Gazeta elektronike sportive: "FUTBOLLI

[gen|us]

Ferguson: Rooney mund të jetë një kapiten i mrekullueshëm

Menaxheri i Manchester United, Sir Alex Ferguson, ka krahasuar Wayne Rooneyn me ish-kapitenët legjendarë të Djajve të Kuq, Bryan Robson dhe Roy Keane. Wayne Rooney, 22-vjeçar, është prezantuar si kapiten i ekipit nga Ferguson, për ndeshjen e fundit të fazës së grupeve, që do ta luajë sot kundër Romës.
Ai ka thënë për Daily Mirror: “Wayne më ka mërzitur që të jetë kapiten me vite dhe unë jam pajtuar me një kusht, nëse ai nuk i merr përsipër gjuajtjet. Ai është djalosh shumë i fortë, ai e pëlqen futbollin e tij, andaj edhe luan”.

Menaxheri i United beson se Rooney i ka të njëjtat kualitetet si edhe dy ish kapitenët e klubit, Bryan Robson dhe Roy Keane. Ferguson pret që Rooney të shquhet me aftësitë e kapitenit kundër ekipit të Luciano Spalletit, që do të luhet në Olimpico.

[gen|us]

Liga e Kampionëve:Liverpool mposht Marseillen

• Liverpool është kualifikuar më tej në Ligën e Kampionëve, pas fitores së thellë prej 4-0, në udhëtim tek ekipi i Lorik Canës, Olimpique Marseille - i cili tash do t'i vazhdojë garat në Kupën UEFA. Nga grupi A, i kualifikuar dhe në pozitën e parë tashmë është Porto, pas fitores 2-0, si nikoqir i Besiktasit.


Grupi A Ekipi anglez kaloi në epërsi mjaft herët përmes Gerrard, që humbi penaltinë por që shfrytëzoi topin e rikthyer, për ta çuar në avantazh ekipin e tij (4’). Shumë shpejt shënoi edhe Torres, për avantazhin 2-0.

Francezët vazhduan të bëjnë presion duke kërkuar gol, por kjo nuk ndihmoi. Liverpool shfrytëzoi kundërsulmet, për të shënuar edhe dy gola të tjerë, të cilët erdhën përmes Kuyt, me fillimin e pjesës së dytë (48’), dhe Babel, në minutat e fundit të ndeshjes (90’).

Porto ka shënuar fitore prej 2-0 në vend të vet ndaj turqve të Besiktas, me golat e Gonzalez (44’) dhe Quaresma (62’), duke mbajtur pozitën e parë në grupin A me 11 pikë. Liverpool mbledh 10 në pozitën e dytë, ndërsa Marseille mbetet me 7 dhe eliminohet nga Liga e Kampionëve, ndërsa do ta vazhdojë betejën në Kupën UEFA.

Grupi B

Chelsea, që kishte siguruar kualifikimin që në ndeshjet e kaluara, ka barazuar pa gola në fushë të vet, përballë Valencias, në kuadër të grupit B. Schalke po ashtu është kualifikuar, pas fitores në fushë të vet, me rezultat 3-1 ndaj Rosenborgut.

Gjermanët kaluar dy herë në epërsi përmes Asamoah (12’) dhe Rafina (19’), para se norvegjezët të ngushtonin epërsinë me anë të Kone (23’). Por ishte Kuranyi ai që vulosi rezultatin, që në pjesën e parë (36’), duke siguruar edhe kualifikimin e Schalkes.

Chelsea mban 12 pikë në pozitën e parë, ndërsa Schalke 8 pikë. Rosenborg me 7 pikë do të vazhdojë garën në Kupën UEFA.

Grupi C

Real Madrid dhe Olimpiakos, janë dy ekipet tjera që do të vazhdojnë garën në fazën e ardhshme eliminuese, të Ligës së Kampionëve. Real shënoi fitore të lehtë ndaj italianëve të Lazios, me rezultat 3-1, ndërsa Olimpiakos 3-0 ndaj gjermanëve të Werder.

Spanjollët avancuan tri herë në pjesë të parë, përmes Baptista (13’), Raul (15’) dhe Robinho (36’). Golin e vetëm të mysafirëve e shënoi maqedonasi Pandev dhjetë minuta para përfundimit të ndeshjes, ndërsa Tomaso Rocchi humbi një penalti në minutat shtesë të ndeshjes.

Olimpiakos ka qenë befasia e kësaj faze grupore të Ligës së Kampionëve. Grekët shënuan fitore prej 3-0 në fushë të vet, ndaj Werder Bremen, duke vazhduar garën e mëtejme. Stoltidis shënoi dygolësh (12’ dhe 74’) dhe një tjetër erdhi nga Kovacevic (70’).

Real Madrid dhe Olimpiakos mbledhin nga 11 pikë, por Real mban pozitën e parë. Bremen do të garojë në Kupën UEFA.

Ndeshjet e grupit D, janë luajtur që në javën e kaluar, për shkak të pjesëmarrjes së Milanit në Kupën Botërore të Klubeve. Nga ky grup janë kualifikuar Milani dhe Celtic, derisa Benfica vazhdon garën në Kupën UEFA.

[gen|us]

Roma dhe Manchesteri barazojnë, Lyon kualifikohet


Derbi i xhiros së fundit të fazës së grupeve, mes Romës dhe Manchester United, në kuadër të grupit F, i zhvilluar në Olimpico, ka përfunduar me barazim 1-1, derisa Lyon ka mposhtur si mysafir Rangers, për të siguruar vendin e dytë në grupin E.
Grupi E

Barcelona ka mposhtur 3-1 ekipin e Stuttgartit, në ndeshjen e luajtur në Camp Nou. Spanjollët pësuan gol që në fillim të ndeshjes, kur gjermanët kaluar në epërsi përmes da Silvas. Vendasit barazuan me anë të Dos Santos, në pjesë të parë (36’), ndërsa me dy gola të pjesës së dytë nga dyshja e famshme Eto’o (57’) dhe Ronaldionho (67’), siguroi edhe fitoren.

