Kosova shtet? Asnjëher .. FSK-ja nuk merret me çështje ushtarake.

[Qorri]

Veriu i Kosovës ’zonë e ndaluar’ për FSK-në

Blendi Gashi, Bota Sot
Politika vendos edhe për sigurinë
Forca e Sigurisë së Kosovës (FSK), është institucion i ri i cili është formuar pas shpërbërjes së TMK-së dhe mbi bazë të Propozimit të presidentit Ahtisari për statusin e Kosovës. Pas transformimit të TMK-së mbi 5000 veta aplikuan për t’u bërë pjesëtarë të Forcës së Sigurisë së Kosovës, forcë e cila është mjaft e rëndësishme për Kosovën. Sipas rezultateve që ofron FSK-ja, deri më 20 maj 2009, prej 728 pjesëtarëve të FSK-së të paraparë për trajnim, iu kanë përgjigjur ftesës 690 pjesëtarë, ndërkaq trajnimet i kanë përfunduar 632 prej tyre ose afër 92 për qind, kurse kanë dështuar afër 8 tetë për qind. Arsyet e dështimit kryesisht kanë qenë të natyrës fizike, të moshës etj, si dhe është një përqindje e vogël që kanë rënë nga kursi. Forca e Sigurisë së Kosovës (FSK), për momentin ka mbi 1500 pjesëtarë ku 1400 pjesëtarë janë nga kontingjenti i parë i TMK-së dhe 106 janë pjesëtarë të ri që u janë bashkuar FSK-së.