Nano edhe publikisht kërkon fronin e presidentit

[Dilaver]

Nano edhe publikisht kërkon fronin e presidentit

6. Pril 2007
Telegrafi

Ish-kryeministri i Shqipërisë dhe ish-kryetari i Partisë Socialiste, Fatos Nano, edhe publikisht është shprehur se synon fronin e presidentit të Shqipërisë, madje duke kërcënuar se nëse nuk e arrin këtë qëllim “do të vazhdojë të ekzistojë politika konfliktuale”.

“Nëse unë nuk zgjidhem president, atëherë do të vazhdojë të ekzistojë politika konfliktuale, jo vetëm brenda PS-së, por edhe në të gjithë arenën politike shqiptare e cila nuk do të bëjë gjë tjetër veçse do të bllokojë reformat e nisura nga vendi ynë për t’u anëtarësuar në strukturat euroatlantike”, ka thënë Nano për televizionin “Klan”.
Nano ka paraqitur edhe platformën që do ta bëjë publike edhe para deputetëve shqiptarë, ditën që ai do të shpallë kandidaturën e tij, për këtë post.