç ishalla,
s'kemi epidemi...