Nuk u durova...

[Fshatari]

... pa e sjell lajmin ma të mirë që kosova pret prej vitesh :
"Drafti i Kushtetutës së Kosovës, i gatshëm në mars 2007 "
Ekspertët për hartimin e kushtetutës së Kosovës janë duke i finalizuar propozimet e tyre për dokumentin. Ata besojnë se drafti final për kushtetutë do të jetë i gatshëm në mars të vitit 2007. Bashkë-kryesuesi i komisionit për hartimin e Kushtetutës së Kosovës, Arsim Bajrami i tha Radios Blue Sky se ata kanë propozuar që Kosova e pavarur të jetë Republikë Parlamentare ku të drejtat e minoriteteve do të mbroheshin sipas standardeve më të larta evropiane.

Në kohën kur procesi i definimit të statusit ka hyrë në fazën finale, Kosova po i bënë përgatitjet për të funksionar si shtet i pavarur. Akti më i lartë juridik, kushtetuta, ka hyrë në fazën përfundimtare të hartimit. Bashkë-kryesuesi i komisionit për hartimin e saj, profesor Arsim Bajrami thotë se parimet themelore të kushtetutës janë duke u shqyrtuar me kujdes në nivelin më të lartë politik të vendit. Sipas tij ideja fillestare e ekspertëve është që Kosova të jetë republikë parlamentare me një sistem të kontrollit reciprok të pushteteve.“Me një president shumë më autoritativ me kompetenca të zgjeruara e jo siç i ka tani vetëm simbolike, me një qeveri parlamentare dhe me një parlament fuqiplotë me kompetenca të plota legjislative. Ideja jonë është që të sigurojmë një demokraci të ekuilibruar ku do të kemi tri pushtete autoritative, të pavarura dhe të kontrolluara në mënyrë reciproke diçka që është shtyllë edhe e demokracisë amerikane”, thotë Arsim Bajrami. Sidoqoftë, ai thotë se kjo çështje do të vendoset me konsensus ndërmjet faktorëve politik të vendit. Profesori i së drejtës kushtetuese pohon se menjëherë pas miratimit të kushtetutës, Kuvendi duhet të miratoj disa ligje bazike përfshirë këtu edhe ligjin për forcat e armatosura dhe atë për simbolet kombëtare me të cilat Kosova do të aplikoj për tu pranuar në Kombet e Bashkuara.” Kjo pako e ligjeve duhet të miratohet menjëherë pas miratimit të kushtetutës në mënyrë që Kosova të identifikohet si shtet. Kushtetuta do të jenë një faktor i rëndësishëm edhe për mbajtjen e zgjedhjeve të ardhshme nacionale sepse zgjedhjet nacionale nuk mund të mbahen me bazën ekzistuese”, tha Bajrami. Kosova administrohet në bazë të një Kornize të përkohshme Kushtetuese, e cila është miratuar mbi parimet e Rezolutës 1244. Profesor Bajrami thekson nevojën e hartimit të një kushtetute qytetare që do ta definoj Kosovën si shtet liberal të të gjithë qytetarëve pa premisa etnike, mono-etnike apo multi-etnike. Ai thotë se kushtetuta e re e Kosovës do të garantoj të drejtat për pakicat sipas standardeve evropiane por nuk do t’iu lejë hapësirë që të bllokojnë sistemin e qeverisjes. “Pakicat duhet të pranojnë shtetësinë e Kosovës. Assesi nuk duhet lejuar politika aktuale që ata të jenë vetëm qytetarë të Kosovës dhe të kërkojnë të drejta ndaj Kosovës e në anën tjetër mos të ndiejnë asnjë detyrim kushtetues të respektimit të ligjeve të Kosovës. Ata fillimisht duhet të pajtohen me zgjidhjen politike të statusit final të Kosovës, duhet ta marrin shtetësinë e Kosovës dhe vetëm si të tillë mund t’i gëzojnë të drejtat që u garanton kushtetuta e ardhshme e Kosovës”. Eksperti i çështjeve juridike tha se edhe pjesëtarë të pakicave janë shprehur të gatshëm të marrin pjesë në hartimin e Kushtetutës, por sipas tij ata do të ftohen në Këshillin Kushtetues, i cili do ta ketë mandatin e plotë nga parlamenti dhe presidenti për të bërë kushtetutën e ndoshta edhe ligjet bazike që i duhen Kosovës. Përveç ekspertëve, në këtë Këshill do të përfshihet edhe niveli politik. (Enver Bajrami)".
Lajm i Radio televizionit shtetror të Kosovës.


Nuk ka asnjë shans që dëshira ime të plotësohet por po e formuloj megjitahtë :
Ashtu siç është i përshkruar, ky draft më duket i përkryer, gadi i përkryer : dëshira ime e përjetshme do të jetë që fjala "republikë" të mos figurojë asgjëkundi në draftin e kushtetutës të Kosovës.
Shteti i Kosovës nuk duhet t'u gjasojë shumë shteteve të Evropës e botës që quhen "republikë". Pse të mos kënaqemi me fjalën Shtet "state", ashtu siç e kanë edhe Shtetet e Bashkuara të Amerikës, ndërkohë që në tekstin e draftit u bëhet referencë e SHBA-ve kushtetuta e të cilave nuk e pranon termin pejorativ të "republikës". Kosova është rast unik : fjala republikë nuk është rast unik por banalitet i përhapur, prandaj...!