A e konsumoni duhanin?

[rilinda]

Të lësh duhanin - Si duhet të sillesh?

Strategjitë e terapisë së sjelljes për ndalimin e duhanit:
a. Ekzaminimi i faktorëve ambjentalë që predispozojnë sjelljen e duhanpirjes:
- Hiqni nga qarkullimi elemente riskante ( hi, shkrepëse, postera, etj ) dhe vendos rregull që në shtëpinë tuaj të mos pihet duhan, në makinën tuaj po ashtu, si dhe mbaj një qëndrim të rreptë ndaj atyre që e pijnë.
- Identifikoni situata apo ndjenja që riforcojnë tek ju dëshirën për të pirë duhan ... orale, manuale, dëshira respiratore ... shoqërizimi me persona duhanpirës ose partnerë duhanpirës.
- Matni dhe monitoroni sjelljen tuaj prej duhanpirëseje, e cila do t’ju ndihmojë të identifikoni reagimin tuaj kur bini në kontakt me faktorë apo situata që ju sjellin në mend dëshirën për të pirë ... Mbani një bllok shënimesh lidhur mbi këto situata apo faktorë.

b. Tentoni në gjetjen e mënyrave për të ndryshuar sjelljen tuaj duhanpirëse:
- Taktika vonimi: prisni një kohë të gjatë përpara se ta ndizni çakmakun apo shkrepësen, kini parasysh që të mbani shënim kur ju lindi dëshira dhe sa kohë zgjat ajo, sa kohë arritët të duronit përpara se ta ndiznit shkrepësen apo çakmakun.
- Teknika venitjeje: pakësoni sasinë e nikotinës duke përdorur patch, çamçakëz ose duke realizuar një ulje graduale të sasisë së tar/nikotinës në cigaret që pini, me kujdes që të mos e alternoni me teknika duhanpirëse, si thithje e tepruar e cigares apo mbajtje e stërzgjatur e tymit brenda jush ... Ndryshimi i vendbanimit gjithashtu jep një reduktim të dëshirës për të pirë duhan dhe mund të jetë ndihmesë ...
- Zëvendësoni një sjellje me një tjetër: hani karrota, çamçakëza, kokoshka, përdorni kruajtëse dhëmbësh, bëni stërvitje, sport, palestër

c. Situata neverie, bazuar në dhënien e stimujve negativë (sjellje ose mendime) në sjelljen të cilën personi do të ndryshojë ...
- Pirje e shpeshtë dhe e shpejtë në distanca të shkurtra e duhanit derisa t’ju vijë për të vjellë...Kjo është një metodë tepër efikase, por duhet të përsëritet derisa vetëm ideja se dëshironi të pini apo të vini duhan në gojë t’ju shkaktojë nauze dhe të vjellat mund të jenë të rrezikshme në rast gjakderdhjesh apo aspirimesh.
- Pirje duhani në fokusim të plotë. Ndërsa pini, ju imagjinoni efektet e këqija të duhanit si probleme të rënda në gjendjen tuaj fizike dhe mendore, i bëni keq të tjerëve, hasni në mospërkrahje shoqërore, ju ka kthyer në një skllav dhe vartës të tij, mendoni për duhanin si një i barazvlefshëm me vetëvrasjen ...
- Prova kohëzgjatjesh, bëni një marrëveshje me veten tuaj për të arritur kohëzgjatjen me të gjatë të qënies suaj pa pirë duhan, sa i aftë jeni të duroni. Në këtë sprovë tuajën, vini përpara vetes suaj një kusht, që nëse nuk arrini të duroni pa pirë për një periudhë kohe të paracaktuar nga ju, do të jeni të detyruar të bëni diçka që e keni shumë inat apo diçka që ju bën qesharak në sytë e të tjerëve.