Kur Fati dënon!

[Gentiani]

Në qytetin ku banoj i kam pasur fqinjë një familje nga rrethi i Pejës dhe ndërkohë fqinja tregonte për tragjedinë që kishte pësuar familja e vëllaut të saj!

Gjatë luftës në Kosovë, familja e vëllaut të saj mu sikur shumica e shqiptarëve duke kërkuar ti shpëtonin rrezikut nga agresioni që kishte përfshirë Kosovën ishin strehuar në Shqipëri. Në kërkim të një zgjidhjeje kishin vendosur të kalonin detin dhe për t`ia mësyer diku Evropës.

Ndërkohë që gjatë kalimit të detit u ndodh një tragjedi - skafistët si "njerëz të ndershëm" që njihen dhe një kohë krenaria e shtetit shqiptarë... sa herë që kan transportuar ilegalisht persona dhe janë ballafaquar me organet kufitare italiane, nuk kanë hezituar t`i hudhin personat në mes të detit dhe për t`ia mbathur... Në atë tragjedi kjo familje në kërkim të sigurisë dhe shpëtimit nga vdekja humb dy fëmijë në ujërat e Adriatikut, ndërkohë që zonja - nëna e fëmijëve jeton tani me këmbë të amputuar.

Pas gjithë asaj dhimbje, vendosen dhe strehohen në Zvicër, ku edhe sot jetojnë.

Të dielën e kaluar Fati i godet përsëri dhe humb jetën djalin e tyre 6 vjeçarë në një Liqe, ku kishte shkuar me motrën e tij 15 vjeçare.

Fati nganjëherë godet keq, shumë keq! Para shtatë vitesh dy fëmijë të mbytur në ujë dhe tani kthehet përsëri u merr edhe djalin 6 vjeçarë!

Ishte vërtetë dhimbje dhe tragjedi e papërballueshme për këtë familje, por edhe për të gjithë ata që e kanë njohur rrugën në të cilën kanë kaluar ata.