Kisha Ortodokse i mbyll deren cameve.

[Era1]

OMONIA: Marrshimi çam kërcënim antigrek


Në sinkron me përgjigjen e Sinodit të Shenjtë të Kishës Ortodokse Autoqefale Shqiptare ka reaguar dje dhe organizata OMONIA që përfaqëson komunitetin e minoritarëve grekë në Shqipëri. OMONIA e ka cilësuar marrëshimin përkujtimor të komunitetit çam drejt kufirit grek si “tubim thellësisht nacionalist dhe antigrek, dhe një kërcënim anakronik për luftë dhe pushtime”. Në deklaratën për shtyp të OMONIA-s thuhej se:”Segmente të caktuara dhe minorante të shoqërisë shqiptare synojnë të na kthejnë në periudhën e luftës së ftohtë. Bashkimi Demokratik i Minoritetit Etnik Grek “OMONIA” gjykon se këto demostrime të importuara të vetmen gjë që ofrojnë është risjellja në sipërfaqe të problemeve jo të pakta ballkanike dhe të ngacmimeve në kahun negativ të problemeve ndërfetare”. Në fund të deklaratës së OMONIA-s thuhet se komuniteti i minoritarëve grekë në Shqipëri u gjet në krah të forcave antifashiste, ndërsa çamët bashkëpunuan hapur me forcat fashiste dhe kolaboracioniste.

Nga Gazeta Shqiptare