Lyon ka siguruar vendin e dytë dhe kualifikimin më tej pasi që mposhti 3-0 skocezët e Rangers si mysafir, të cilët do të duhet të garojnë tash në Kupën UEFA.



Grupi F
Roma dhe Manchester United, të kualifikuar që më herët, kanë ndarë pikët pas barazimit 1-1. Anglezët kaluan të parët në epërsi përmes Pique (34’), por vendasit arritën të barazojnë në pjesë të dytë, me anë të Mancici (71’). Manchesteri, me këtë barazim mbledh 16 pikë, derisa Roma 11.

Në ndeshjen tjetër të këtij grupi, Sporting Lisbona ka mposhtur 3-0 Dinamo Kievin, dhe ka siguruar biletën për në Kupën UEFA (7 pikë). Dinamo mbetet i vetmi ekip pa pikë, në fazën e grupeve.

Grupi G

Fenerbahce ka mposhtur CSKA Moskën me rezultat 3-1, në ndeshjen e luajtur në Turqi, duke siguruar kalimin në rundin e ardhshëm të Ligës së Kampionëve, së bashku me Interin, që ka fituar si mysafir i PSV Eindhoven.

Turqit u rikthyen nga disavantazhit 1-0, që erdhi pas autogolit të Dracena (30’), për të fituar në fund 3-1, me golat e Alex dy minuta më vonë (32’) dhe dy gola të Boral, në minutat e fundit të secilës pjesë (45’, 90’).

Inter ka fituar me rezultat minimal 1-0 ndaj PSV, me golin e vetëm të Cruz (64’). Vendasit nga minuta e 28-të luajtën me 10 lojtarë pas kartonit të kuq të Mendezit.
Inter ka 15 pikë në pozitën e parë, derisa Fenerbace 11 në të dytën. Holandezët gjendet në pozitën e tretë me 7 pikë dhe do të garojnë në Kupën UEFA.

Grupi H

Sevilla ka fituar 3-0, si mysafir i Slavia Pragës, duke e ruajtur vendin e parë në grupin H, para Arsenalit që ka mposhtur 2-1 Steaua Bukureshtin. Fabiano (66’), Kanoute (70’) dhe Daniel Alves (87’) shënuan për fitoren e Sevillas. Për Arsenal shënuan Diaby (8’) dhe Bendtner (42’), ndërsa golin e vetëm të Steauas e shënoi Zaharia.

Seilla mban kreun me 15 pikë, dy më shumë se Arsenali në pozitën e dytë. Slavia Praga mbledh 5 pikë dhe do të kalojë në Kupën UEFA.

[gen|us]

Lippi: Capello është perfekt për Anglinë


Fituesi i Kupës Botërore me ekipin e Italisë, trajneri Marcelo Lippi, ka parashikuar që Fabio Capello mund të ketë një sukses të madh, nëse e merr detyrën e trajnerit të kombëtares së Anglisë.
Fabio Capello është në prag të marrjes së kësaj detyre, ndërsa ish-trajneri i Italisë, Lippi, ka lavdëruar Asociacionin e Futbollit Anglez (FA) për vendimin e tyre.

“Capello është mbase zgjidhja më e mirë për Anglinë”, ka thënë ai për Daily Mirror. “Mjafton të shohësh sa shumë trofe ka fituar në karrierën e tij, për të kuptuar se cilat janë kualitetet e tij dhe, çfarë ai mund të sjellë në këtë rol”.

Capello së fundi është takuar me përfaqësuesit e FA-së dhe thuhet se do të shpallet si menaxher, madje gjatë ditës së sotme.

[gen|us]

Milan shënon fitore kundër Urawa Reds

Clarence Seedorf ka shënuar golin e fitores për Milanin, gjatë ndeshjes mjaft të vështirë kundër ekipit japonez, Urawa Reds, fitore që i siguron kampionit evropian vend në finalen e Kupës Botërore të Klubeve.
Urawa Reds Diamonds kishte një fillim mjaft të mirë, dhe dy tentime për të shënuar, gjatë 10 minutave të para, përmes Abe dhe Tanaka, por që Milan shpejt është rikthyer në lojë, me disa raste të mira shënimi.

Goli i avantazhit dhe i vetmi i ndeshjes erdhi në minutën 68-të, kur Kaka gjeti Seedorfin, i cili dërgon topin në rrjetë. Milan do të takohet me Boca Juniors në finalen e së dielës.

[gen|us]

Kanoute preferon përballjen kundër Lyonit


Frederic Kanoute ka thënë se dëshiron që Sevilla të takojë Olympique Lyonin gjatë rundit të ardhshëm të Ligës së Kampionëve, pasi që është një klub i zemrës së tij. Sevilla përfundoi e para në grupin H, derisa Lyon i dyti në grupin E.
Përfaqësuesi nga Mali, nuk ka pasur dyshime se me cilin ekip do të dëshironte të përballej, pas tejkalimit të fazës së grupeve. “Personalisht do të dëshiroja të përballem me Lyonin, pasi që është klubi im dhe do të dëshiroja të luaj kundër tij”, ka thënë ai.

Para se të kalonte në West Ham në vitin 2000, Kanoute ishte pjesë e Lyonit, ku edhe e filloi karrierën ,dhe ku pati 70 paraqitje me ekipin e parë. Ai edhe është i lindur në këtë qytet.